bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
2 Samuel 22
2 Samuel 22
Sotho 1951 (BIBELE)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Dafida mehleng ya ge Morena a mo namoletše diatleng tša manaba a gagwe le diatleng tša Saulo, o rereletše Morena ka mantšu a sefela.
2
A re: Lentswe la ka, sebo sa ka, le monamoledi wa ka ke Morena.
3
Modimo ke lefika la ka, le ke le botilego, kotse ya ka le lenaka la ka la go nnamolela, morako wa ka, le tšhabelo sa ka, monamodi wa ka, monnamola bošorong.
4
Morenamoretiwa, ka na ka go bitša. Wa nnamola manabeng.
5
Ka dikwa ke mafula a lehu, ka tšhošwa ke noka tša bohlola,
6
ke tantšwe ke dithapo tša bodulabahu, ke kgamilwe ke mahuto a lehu,
7
ke tlaletšwe, ka bitša Morena, Modimo wa ka, ka mmitša, a kwa mokgoši wa ka a le mo Ngwakong wa gagwe; megobelo ya ka ya fihla mo tsebeng tša gagwe.
8
Fase le la šikinyega mme la roromela, metheo ya leratadima ya tekema ya kgwehla a befetšwe.
9
Dinko tša gagwe tša thuntšha meuši, mo ganong ga gagwe gwa tšwa mollo o tšhumango, magalamatukuma a tšwa mo go yena.
10
A inamiša magodimo a ologa, a gata mo go lego boso,
11
a fofa, Bakerubi ba mo rwele, a bonwa a išwa ke phego tša phefo.
12
Maswiswi a mo šira boka ntlo. Boso boka diba! Maru a sephirimetša!
13
Magadigadi a mo eta pele, a tuka dikgabo tša mollo.
14
Morena o dumiša maru a le kua godimo, godimodimo o kwatša ntšu la gagwe.
15
O betša mesebe a ba gašanya, o betša kgadima ba tšhoga,
16
madiba a lewatle a efoga, metheo ya lefase ya apoga ka kgalemo ya Morena, ka ledimo la mohla a galefile.
17
Nna a ntshwara a ntšhitše letsogo a le kua godimo, a nntšha meetseng a magolo,
18
a nnamolela ke hloilwe ke yo maatla, mola ba ba mpekilego ke se sa ba kgona.
19
Ba ntikile mohla ke pateletšwe, ka thekgwa ke yena Morena.
20
A nntšhetša kgakala molaleng, a nthlakodiša ka gobane a nthabela.
21
O mputsa ge ke loka, o mpušetša a bone diatla tše bolo,
22
ka ge ke hlokomela tsela tša Morena, ke sa senye ka mo lahla, yena Modimo wa ka.
23
Ke dula ke lebane le melao yagwe yohle, taelo tša gagwe nka se di tlogele.
24
O mpona ke se na bosodi, ke ila go oba molato.
25
Morena o mputsa bothakga, o mputsa a bone ke le yo bolo.
26
Yo botho o mo kwiša botho, monnamoloki o a mo lokela,
27
yo bolo o mmatela bolo, wa maaka ga o mmotegele.
28
Mothomohlaki o a mo namola; mahlo a gago a hlaba baipoti, wa ba uša.
29
Wena Morena, o lebone la ka. Ka Morena swiswi la ka e ba seetša.
30
Ke na le wena, ke šwahlela sera; ke na le Modimo wa ka, ke sela morako.
31
Modimo e, tsela yagwe ke go loka; lentšu la gagwe ke ntšulesekegi, ke kotse ya bohle ba ba mmotilego.
32
Gobane Modimo ke mang, ge e se Morena? Lentswe ke mang, ge e se Modimo e wa rena?
33
Modimo e ke sebo sa ka se se tiilego; o mpulela tsela ya go loka.
34
O mpha maoto boka kome, o nkiša mo ntlhohlong ya thaba ya ka.
35
O ruta atla tša ka go hlabana, bora bja tshipi ke bo nganga ka matsogo a ka.
36
O mphile kotse ya gago ka phologa, wa nkinamela wa nkgodiša,
37
bogato bja ka wa bo katološa, nao tša ka di se sa thedimoga.
38
Manaba a ka ke a hlomaretše ka a fetša, ke se gome ke sešo ka a feleletša,
39
ka a ja, ka a phumakanya a se sa tsoga, ka a gata ka dinao tša ka.
40
O ntlhamišitše maatla a tlhabano; bantsogedi a ba thokga mme ba ntoba.
41
Bantlhoi ba nneela dietse o na le nna, bampeki ke ba iša go lobeng.
42
Ba iša mahlo thoko tšohle, ba hloka monamodi, ba a iša go Morena, a se ba fetole.
43
Ka ba šilakanya boka role la lefase, ka ba pšhatlaganya, ka ba gatakanya wa seretse mokgobeng.
44
A nkemela mola tšhaba sa ka se ntsošetša kgang, a nteta, a mpea kgoši ya ditšhaba, gwa loba le bao ke sa ba tsebego.
45
Ba tšhaba dišele ba tlile ba lotšha, ba re go botšwa, ba napa ba nthaetša.
46
Ba tšhaba dišele ba šaretšwe; ba thothomela ba tšwa mo dibong tša bona.
47
Morena o gona! A go retwe Lentswe la ka, go tlotlwe Modimo, Sebobophologelo.
48
Modimo e, montefeletši, moreditšhabadintobe.
49
O ntšhegetše ka tšwa manabeng, a mpea ka tletlolo ga bampeki, a nnamoletše mo atleng tša monna e mošoro.
50
Morena ke tlo fela ke go reta ka tše bjalo ditšhabeng; ka tlotla leina la gago,
51
wena monamolakgošiyago ka tše kgolo, mošetšamotlotšwa wa gagwe Dafida le peu ya gagwe Neng le neng.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24