bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Deuteronomy 33
Deuteronomy 33
Sidamo
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
Maganu manchi Muse reyara albaanni Israeelete mannira uyino maasso kunninni aante noote:
2
Kaaliiqi Siina Ilaalinni dayi; Edoominni soodo arrishsho gede ikke aanansa fuli; Faaraani Ilaalira hee're xawinsa. Tonnu kumi sokkaasine ledosi no; qiniiticho angasinni bubbanno giira fultanno.
3
Halaaleho, manna baxattohu ateeti; qullaawootu baalunku angakki no. Baalunku lekkakki hunda kumbuultanno; atewiinni hajajo adhitanno.
4
Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.
6
Muse Roobeeli ga'rera, «Kiiro'ne shiima ikkiturono horonta reyitinoonte» yii.
7
Yihudu ga'rerano, «Kaaliiqi raare'ne macciishshe, wole ga're ledo kaa'lantinanni gede asso'ne. Kaaliiqi anga'ne jawaachisho; diini'ne ledo olantinanni yannarano ha'lo'ne» yii.
8
Leewi ga'rerano, «Ki'ne Maganu qeesootira Uriiminna Tumiimi aamamino'ne. Kunninni kainohunni Kaaliiqi Maasahi jifeenna'ne, ki'neno Meriiba Wayiwa sodhinikkinni sa'inoonni.
9
Anni'nenna ama'ne daafira coyidhinanni, ‹Ninke insa daafira diqarrammeemmo› yitinoonni. Roduuwa'nenna ooso'ne dihasidhinoonni; Kaaliiqira hajajantinoonni; gondoorisirano ammanantinoonni.
10
Kaaliiqi Seera Israeelete rosiissinanni; kakkalosi dargano hixaana giirtinanni; shilqote kakkalono shiqishshinanni.
11
Kaaliiqi maassi'ro'ne; assidhinanniri baalunkunni hagiidhe; galagalte ka'annokki gede diinna'ne baalano cancananno» yii.
12
Biiniyaami ga'rerano, «Kaaliiqi baxanno'ne; agaranno'ne. Barra wo'ma agaranno'ne; Kaaliiqi mereero'ne hee'ranno» yii.
13
Yooseefi ilamara, «Kaaliiqi baatto'ne xeenunni duushsho; qoleno baattote giddonni waa burqiso'ne.
14
Baatto'ne aganu aganunkunni laashshito'ne; laalo'neno arrishshunni le'o'ne.
15
Albi ilaalla'ne, doorantino laalo guggushshito.
16
Buwanni noo citi giddo hee're coyi'rinohunniti, Kaaliiqiwiinni dagganno maasso, baatto'nera danchu coyi baalu wo'manno gede assito. Yooseefi roduuwisira roorricha ikkino daafira, tini maasso baala isi ga'rera ikkito.
17
«Kumunni kiirranniri Efireeminna Minaase gaaddo, woraamu gede jajjabbahonna wolqaataammaho. Baarigaarrasi qasanno gaarraanchi gede, ki'neno diina'ne qassine baattote qacce fushshitinanni» yii.
18
Zaabilooninna Yisaakoori ga'rerano, «Ki'ne Zaabilooni ga're, baaru aana dadda'litine duroo'me. Ki'ne Yisaakoori ga'reno, mine heedhinenni duroo'me.
19
Wole ga'reno ilaalla'ne la'ara dagganno gede assitinanni; insano hakkiichira halaalaancho kakkalo shiqishshanno; jirono baaru aaninninna wayi gami shaafinni afidhinanni» yii.
20
Gaadi ga'rerano, «Kaaliiqi baatto'neno halashshannona galattesi; diina'ne cancanate doobbiichimma dugginanni.
21
Roorrootu gamba yitu yannara, gashshaanonnite gedeeta dancha baatto doorte uyitino'ne. Ki'neno Kaaliiqita halaalaancho hedo wonshitinoonni; wole ga'reno kaa'litinoonni» yii.
22
Daani ga'rerano, «Daani ga're, ki'ne aja doobbiichooti Baasaani gidi'ne giddonni fultine, diina'ne gawajjitinanni» yii.
23
Nifitaalemi ga'rerano, «Ki'ne Nifitaalemi ga'rera, Kaaliiqi lowo maasso aana'ne dunino. Galchiminna wodiidi baatto iqqa'ne assidhine adhe» yii.
24
Aseeri ga'rerano, «Kaaliiqi ki'ne wole ga'renni roore maassi'ro'ne; roduuwi'nenni roorse baxanno'ne; zayitetennino duroonso'ne.
25
Waalchi'ne cufani siwiilunnihanna camonniha ikko; lubbotenni heedhinoonni geeshsha wolqa'ne xe'oonke» yii.
26
Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.
27
Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.
28
Kunni daafira, gordunni loju dirranno baattora, gidunna haaro woyinete xajje wo'mitinowa, hawaqi're keerunni Yaiqoobi sirchi callu hee'ranno.
29
Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34