bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Samuel 22
2 Samuel 22
Sidamo
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Maganu Daawiti Saaoolinna wolu diini baalu anganni gatisinosihura, Kaaliiqira kunninni aante noo faarso faarsino:
2
Kaaliiqi golo'yaati; jawaata qiisho'yaatinna gatisaancho'yaati.
3
Maganu golo'ya ikkinoehura, isi ledo keerunni hee'reemmo; wonqo'ya ikke gargarannoe. Hale'ya ikke keerunni worannoe; isi gatisaancho'ya ikkinohura, shettotenni fushshannoe.
4
Galatu hasiisannosiha Kaaliiqa woshshi'reemmo; isino diinna'yawiinni gatisannoe.
5
Reyote dambali doyissie; baote lolahino egemmie.
6
Jeennaatu siiwo aanaho xaaxantue; reyote woshshaadono amaddue.
7
Qarru iillie yannara Kaaliiqa woshshi'roommo; kaa'laera Magani'yawa hige raaroommo; Isino Qullaawu Minisira hee're, qoonqo'ya macciishshino; raare'yano isiwa iillitino.
8
Maganu hanqeenna baatto huxidhe shafantu; gordu safono milli yitu.
9
Sanosinni hanqu wiliile fultu; afiisinnino ittanno giiranna buwanno kashili fuli.
10
Gordo dare baattote aanira dirri; kolishshu gomichi lekkasira woroonni no.
11
Kirubeeli aana ofolle buuwi; bubbete qooli aana ofolle leelli.
12
Kolishsho gomicho dukko assi'ri; qooxeessisira noo dukkonna, xeena amadinohu du'mu gomichi doyissisi.
13
Albasiinni noo beleqinni, buwanno kashili fuli.
14
Kaaliiqi gordoho hee're beleqi; Wo'munkura Aliidi Magani hirbasi macciishshiishi.
15
Digaanunni worbicho kaachishi; baarigaarrasino billaallisi; banqote beleqinni shorrinsa.
16
Kaaliiqi baarigaarrasi rufita, sanosi giddonni fulino foorarinni ufita, baaru hundi leelli; baattote hundino reqecci yii.
17
Kaaliiqi iima hee're angasi diriirse haarie; wayi diime giddonni fushshie.
18
Lowo geeshsha wolqissinoe baarigaarrawiinninna, gibbannoeri baalunkuwiinni gatisie.
19
Qarramummo barra aana'ya ka'ue; Kaaliiqi kayinni irko'ya ikkinoe.
20
Baxinoe daafira qarru giddonni fushshe, faffote darga masse worinoe.
21
Kaaliiqi halaalaanchimma'ya garinni uyinoe; wodani'ya keeraanchimma garinni maassi'rinoe.
22
Kaaliiqi seerano agadhoommo; bunshe loosate yee Magani'yara badhe diwodhoommo.
23
Hajajosi baala alba'yaanni no; wogasiwiinnino difafoommo.
24
Isi albaanni sao diassoommo; cubbono qorophoommo.
25
Kaaliiqi halaalaanchimma'yanna, keeraanchimma'ya garinni daware aannoe.
26
Kaaliiqa, ammanaminohehura ati ammanamoottoho; taashshanno manchira ati taashshattoho.
27
Suwashshu manchira suwatto; shokkashshu manchira kayinni gara giwatto.
28
Umonsa heeshshi assitinore gatisatto; heeshshi assitansara illekki boonaleeyye la'anno.
29
Kaaliiqa, ati anera caabbicho'yaati; Kaaliiqa'ya ati, tunsicho'ya xawisatto.
30
Ate wolqanni baarigaarra'ya qeeleemmo; ate Magani'yanni qiishonsa giddora kubbe e"eemmo.
31
Magani'ya doogo guutate! Kaaliiqi qaali ximbiiwaminoho; hexxitannosirira baalaho isi wonqote.
32
Kaaliiqa agurranna wolu Magani dino; Maganinke callu irkonkeeti.
33
Wolqa aannoehunna, doogo'ya keerunnita assannoehu Maganoho.
34
Lekka'ya geedimunnite gede kaajjishannoe; gaarrate aana wodani gede qaafisannoehu isooti.
35
Anga'yara ola rosiisino; camote digaana bedeedate cigile'ya kaajjishino.
36
Gargadhinannita wonqokki oottoe; towanyokkino jawa assitinoe.
37
Qaafo'ya halashshoottoe daafira, shalaqe diuwoommo.
38
Baarigaarra'ya shorre amade cancanoommo; insa gudummokkinni agure badhera dihigoommo.
39
Layinkimeeshsho ka'annokki gede asse ganoommo; insano qeelante lekka'ya hunda ubbino.
40
Olaho wolqa oottoe; gawajjitannoere lekka'yara woroonni karootto.
41
Diinna'ya badheegge xooqqanno gede assootto; gibbannoereno gudoommo.
42
Raartanno; kaa'lannonsaha kayinni diafidhanno; Kaaliiqiwa higge raartino; isi kayinni didawarannonsa.
43
Bukote gede asse maniisseemmonsa; doogote sabbi gede asse lilleemmonsa.
44
Haxawarru manni'yawiinni gatisattoe; dagate umo assoottoe; egennoommokki gosano gashshantannoe.
45
Wole gobba manni ayirrinye aannoe; anere macciishshanni hee'renni hajajamannoe.
46
Insa wolqa hooggu; ri'inowiinni huxidhanni fultu.
47
Kaaliiqi heeshshonniho; gatisannoehu golo'ya ikkino Magani galatamo; gatisinoe Magani ayirro.
48
Rabba qolannoe Magani, daga ane anga galtanno gede assanno.
49
Diinna'ya anganni gatisse fushshattoehu ateeti; gawajjitannoerira iimaanni qoloottoe; kaajjadu manni anganni gatisoottoe.
50
Kunni daafira Kaaliiqa, ate dagate mereero galaxxeemmohe; su'makkino faarsotenni guwiseemmo.
51
Moohisinosihura jawa qeelle aanno; buurinoha bagamannokki baxillinni baxannosi; Daawitinna sirchosino hakko baxillinni baxannonsa.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24