bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Matthew 25
Matthew 25
Umbundu Bible (Embimbiliya - Bíblia Sagrada em Umbundu)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
1
Oco Usoma wokilu u sokisua lekui liafeko va yelula olondiyelo viavo kuenje va tunda oku upilila sandombua.
2
Vatãlo va wulua, vatãlo va lunguka.
3
Ava va wulua va ambata olondiyelo viavo, puãi ka va ambatele ulela waco.
4
Puãi ava va lunguka va ambata ulela vovikuata kumue lolondiyelo viavo.
5
Oco, omo sandombua keyile lombili, vosi va suñila kuenje va pekela.
6
Puãi vokati kuteke va yeva evilikiyo liti, Tali, sandombua weya! Tundi, ko wupililili.
7
Oco afeko vosi va pasuka kuenje va pongiya olondiyelo viavo.
8
Ava va wulua va popia lava va lunguka, vati, Tu ihiko kamue okolela momo olondiyelo vietu vi kasi loku ima.
9
Ava va lunguka va kumbulula vati, Sanga ulela waco ka u tu tẽla, lene letu. Hise nda wendi kolondandisi ha vu lilandela ene muẽle.
10
Osimbu va ka landa, sandombua weya kuenje ava va lipongiya ale va iñila laye kuvala, kuenje ava va lipongiya ale va iñila laye kuvala, kuenje epito lia yikiwa.
11
Noke afeko vakuavo veyavo va popia vati, A Ñala, a Ñala, tu yuluileko.
12
Puãi eye wa kumbulula hati, Mopia lene locili siti, Siu wi.
13
Oco lavululi, momo ka wa kũlĩhili eteke liaco, ndaño ekumbi.
14
Momo ca linga ndomunu wa soka oku enda kofeka yiñi, yu wa pañinya akuenje vaye kuenje wa va kundika ovikuata viaye.
15
Oco wa va iha, umue olokondu vitãlo, ukuavo vivali, ukuavo yimuamue; u ndeci a tẽla, u ndeci a tẽla. Oco wa enda kungende waye.
16
U wa tambula olokondu vitãlo, haico a enda, wa ka fũlile lavio, wa nganyala olokondu vikuavo vitãlo.
17
Haico ukualokondu vivali wa nganyala vikuavo vivali.
18
Puãi u wa tambula okondu yimuamue wa enda, wa fẽla posi, kuenje wa solekapo olombongo via cime caye.
19
Osimbu ya lua ya pitapo kuenje noke cime cakuenje vaco weya, wa sokiya lavo.
20
U wa tambuile olokondu vitãlo weya lolokondu vikuavo vitãlo, hati, A cime cange, wa ñundikile olokondu vitãlo, tala, nda nganyala olokondu vikuavo vitãlo.
21
Cime caye wa popia laye hati, Wa linga ciwa. Vukuenje wocili haive wa kolelua. Omo wa linga ciwa lovina viñamiñami hu kundika ovina via lua. Iñila vesanju lia cime cove.
22
Ukualokondu vivali weyavo, yu wa linga hati, A cime cange, wa ñundikile olokondu vivali, tala, nda nganyala olokondu vivali vikuavo.
23
Cime caye wa popia laye hati, Wa linga ciwa, vukuenje wocili, haive wa kolelua. Omo wa linga ciwa lovina viñamiñami hu kundika ovina via lua. Iñila vesanju lia cime cove.
24
Ukuakondu yimuamue weyavo, kuenje hati, A Cime cange, mue weyavo, kuenje hati, A Cime cange, omo nda ku kũlĩha okuti vumunu wa kãla, o lombola oko kua kũlile, o nola nola apa kua saselele,
25
oco nda kala lohele, kuenje ndaile, nda ka solekele okondu yove posi. Tala, o kuete cove.
26
Puãi cime caye wa popia laye hati, Vukuenje wa huka, haive ukuawesi. Wa ci kũlĩha okuti ndombola oko sia kũlile, kuenje nola oko sia saselele.
27
Oco nda ca ku sesamelele oku eca olombongo viange ku vakualombongo okuti kokuiya kuange nambula cange losindike yaco.
28
Oco, u nyehi okondu yaye, kuenje yi eci ku o kasi lekui liolokondu.
29
Momo u o kuete ale ihiwa vali, kuenje cu supokaila; puãi u ka kuete, ndaño eci a kasi laco cu nyehiwa.
30
Puãi ukuenje u ka silivila, winasi vowelema wokosamua. Oko ku kala oku lila loku likeleketa ovayo.
31
Eci Mõlomanu eya lulamba waye kumue lovangelo vosi, oco o tumala kocalo culamba waye.
32
Kuenje olofeka viosi vi kongelua kokuaye. Oco omanu vaco o va tepa pokati okuti va likaila, ndeci ungombo a tepa olomeme lolohombo.
33
O kapa olomeme kondio, olohombo kepĩli.
34
Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.
35
Momo nda kala lonjala kuenje wa nyihi okulia, nda yeva enyona kuenje wa nyuisi, nda kala ukombe kuenje wa njekisi,
36
nda kala lepẽle, keunje wa mbualisi, nda vela kuenje wa nati, nda kala vokayike yu wa masuli.
37
Oco vakuesunga vo kumbulula, vati, A Ñala, eteke lipi tua ku mola lonjala kuenje tua ku tekula, pamue wa kala lenyona kuenje tua ku nyuisa?
38
Eteke lipi tua ku sanga ukombe kuenje tua ku yekisa, pamue lepẽle kuenje tua ku walisa?
39
Eteke lipi tua ku mola wa vela pamue wa kala vokayike kuenje tua ku pasula?
40
Oco Soma o va kumbulula, hati, Mopia lene siti, Ocili, omo wa ci lingili umue wa vakuetu ava va sule, oco wa ci ndingilivo ame.
41
Oco o popia lava va kasi kepĩli, hati, Nundi, ene wa siñaliwi. Wili vondalu ka yi pui ya angiliyilua eliapu lovangelo vaye.
42
Momo nda kala lonjala kuenje ka wa nyihili okulia, nda yeva enyona kuenje ka wa nyuisili.
43
Nda kala ukombe kuenje ka wa njekisili, nda velele yu nda kaile vokayike kuenje ka wa masuili.
44
Oco ava va kumbululavo vati, A Ñala, eteke lipi tua ku mola lonjala, pamue lenyona, pamue vokayike, kuenje ka tua ku kuatisile?
45
Oco o va kumbulula hati, Mopia lene siti, Ocili, omo ka wa ci lingilili umue wava va sule oco ka wa ci ndingililivo ame.
46
Kuenje ava va enda keyambulo ka li pui, puãi vakuesunga va enda komuenyo ko pui.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28