Hosea 7

Umbundu Bible (Embimbiliya - Bíblia Sagrada em Umbundu)

← Chapter 6 Jump to: Chapter 8 →

1leci njongola oku sakula Isareli, oco ekandu lia Efarimi li mõlẽha, kuenda ovilinga vĩvi via Samaria. Momo va fũla fũla luhembi. Ocimunu ci iñila vokati, kosamua ovingumba vi punda.

2Puãi ka va sokolola okuti ame njivaluka avĩho avo osi. Cilo ovilinga viavo via va ñuala, vi kasi muẽle kovaso ange.

3Va sanjowaisa Soma levĩho liavo, lakulu vofeka lusuanji wave.

4Vosi yavo vakahonga, va soka ndofolono ya sanyisua. Ukuakuyoka olombolo ka sanyisa vali ondalu tunde koku vi kosa toke vi tumba.

5Eteke liulima wa Soma yetu akulu vofeka va vela luholua wovinyu. Lahevo wõlõla eka liaye kumosi la vakuaku pembula.

6Momo ndeci ofolono yi sanya haico ovitima viavo vi sanya lahala eviho. Uteke onyeño yavo yi witila. Omele yi ngeloha ndondalu yi liakoka.

7Vosi yavo va tokota ndofolono. Va nyõla olombiali viavo. Olosoma viavo viosi via kupuka. Pokati kavo lomue o mbilikiya.

8Efarimi wa litenga la vakualofeka. Efarimi ekende ka lia pongoluiwile.

9Vakualofeka va nyõla ongusu yaye kuenje eye ka ci kũlĩhĩle; Utue waye wa fetika oku sova owele kuenje eye ka ci limbukile.

10Epela lia Isareli liu wimbila uvangi woku u pisa; haimo lumue, cosi eci, ka va tiuka ku Yehova, Suku yavo, ndaño oku u sanda.

11Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

12Osimbu va enda ndi va tuvika lowanda wange, kuenje ndi va lowisa ndolonjila viovilu. Ndi va yambuila ovilinga viavo vĩvi.

13Ngongo yavo! momo va litepa lame. Va nyõlẽhe omo va ñualẽlapo. Ame, nda nda va yovola puãi va ñembela.

14Oku mbilikiya kuavo ka ku tundi kovitima viavo, puãi va liyuila ño povola avo, Poku pinga otiliku lovinyu va litandatanda, va ñualẽlapo.

15Ndaño ame, ame muẽle, nda va longisa, haime nda va kolisila ovoko, haimo va simĩla civi.

16Va pongolokela ku Baale. Va soka ndohonji ya kuõha. Olombiali viavo vi kupuiwa losipata mekonda lielimi liavo lĩvi. Eci oco ci va kokela epembe vofeka ye Egito.

← Chapter 6 Jump to: Chapter 8 →