bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Matthew 15
Matthew 15
Umbundu Bible (Embimbiliya - Bíblia Sagrada em Umbundu)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
1
Va Fariseo la vakuavisonehua va tunda ko Yerusalãi veya ku Yesu, vati,
2
Nye olondonge viove vi sinila ovihõlo via vakukululu? Momo ka va yelisa ovaka osimbu ka va lile.
3
Eye wa va kumbulula, hati, Lame ndu pulivo. Nye vu sinila ocihandeleko ca Suku oku tẽlisa ovihõlo viene?
4
Momo Suku hati, Sumba so la nyoho; kuenda vali hati, U o tuka isiaye pamue inaye oku fa a fe.
5
Puãi ene vu linga hoti, Nda umue o popia la isiaye pamue inaye hati, Cange nda sokele oku ku kutisa laco cilo nda ci lumba ku Suku,— oco ka kuete vali ocikele coku sumbila isiaye la inaye.
6
Oco wa nyõli ocihandeleko ca Suku ha vu tẽlisa ociholo cene.
7
A vakuambambe, Isaya wo wimbili owanji wocili eci a popia hati,
8
Omanu ava va sumbila ño lovimẽla viavo, puãi ovitima viavo vi kasi ocipãla lame.
9
Va fendela lesanda, osimbu va kasi loku longisa ovisila viomanu.
10
Wa kovonga omanu oku iya kokuaye, yu wa popia lavo hati, Yeveleli, leci mopia cu lomboloki.
11
Eci ciñila vomẽla hacoko ci vĩhisa omunu, te eci ci tunda vomẽla oco ci vĩhisa omunu.
12
Oco olondonge viaye vieya kuenje vio pula viti, Wa kũlĩha okuti va Fariseo va temela ca lua ondaka yaco yove?
13
Eye wa va kumbulula hati, Ovikũla viosi Tate ukuailu ka kũlile vi tukuĩwapo.
14
Va kale ño. Ovo olomeke, haivo ovasongui volomeke. Nda omeke yi songuila omeke kavali kavo va fa vocitunyu.
15
Oco Petulu wo pinga hati, Tu lomboluile olusapo luaco.
16
Kuenje eye hati, Lenevo nga, haimo ka co lombolokeli?
17
Ka wa limbukili okuti cosi ciñila vomẽla cenda vimo, kuenje cimbiwa kusuafeka?
18
Puãi eci ci tunda vomẽla ca tunda vutima kuenje oco ci vĩhisa omunu.
19
Momo evi vi tunda vutima vievi, ovisimilo vĩvi, umondi, oku pekelisa, ukahonga, umunu, uvangi wuhembi, etonãi.
20
Ovina evi ovio vi vĩhisa omunu, puãi oku lia osimbu kua yelisile ovaka ka ku vĩhisa omunu.
21
Oco Yesu wa tundako, wa enda konele ya Turo la Sidono.
22
Ukãi umue u Kanana ukuafeka yaco, weya kuenje wa vilikiya hati, A Ñala, a Mõla a Daviti, ndinge ohenda. Omõlange ukãi o kuetiwe cimue lovilũlu.
23
Puãi Yesu londaka ko kumbuluile. Olondonge viaye vieya kuenje vio peya viti, U tundisa, momo o kasi ño loku liyuila konyima yetu.
24
Yesu wa kumbulula hati, Sia tumiwile kumue kuiñi te kolomeme via nyelela viepata lia Isareli.
25
Puãi ukãi weya, wo kekamela, wa popia hati, A Ñala, ñuatise.
26
Yesu wa kumbulula hati, Ka ca posokele oku nyañula ombolo yomãla loku yimba kolombua.
27
Ukãi wa linga hati, Oco muẽle a Ñala, haimo lumue, ndaño olombua vi lia lia olosisi vi loka komesa ya cime cavio.
28
Oco Yesu wo kumbululula hati, Okãi, ekolelo liove lia lua! Ci ku lingilue ndeci wa yongola. Kuenje omõlaye ukãi, kekumbi liaco muẽle, haico a kaya.
29
Oco Yesu wa tundako kuenje wa vambala kokalunga ka Galilea. Wa londa komunda, kuenje wa tumala.
30
Omanu va lua veya kokuaye. Va nena ovilema lava va lemehua, lolomeke, lovitende, la va lua vakuavo. Va va tulila posi kolomãi viaye yu wa va sakula.
31
Oco eci omanu va mola ovitende vi popia, lava va lemehua va sakuiwa, lovilema vi enda, kuenda olomeke vi lete, oco va komoha kuenje va sivaya Suku ya Isareli.
32
Yesu oku kovonga olondonge viaye, wa popia lavo hati, Ñasi lohenda yomanu momo va kasi ale lame oloneke vitatu, leci va lia ka va kuete. Si yongola oku va sandula lonjala sanga va fila ipepe vonjila.
33
Olondonge via popia laye viti, Mulo vekalasoko tu sanga pi olombolo via lua vi kutisa owiñi wa lua ndowu?
34
Kuenje Yesu wa va pula hati, Vu kasi lolombolo viñami? Va kumbulula vati, Tu kuete olombolo epanduvali lotulosi tuñamiñami.
35
Wa sapuila omanu oku tumala posi.
36
Noke wa nyañula olombolo viaco epanduvali lolosi, wa imba olopandu kuenje wa vi timbula loku vi eca kolondonge. Olondonge via vi eca komanu.
37
Kuenje vosi va lia ve kuta. Va nolapo ovihamba epanduvali vie yuka ovimalañanya via supapo.
38
Ava va lia olohũlũkãi vikuãla vialume, akãi lomãla ka va tendiwile.
39
Eci a sandula owiñi oco wa wila vowato kuenje wa enda kofeka ya Magadana.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28