bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Deuteronomy 32
Deuteronomy 32
Sidamo
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
1
«Gordonna baatto, macciishshe"e; ani coyi'reemmona, ki'neno yeemmota macciishshe.
2
Rosi'ya xeenu gede ikke dirro; qaali'yano loju gede ikke dirro. Mudhino hayisso aana shoru gede ikke, kaashshu aanano ga'labbichu xeeni gede ikke dirro.
3
Ani Kaaliiqi su'ma galateemmo; Maganinkerano ayirrinye uyino!
4
«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.
5
Isi aana bunshe assitino; bunshensanni kainohunni kunni ka'a oososi di"ikkitanno; yawaawulootahonna shokkadda gosaati.
6
Ki'ne gowwootunna wodanchitinannikki gosa, Kaaliiqira qoltinanni galati konneeti? Isi kalaqino'neha anna'ne di"ikkino? Ki'ne gosa assino'nehu iso di"ikkino?
7
Alba saino dirire qaagge; kultanno'nena annuwa'ne xa'me. Alba sainore kultanno'nena geerra'ne xa'me.
8
Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.
9
Kaaliiqi Yaiqoobi sircho, umisi manna asse doodhino.
10
«Ki'ne Israeelete manna, moola baattora, woggartanno diilallo noowa halallitte gobbara, raataabbinanni heedhinoonnire afe, illesi gumi gede asse seekke agarino'ne.
11
Qoolasi aanansa diriirse caacurresi agadhanno allamurchi gede, Kaaliiqino qoolasi diriirse, mannasi uwannokki gede duhanno.
12
Ayetano wolu magani kaa'lo hasi'rikkinni, Mannasi Kaaliiqi callisi massagino.
13
«Kaaliiqi, mannisi gaaraame Kana"aani baatto gashshanno gede assino; gatinsa laalchono ittanno gede assinonsa. Kinnate giddonni malawo itisinonsa; kinnaame baattora zayitete ejersa fushshinonsa.
14
Lowo adonna buuro aanno lalo, coomino ge'reewo, deesallo me"e, hardinoha Baasaani lalo uyinonsa. Dancha qamadenna, xuma woyinete xajje uyinonsa.
15
«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.
16
Kaphu maganna magansi'ratenni, Magano hinaasiisse hanqissinosi. Hakkore magansi'ratenni battete coye assitino.
17
Halaalaasine ikkitinokkirira, annuwansa affinokkirira haaro magannara, kunni albaanni Israeele soqqante egentinokkirira kakkaltino.
18
Kalaqaanchinsa Maganuwiinni wirri yitino. Ilinonsaha jawaata golonsa habbino.
19
«Kaaliiqi konne coye lae hanqe, oososinna seennesi giwi.
20
Isino, ‹Mokkookkanna ammanantinokki ilama ikkitinohura, alba'ya insawiinni shawwu asseemmo; marte fultannowano afeemmo.
21
Tidhitinokkitenni kaphu magannanni hinaasiisse hanqissinoe. Anino hinaasiissannonsanna hanqissannonsa gede, tidhitinokkita gowwa gosa soyemmonsa.
22
Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.
23
« ‹Higgannokki bao abbeemmonsa; bagado'yano aanansa gudeemmo.
24
Hude guddannonsa; buwanno fooggali itannonsa. Shettote dhibbinni reyitanno; gawajjannonsa gede dubbu moyicho, iddannonsa gede harfaamo hamaso soyemmo.
25
Oosonna seenne, qaaqquullenna geerra, dooggate shinanni. Mine minesi noohuno waajjillunni kainohunni reyanno.
26
Insa ayino qaagannonsakki gede asse, billaallisammora dandeemmo.
27
Kayinnilla, diinnansa togo assinoommori ninkeeti ikkinnina, Kaaliiqa di"ikkino yite naaxxitara hasi'reemmokki daafira aguroommo› yiino.
28
«Tini wodancha afidhinokki gosaati; egennono horonta dinonsa.
29
Wodancha noonsaha ikkoommero, konne coye buuxxanno; marte gawa'litannowano affanno.
30
Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?
31
Magannansa Maganinke gedee jawaata ikkitinokkita, diinnanke nafa affino.
32
Diinnansa Soddoomunna Gomooru gate, kaasantino haqqicho woyinennite gede battabbinoreeti; insano qaraaronna harfu wo'mino laalo gedeereeti.
33
Woyinensano hamashshu harfi gedeeti.
34
«Kaaliiqino, ‹Insara hedoommore, ani miinju gede asse agare noommo.
35
Rabba anete; rabba ani qoleemmo; lekkansa sarraaqantannohu baonsa barri gamba yiino; qorichishantanno barri iillino› yiino.
36
Wolqa noonsakkitanna mannu goofita afe, mannasi keereensanno; soqqantannosire baala mararannonsa.
37
Hakkunni gedensaanni Kaaliiqi, ‹Wolqaataame maganna'ne, hanni hiikko nooyya?
38
Kakkalo'ne cooma ittuti, agatto'ne afanshita woyinete xajje aggu maganna hiikko no? Hanni dagge kaa'lito'ne! Hanni dagge golanto'ne!
39
« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.
40
Hegerera hee'reemmoha ikka'yanni, anga'ya ale qole kayise xaareemmo.
41
Bise'ya gamaxe bilicci yitanno gede asseemmo; halaalaancho yoo rakkanno gede ise anga amadeemmo. Diinna'ya rabbisi'reemmo; gibbannoereno qorichisheemmo.
42
Bise'ya diinna'ya maala ittanno yannara, bagadi'ya mundee aganno gede asseemmo. Diinna'yaha seeda danancho: umo mure tayiseemmo; qafadantinore baala sheemmo› yiino.
43
«Daga! Kaaliiqi manna jajje; mannasi shitinore baala qorichishanno. Diinnasi rabbisi'ranno; mannisi cubbono maaranno» yee nabbawi.
44
Museno Newe beetti Iyyaasu ledo daye tenne faarso mannu macciishshanna rosiise gudi.
45
Muse tenne baalanta faarso Israeelete manni wo'munkura kulihu gedensaanni,
46
«Konne Seera baalanka seekkite agadhitanno gede ooso'neno hajajjinara, ani techo faajjete kuleemmo'ne coye baala wodani'nera wodhe.
47
Kuni qaali ki'nera seeda heeshsho aanno'neho ikkinnina, mullicho qaale di"ikkino. Kunni qaalinni Yordaanoosi Waa fultine ragidhinanni baattora seeda diro heedhinanni» yiinsa.
48
Hakko barra Kaaliiqi Musera,
49
«Moaabi baattora Iyyaarko Katamira albaanni noo ilaalla Abariimitewa marte, Nebo Ilaala giddi. Hakkunni gedensaanni, Israeelete mannira ragisiiseemmota Kana"aani baatto lai.
50
Rodiikki Aarooni Hoori Ilaalira reyinte gede, atino kunni Nabawo Ilaali aana reyatto.
51
Kuni ikkannohuno, ki'ne lamunku anera ammanama hoogginoonnihuraati. Ani Maganoho; kayinnilla, halallitte baatto Tsiinitera, Qaadesi Meriiba Wayi mule Israeelete manni albaanni, anera hasiisino ayirrinye diuyitinoonnie.
52
Kunni daafira, fafowa heedhe la"attota ikkinnina, Israeelete mannira eemmo baatto marte di"iillatto» yiisi.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34