bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Samuel 17
2 Samuel 17
Sidamo
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Shiima yanna gedensaanni Akixoofeeli Abeseloomira, «Tonaa lame kume manna doore techo hashsha Daawiti shorreemmona fajjie.
2
Daafure wolqa hooge hee'reenna mare dano tugeemmo. Hakkawoyite isi masanno; ledosi noori baalu agurte xooqqanno. Isi callisi nooha amade sheemmo.
3
Idayicho ayiddaannisewa daggannonte gede, mannu baalu atewa higanno gede asseemmo. Ati mittu manchi callu reyara hasi'ratto; hakkuyi ka'i manni kayinni keerunni hige ate ledo hee'ranno» yii.
4
Abeseloominna ledosi noohu Israeelete geerri baalu amaalesi baxxu.
5
Abeseloomi, «Hanni Kuusino woshshine yaannore anfo» yii.
6
Kuusi dayita Abeseloomi, «Akixoofeeli togo yiinona, isi yii gede assinonso ati amaalattonkeri woliri no?» yee xa'misi.
7
Kuusino Abeseloomira, «Akixoofeeli xa tenne yannanni malino mali dancha di"ikkino» yiisi.
8
Annikki Daawitinna ledosi noori wolqaataamma bagadaanonna qalino dagunchi gede waajjishshannore ikkitinota afootto. Qoleno annikki sia bareessa ikkino daafira hashsha olantosi ledo digalanno.
9
Xa kawoote nafa miteekke godu giddo woy mitto darga maaxame nooha ikkanno. Daawiti ate olanto aana bala tuginota afiro, mannu baalu olantokki qeelantinohu gede asse hasaawanno.
10
Israeelete manni baalu annikkinna ledosi noo manni wolqaataamma bagadaano ikkitinota afino daafira, doobbiichu gedee bareedda ikkitinori olantokki nafa waajjite huxidhanno.
11
Kunnira ani amaaleemmoheri, «Aliyyenni Daaninni kayise wodiidoonni Bersaabehi geeshsha noohu baaru gami shaafi geeshshihu Israeelete manni baalu atewa dayenna, ati gaadaanna ikkiteenna ledokki fuliro woyyanno.
12
Daawitino e'nummowa e'ne noowa iillineemmo; loju baatto amadannohu gede hedeweelcho aanaho dirrineemmosi. Ledosi noo manni baalu mittuno gatikkinni gundeemmo.
13
Xooqe qiinshoonni katama eiro nafa Israeelete manni baalu katama siiwotenni goshooshe wigidiide lagaho tuganno; mittu kinchi nafa dargaho digatanno» yii.
14
Abeseloominna Israeelete manni baalu, «Kuusi mali Akixoofeeli malinni rooranno» yii. Kaaliiqino Abeseloomira bao dagganno gede assara yee woyyitannosita Akixoofeeli amaale adhantannokki gede assino.
15
Hakkunni gedensaanni Kuusi qeesootaho, Saadooqiranna Abiyaataarira, Abeseloomiranna Israeelete geerrira Akixoofeeli uyino amaalenna isi malino mali hiittoohoro kulinsa.
16
Qoleno, «Xa mootenna ledosi noo manni goofannokki gede, kunni hashshinni rakke halallitte gobba widoonni higge Yordaanoosi Waa fultona Daawitira kulle» yii.
17
Hatte yannara Yoonaataaninna Akima"aasi Katama e'anna anfanninsakki gede Ayini-Rogeeli Buichowa ofolte no. Mitte beetto marte ikkanni noore baala kultunsa. Insano affinore hadhe moote Daawitira kultusi.
18
Mitte soodo kayinni mittu beetti insa afe Abeseloomira kuli. Insano hakkiinni rakke ka'e Bahuriimi Katamira hee'rannohuwa mittu manchiwa hadhu. Hakko manchi mini mule wayi bale nootera e'e maaxantu.
19
Kunni manchi galte balete afiira dado karte aanaho gide haggu. Konne coye ayino dihuluullamino.
20
Abeseloomi ledo manni manchonniwa daye, «Akima"aatsinna Yoonaataani hiikko no» yite xa'mituse. Manchono, «Waa tayisse fulte hadhino» yitunsa. Insano hasse hoogge Yerusaalame higgu.
21
Insa hadhuhu gedensaanni Akima"aatsinna Yoonaataani balete giddonni fulte hadhe, ikkinore Daawitira kultusi. Akixoofeeli ganino ganono kultusihu gedensaanni, «Rakke Waa tayisse fulte ha'ri» yitusi.
22
Kunnira Daawitinna ledosi noori baalunku ka'e Yordaanoosi Waa fulte hadhu. Sooda geeshsha Waa tayise fulinokkihu mittuno dino.
23
Akixoofeeli malisi adhaminokkita afiti, harrichosi koodhe kae katama minisira ha'ri. Mine biddi assi'rihu gedensaanni angasinni qalxi're reenna, annisi waammara madaarrisi.
24
Abeseloominna ledosi noo Israeele Yordaanoosi Waa tayisse fultu yannara, Daawiti kayinni Mahinayimi Katama iilli.
25
Abeseloomi Iyoaabi darga ola hajajannoha Amaasa yinanniha wori. Amaasa Ismaeelichu Yeteeri beettooti. Isi Iyoaabi ama Tseruya rodoo Naoosi beetto Abigiya adhino.
26
Abeseloominna ledosi manni Geleaadi baattora marte kunseentu.
27
Daawiti Mahinayimi Katama dayi yannara, Amoonootu gobbanni Raaba Kataminni dayinohu Naoosi Beetti Shoobi, Lodebaari Katami manchi Amieeli beetti Makiiri, Roogiliimi Katamihu Geleaadichu Barzilayi,
28
Daawitinna mannisi halallitte gobbara hudidhinota, daafurtinotanna goodhinota affe, xiltuwa maaqquwanna itiilluwa haadhe abbitunsa. Qolteno Daawitiranna ledosi mannira qamade, hayixe, bullee, du'rinshoonni shoye, baaqeela, atara, malawo, burbuxxo, geintonna ge'reewo haadhe abbitunsa.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24