Hosea 12

Umbundu Bible (Embimbiliya - Bíblia Sagrada em Umbundu)

← Chapter 11 Jump to: Chapter 13 →

1Efarimi o seteka oku endisa ofela, o landula ofela yokutundilo eteke liosi. Va luisa uhembi lesanda. Va linãlĩsa la Asuria kuenje va tuala ulambu wulela ke Egito.

2Yehova o kuete ondaka la Yuda, kuenje o yambula Yakoba ndeci ca soka lolonjila viaye. U fetuluinyila ovilinga viaye.

3Vimo wa kuatele kocisendemãi ca huvaye, kuenda eci a linga ulume wa tamãlãla la Suku.

4Wa liyaka lungelo kuenje wa yula. Wa lila loku u lipilikila. Wa sanga Suku ko Betele kuenje haiko Suku a vanguila laye,—

5Yehova Suku yolohoka, Yehova oyo onduko yaye,—

6hati, Oco, tiukila ku Suku yove. Linga ohenda lesunga. Imba ovaso ku Suku yove olonjanja viosi.

7Ukuakufũla, nda peka liaye peli ombalãsa yuhembi, o sole oku kangisa omanu.

8Efarimi wa popia hati, Ame muẽle ndihuasi. Nda limuisa ukuasi. Puãi ukuasi waye wosi ka wimũla akandu a linga.

9Ame ndi Yehova Suku yene tunde wa kaili ve Egito. Ndu tumãlisi vali volombalaka ndeci koloneke violohongele vi kola.

10Nda popia lovaprofeto, haime nda luisa ovinjoinjoi, kuenje kawanji ovaprofeto nda eca ovindekaise.

11Nda vo Gileada mũli evĩho va nyõlẽha muẽle. Nda vo Giligali va lumba olongombe, ovotala avo a soka ndolondunda viovawe vovimbambo viepia.

12Yakoba wa tilila kofeka ya Arama, haiko Isareli a vumbila ukãi. Oku sanga ukãi, wa tata olomeme.

13Yehova wopa Isareli ke Egito leka liuprofeto. Kuenje wa tatiwa leka liuprofeto.

14Efarimi wa lingisa ca lua onyeño. Oco Suku yaye u pisa episo liosonde, kuenje u fetuluinyila olongole viaye.

← Chapter 11 Jump to: Chapter 13 →