Hosea 6

Sidamo

← Chapter 5 Jump to: Chapter 7 →

1Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

2Lamu barri gedensaanni baqqi assannonke; sayikki barra kayisannonke. Albasiinnino lubbotenni hee'neemmo.

3Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

4Kaaliiqi kayinni, «Israeeletenna Yihudu manna! Ki'ne hiissummoro woyyate? Ki'ne ane baxxinanni baxilli soodimari guunjonna guto loji gede rahe ba"anno.

5Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

6Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

7«Insa kayinni, Addaami gede ane ledo e'ino gondooro diiggino. Hakkiicho anera ammanantinokkire ikkansa egensiissino.

8Geleaadi bushu manninna manna shitannori wo'mitino katama ikkino.

9Addi-fulootu manna shitara duggannohu gede, qeesootu gaamono hatto assitanno. Sekeemi massitanno doogora nafa manna shitanno; saalsiissanno bunshe assitanno.

10Israeelete giddo macca cu'mi'nanni coye afoommo. Hakkuno, mannu kaphu magano magansi'ratenni battaawino.

11«Ki'ne Yihudu manna! Wixidhinoonniha mixxitinanni yanna dagganni no.

← Chapter 5 Jump to: Chapter 7 →