1 Samuel 29

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 28 Jump to: Chapter 30 →

1MI Bafiliseta ba le ba phuthela lintua tsa bona cotle kua Afeka: mi Bayeserela ba tlaolela ha mocoeriñ, o o ha Yisereeleñ.

2Mi khosana tsa Bafiliseta tsa khabaganya li le mahundereda, le mathousanda: mi Davide le banona ba gague ba khabaganya le Akishe mo tsimegeñ.

3Mi balaori ba Bafiliseta ba re, Bahebera ba, ba rihañ? Mi Akishe a raea balaori ba Bafiliseta, Eo a ga si Davide, motlanka oa ga Saule khosi ea Bayeserela, eo o la a na le ’na ka malatsi ua, khotsa ka nyaga tse, mi ga ki bone sepe go ena le ka a oetse go ’na le ka yenu?

4Mi balaori ba Bafiliseta ba mo yayaregela; mi balaori ba Bafiliseta ba mo raea, Bosa monona eo, gore a boele kua heloñ ga gague ha u mo laoletseñ gona, mi a a si ee le rona kua tlabanoñ, gore a si ne moganetsi oa rona mo tlabanoñ: gone o ka ithuanya le morena oa gague kañ? a ga si ka tlogo tsa banona ba?

5Eo a ga si Davide eo ba le ba mo opelelana ka lipino, ba re, Saule o khemethile ba mathousanda ba gague, mi Davide ba mathousanda ba gague a maten?

6¶ Mi Akishe a bitsa Davide, mi a mo raea, Rure, yaka Yehova a tserile, u lu u le thokhamo, mi pololo ea gago le khorogo ea gago le ’na mo lintueñ e le le molemo mo maitloñ a me: gone ga ki bone boshula go uena, go simolola ka tsatsi ye u tlileñ go na ka yeona le ka yenu: leha gontse yalo ga u molemo mo maitloñ a likhosana.

7Mi yana boea, mi u ee ka kagisho, gore u si shulatse mo maitloñ a likhosana tsa Bafiliseta.

8¶ Mi Davide a raea Akishe, Mi ki rihileñ? mi u bonyeñ mo motlañkeñ oa gago, go simolola ka tsatsi ye ki le ka na ka yeona ha pele ga gago le ka yenu, ka ki sa ee go tlabana le baba ba khosi morena oa me?

9Mi Akishe a araba a raea Davide, Kia itse u molemo mo maitloñ a me, yaka moengela oa Morimo; leha gontse yalo balaori ba Bafiliseta ba re, A a si bololele kua tlabanoñ le rona.

10Ki gona yana u phakele le batlañka ba morena oa gago ba ba tlileñ nau: mi lo sina phakela lo tloga ka bosasa.

11Mi Davide le banona ba gague ba phakela go tloga mo moshoñ, go boela kua hatsiñ ya Bafiliseta. Mi Bafiliseta ba ea Yisereëla.

← Chapter 28 Jump to: Chapter 30 →