Hosea 6

Umbundu Bible (Embimbiliya - Bíblia Sagrada em Umbundu)

← Chapter 5 Jump to: Chapter 7 →

1Enjui, tu tiukili ku Yehova; momo eye wa soyola okuti o tu sakula; eye wa tu tonyõla, haiye o tu itika.

2Kovaso yoloneke vivali o tu tumbulula. Keteke liatatu o tu pindula okuti tu kala lomuenyo kovaso aye.

3Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

4Ndinga nye love, a Efarimi? Ndinga nye love, a Yuda? Ocisola cene ca soka ndelende liomẽle kuenda ndowume u loluka lonjanga.

5Oco nda va kupula lovaprofeto. Nda va ipaya lolondaka viomẽla wange. Lolonimbu viange vi tunda ndocinyi.

6Momo njongola ocisola ka ci pongoloka, ovilumba havioko, kuenda ukũlĩhĩso wa Suku, ovilumba vioku yoka, havioko.

7Puãi ovo va lueyela ocisila vo Adama, haimo va ndingila usuanji.

8Gileada olio imbo liolondingãivi, halio lia vĩhĩsua losonde.

9Ndeci ovingumba vi lavakaila omunu haico ovitunda vi likongela, vi pondaila omanu vonjila yoko Siekeme. Ocili muẽle, va linga ungalu.

10Vonjo ya Isareli nda muilamo eci ca vĩha. Ukahonga wa Efarimi haimo u li. Isareli wa vĩhĩsua.

11Lovevo, a Yuda, kua ku tukuiwila elombolo. Eci njongola oku tumbulula esumũlũho liomanu vange,

← Chapter 5 Jump to: Chapter 7 →