bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Samuel 5
2 Samuel 5
Sidamo
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Israeelete ga're baala Kebirooni Daawitiwa dagge, «Kune ninke maalakkiitinna mundeekkiiti.
2
Alba Saaooli mootenke ikke noo waro, Israeelete mannira gaadaanni ateeti. Qoleno Kaaliiqi, ‹Manni'yara Israeelete albisatto; mootensano ikkatto› yiinohe» yitusi.
3
Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Daawiti buurte Israeelete moote assitusi.
4
Daawiti moohi waro 30 diri wedellichaati. Kebirooni Yihudaho 7 dironna darate moohino. Yerusaalamete Israeele baalatenna Yihudaho 33 diro moohino. Mitteenni 40 diro moohino.
6
Mitto barra moote Daawitinna ledosi manni Yerusaalame amaddara hadhu. Hakkiicho heedhannori Iyaabuusootu kayinni Daawiti insa qeele katama amadannoha dilawinonsa. Kunnira Daawiti, «Horonta kawiira e"eemmo yite yortooti! Wole agurina, illiweelootunna kottootu nafa katama ea diuyitannohe» yitusi.
7
Daawiti kayinni qiinshoonniha Tsiyooni Katama amadi. Hakkonne katamano, «Daawiti Katamaati» yini.
8
Hakko barra Daawiti mannisira, «Ane gede Iyaabuusoota giwannohu ki'ne giddo nooni? Giwa'ne shaate iillishshannota ikkituro, hanni wayi ha'ranno faro higgine fultine hakkore illiweelootanna kottoota shiiyye» yii. Kunninni kainohunni, «Illiweelootunna kottootu Maganu Minira die'anno» yini.
9
Daawiti hakkonne katama teesso assi'ri. Isono, «Daawiti Katamaati» yii. Gaaraho Soojjaatoonni minu gammaliwiinni kayise gaaru gaangaawira katama mini.
10
Olantote Mootichi Kaaliiqi ledosi noo daafira, Daawiti yanna yannantenni gashshootu wolqa lexxi.
11
Kiraami yinannihu Xiroosi moote Daawitiwa manna soyi. Insa ledono Daawitira mootete mine mintannori daguwu haqqe anga haadhinori haqqunna kinchu loosaasine no.
12
Kunninni kainohunni Daawiti, Kaaliiqi Israeelete moote asse uurrisinositanna mannisi Israeelete daafira yee gashshootesi qinaado assinota buuxi.
13
Daawiti Kebirooninni Yerusaalame dayihu gedensaanni, albinni roore wole meentonna irkonniha lexxe adhi; labballunna seennuno lexxite ilantusi.
14
Yerusaalamete ilantinori: Shamua, Shobaabi, Naataani, Selemooni,
15
Yibihaari, Elishua, Nefeegi, Yaafia,
16
Elishamai, Eeliyadaiitinna Eelifeleexiiti.
17
Filisxeeme Daawiti Israeelete moote ikke buuraminota macciishshite, Daawiti qafaddara fultu. Daawitino konne coye macciishshe qiishosi giddora ei.
18
Filisxeemeno dagge xerri yite Refayimi Lagicha amaddu.
19
Daawitino, «Fule Filisxeeme qasoni? Anga'yara sayisse aattoe?» yee Kaaliiqa xa'mi. Kaaliiqino Daawitira, «Ee, addinta Filisxeeme angakkira sayise eemmohena fulte qasi» yiisi.
20
Daawitino Ba"aali-Peraasiimi yinanniwa daye, Filisxeeme qase qeeli. Qeelihu gedensaanni, «Kaaliiqi diina'ya lolahu gede asse dhoosino» yii. Kunnira hakkonne darga, «Ba"aali-Peraasiimi» yini.
21
Filisxeemeno xooqqanni kaphunnita magannansa hunte hadhu. Hunte hadhinota magannansa Daawitinna ledosi manni dukke haadhe hadhu.
22
Filisxeemeno galagalte dagge, xerri yite Refayimi Lagicha amaddu.
23
Daawiti xaano Kaaliiqa lede xa'mi. Kaaliiqino, «Xa noottowa heedhe qassootina, badheenni higge gaangeessite odahete mule heedhe qasi.
24
Odahete iima bagadaanonnihu gedee hirba macciishshittoro, hatti yanna ani Filisxeemete olanto ganammora balaxe albakkiinni fuleemmotena rakke qasi» yiisi.
25
Daawitino Kaaliiqi hajajinosi gede assi. Filisxeeme Geebanni kayise Gezeeri geeshsha shorri.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24