bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Hebrews 10
Hebrews 10
Sotho 1951 (BIBELE)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Bjale Molao, sa wona ke moriti fela wa tše di tlogo tla; ga se wona sebele sa dilo tšeo. Ka ngwaga o mongwe le o mongwe ba fela ba batamela ka didimo tšona tšeo, mme ba ba di tlišago ga ba kgone go hlatswiwamoka.
2
Bjale ge ba sa kgaotše go tliša didimo, a ga ke re ke ka gobane ba ba direlago Modimo ka tšona ba kwa letswalo le sa fela le tseba sebe? Ge ba ka be ba hlatswiwa gatee ya ba moka, go ka be go sa dirwe ka mokgwa woo.
3
Bjale ka go tliša didimo ka ngwaga o mongwe le o mongwe ba fela ba eletšwa gore sebe se sa le gona.
4
Go bjalo, ka ge madi a dipoo le a diphoko a sa kgone go tloša dibe.
5
Ke gona go tleng ga gagwe lefaseng a rego: Ga o kgahlwe ke didimo le dibego; se o nthakgetšego sona ke mmele.
6
Ga o nyake sehlabelo le selefa.
7
Ke mo nna ke rego: Ke nna e, ke a tla, Modimo; ke dira tše di go kgahlago; matlakaleng a puku go ngwadilwe tše di ntebanego.
8
O thoma ka go re: Ga o kgahlwe ke didimo le dibego le sehlabelo le selefa, mola e le tšona di tlišwago ge go iwa ka Molao.
9
A tla a re: Ke nna e, Modimo; gore ke dire tše di go kgahlago. Ke mo a fedišago tšela tša pele, gore a tle a bee tše dingwe.
10
Tše di kgahlago Modimo ke gore re be bakgethwa ka sedimo sa mmele wa Kriste se se tlišitšwego gatee ya ba moka.
11
Baperisita bohle ba be ba beilwe gore ba direle Modimo ka mehla, ba tliša tšona didimo tšeo gantši, tše di bego di sa kgone go tloša dibe le gannyane.
12
Gomme Jesu a tliša sedimo se tee sa go tloša dibe, a yo dula ka letsogong le letona la Modimo go ya go ile.
13
Se se šaletšego o sa se letetše, ke gore manaba a gagwe, a dirwe bogato bja nao tša gagwe.
14
Ka sedimo se tee seo o phethile go bopa bakgethwa ka botlalo bja go ya go ile.
15
Le Moya o Mokgethwa o re hlatsela moo wa bolela wa re:
16
Kgwerano ye ke tlogo e dira ge go fetile mehla yeno še; Ke tlo bea melao ya ka dipelong tša bona; ke tlo o tloka dipelong tša bona. O realo Morena.
17
Nka se ke ka hlwa ke gopola dibe tša bona le makgopo a bona.
18
Gomme mo go nago le tebalelo ya dibe, ga go sa nyakwa sedimo sa go di hlatswa.
19
Bjale bana bešo! Re na le mafolofolo a go tsena Sekgethwakgethweng ka madi a Jesu.
20
Ke yona tsela e mpsha, tsela ya go phela ye a re buletšego yona ka mmele wa gagwe; e iša kua go bego go širilwe ka sešireletšo.
21
Re na le Moperisita e Mogolo e a beilwego gore a buše Ngwako wa Modimo.
22
A re batameleng ge ka pelotumelo e tletšego, re hlatswitšwe dipelo tša tloga moetlo, re hlapišitšwe mmele ka meetse a a sekilego.
23
A re gomareleng moeno wa kholofelo ya rena re sa šišinyege; gobane e a re holofedišitšego o a botega.
24
A re hlokomelaneng seng sa rena, re išane leratong le medirong e botse.
25
Re se ngale phuthego ya gešo ka mokgwa wa ba bangwe; sa rena a e be go eletšana, gagolo ka ge letšatši le le kgauswi; le lena le a di bona.
26
Gobane ge re senya ka boomo ge re šetše re filwe go tseba therešo, gona ga go sa na sedimo sa go hlatswa sebe seo.
27
Se se tlogo šala ke go letela kahlolo ka poifo le go letela bogale bja mollo wo o tlogo ja baganyetši.
28
Ge motho a nyaditše Molao wa Moshe o be a bolawa a sa gaugelwe, ge go le dihlatse tše pedi le ge e le tše tharo.
29
A le re kotlo e tlo ba e nyenyane ye e tlogo wela motho e a gataketšego Morwa wa Modimo ka maoto, madi a kgwerano a go mo dira mokgethwa a re ga se selo, a nyatša Moya wa kgaugelo?
30
Rena re tseba e a boletšego a re: Tefetšo ke ya ka; le kotlo ke ya ka! O realo Morena. A buša a re: Morena o tlo ahlolela tšhaba sa gagwe.
31
Go wela diatleng tša Modimo e a phelago go a šiiša.
32
Gopolang mehla yela ya ge le sa tšo bonegelwa, la kgotlelela ntwa e kgolo ya ditlaišego.
33
Mo gongwe ba le bokela ka mahlapa le ka dihlokofatšo, mo gongwe la ba ba tee le ba ba bego ba dirwa tše bjalo.
34
Ba ba golegilwego le ba kwetše bohloko; ge ba le hlakola dilo tša lena, la kgotlelela le thabile, le tseba gobane kua magodimong le ithuetše lehumo le le fetago dilo tšeo, lehumo le le dulago le le gona.
35
Ke gore le se ke la lahla kholofelo ya lena, ye e nago le moputso o mogolo.
36
Go rata gore le se fele pelo, gore ka go dira thato ya Modimo le tšee se le se holofedišitšwego.
37
Go šetše lebakanyana le sego le kae ke mo go tlogo tla e a boletšwego a thwe: O etla! Gomme a ka se diege.
38
Mme moloki wa ka o tlo phela ka tumelo; e a gomelago morago, yena pelo ya ka e ka se mo thabele.
39
Gomme rena ga re ba go gomela morago le go yo lahlwa; re ba tumelo ya go yo rua bophelo.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13