bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Deuteronomy 22
Deuteronomy 22
Sidamo
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
«Gobba'ne manchihu lalu woy ge'reewu bainoha affiniro, haadhine massesi ikkinnina sammi yitine sa'inoonte.
2
Gobba'ne manchi fafe nooha ikkironna woy saada ayetero affinoonnikkiha ikkiro, annu hasi'ranni daa geeshsha, haadhine mini'nera masse. Hasi'ranni daanno woyite uuyyesi.
3
Gobba'ne manchiha harricho woy uddano woy bainosire baala affiniro hattonni asse. Sammi yitine sa'inoonte.
4
«Gobba'ne manchira harrichu woy bootu doogote ubbe noota affiniro, kayissinikkinni sammi yitine sa'inoonte.
5
«Meyati labbaahu uddano uddidhoonke; labbaahuno meyate uddano uddi'roonke. Hatto assannohu baalu Magani'ne Kaaliiqi albaanni bushaho.
6
«Doogo sa'inanni, caacurre woy quuphe hanqafidhe noo ceicho mine haqqu aana woy baattote aana affiniro, ama caacurrise ledo adhitinoonte.
7
Caacurrese adhitinara dandiitinanni. Seyanno'ne gedenna diri'neno seedanno'ne gede caacurru ama hadhona agurrese.
8
«Mine mi'nitinanni yannara kaxxine fullanni darga seekkidhiniro, mannu minu aaninni uweenna xa'mantinannikki gede gammala seekke.
9
«Woyinete kaashshi'ne darga wole jajja loosi'ra hoolloonnite. Hatto assitiniro, hakku jajji'neno ikko woyine'ne kaa'litanno'nekkita ikkitanno.
10
«Handonna harricho mitteenni waaxxine hawuudhitinoonte.
11
«Addi addi shalonni gannoonni uddano uddidhinoonte.
12
«Uddidhinanni uddanora shoolente qaccera handaara worre.
13
«Mittu manchi galte adhe ledose galihu gedensaanni, baxisa hooggusiro,
14
su'mase hunara, ‹Tenne beetto adhoommollana laummo woyite seemo di''ikkitino› yiiro,
15
beettote anninna ama seemo ikkase leellishanno malaate haa're katamu waalchira noo geerriwa dayona.
16
Beettote anni geerraho, ‹Beetto'ya kunni beettira oommo. Isi kayinni xa giwinose.
17
Su'mase hunara: Beettokki wo'ma di"ikkitino yiinoe. Beetto'ya wo'ma ikkase egenshiishshi kayinni kuneeti› yee kulona. Hakkunni gedensaanni annisenna amase itiillete haanxicho hakko katami geerri albaanni fantona.
18
Hakkunni gedensaanni, geerru giwinoseha amade ereccishona.
19
Kuni beetti Israeelitte seemo su'ma hunino daafira, 100 kinchu birra mursiisse, woxe beettote annira oona. Beettono galtesi ikkite heedhona. Lubbotenni noo geeshsha ha'risasera didandaanno.
20
«Ikkeennano, ku'lasi halaale ikkiteenna beetto wo'ma ikkasera egenshiishsha shiqisha hoongiro,
21
annise mine heedhenni baashaabbe Israeelete giddo shollaataamo coye assitinona, annise mini waalchiwa massineenna, hakko katami manni ise reyita geeshsha kinnatenni awwaalona. Kunni garinni busha mereeri'nenni hunne.
22
«Mittu manchi, wolu manchi galte ledo goxinota anfiro, isonna hattenne mancho shinona. Busha Israeelete giddonni huna hasiissanno'ne.
23
«Mittu manchi huucci'noonnita wo'ma seemo katamu giddo afe ledose goxiro,
24
seemo katamu giddo heedhenni iille"e yite raara hoogginohura, manchuno wolu huucci'rinota uggino daafira, lamenka katamu waalchira gobbaanni massitine reyita geeshsha kinnatenni awwaalle. Busha mereeri'nenni huna hasiissanno'ne.
25
«Ikkollana, mittu manchi huuccantinota seemo beetto katamu gobbaanni afe wolqatenni uggiro, konne assoote assinohu isi callu reyona.
26
Reyote iillishanno cubbo loossinokki daafira, hattenne seemo aana mittorichono assitinoonte. Kuni coyi olliichosi hedeweelcho dano tuge shiinohu ledo mittoho.
27
Togo yinoonnihu, tenne beetto katamu gobbaanni amade ugginose daafiranna raarteenna nafa iille gatisannosehu nookki daafiraati.
28
«Mittu manchi huucci'noonnikki beetto wolqatenni macca huneenna anfe amandiro,
29
kuni manchi beettote annira 50 kinchu birra miinona. Beetto wolqatenni ugginose daafira, isi adha hasiissannosi. Reya geeshsha minisinni ha'risasera didandaanno.
30
«Ayino annisi galte ledo goxe annasi shollishoonke.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34