bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Matthew 17
Matthew 17
Umbundu Bible (Embimbiliya - Bíblia Sagrada em Umbundu)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
Kovaso yoloneke epandu Yesu wa enda la Petulu la Tiago la Yoano manjaye, kuenje wa va tuala lika liavo komunda yisovi.
2
Yu wa pongoluilua kovaso avo. Ocipala caye ca nina ndekumbi, luwalo waye wa tua ndocinyi.
3
Kuenje tala, kua va tukulukila Mose la Eliya va vangula laye.
4
Petulu wa popia la Yesu, hati, A Ñala, ndomo tu kasi kulo tu kasi ciwa. Nda o tava, nunga kulo olosinge vitatu, yimue yove, yimue ya Mose, yimue ye Eliya.
5
Osimbu a kala loku popia elende lia nina lia va sikilila; kuenje tala, velende mua tunda ondaka yiti, U, Omõlange wa soliwa, haeye nda sanjukila. U yeveleli.
6
Eci olondonge via ci yeva via kala lusumba wa lua, via wila posi kuenje via lituvikapo.
7
Kuenje Yesu weya, wa va lamba hati, Votoki, ko ka kali lusumba.
8
Eci va petula ovaso lomue vali va mola te Yesu lika.
9
Eci va kala loku loka komunda Yesu wa va lemela hati, Eci wa moli ko ka ci sapuili omunu, te eci Mõlomanu a pinduiwa ku vakualufa,
10
Oco olondonge viaye vio pula viti, Nda oco, nye vakuavisonehua va popela vati, Eliya iya tete?
11
Yu wa va kumbulula hati, Ocili Eliya iya kuenje o tumbulula ovina viosi,
12
puãi ame mopia lene siti, Eliya weyile ale, puãi ka vo limbukile kuenje va linga laye cosi va panga. Haico Mõlomanu layevo o talisua lavo ohali.
13
Oco olondonge via limbuka okuti wa va vanguila Yoano Upapatisi.
14
Kuenje eci veya kowiñi ulume umue weya kokuaye. Wo kekamela kolongolo hati,
15
A Ñala, linga omõlange ohenda momo o kuete ocinonya, cu talisa ca lua ohali, o kupokaila ño vondalu ndaño vovava.
16
Ndo nena kolondonge viove puãi ka via ci tẽlele oku u sakula.
17
Yesu wa kumbulula hati, Acitumbulukila hacekoleloko, haico ci sivuluka, toke pi ñala lene? toke pi mandikisa lene? U neneli.
18
Oco Yesu wa lemela ocilũlu kuenje ca tunda, haico ukuenje a kaya.
19
Oco olondonge vieya ku Yesu kulika, vio pula viti, Nye etu ka tua ci tẽlelele oku ci tundisa?
20
Yesu wa kumbulula hati, Ka wa ci tẽleli omo ekolelo liene litito. Momo mopia lene siti, Nda vu kasi lekolelo ndolumema lusalata, nda vu popia lomunda eyi hoti, Kulo tundako, sondolokela oko, kuenje yi sondoloka. Ka kuli eci ka vu tẽla.
21
Evi viepata eli ka vi tundi te lolohutililo.
22
Eci va kala vo Galilea Yesu wa popia lolondonge hati, Mõlomanu o pakuilua povaka omanu.
23
Vo wipa, puãi eteke liatatu o pinduka. Kuenje via sumua ca lua.
24
Eci veya ko Kafarinau, vakuakutambula elisimu lionembele veya ku Petulu. Vo pula vati, Ulongisi wene hẽ, ka feti elisimu lionembele?
25
Eye hati, O li feta. Kuenje eci va iñila vonjo, tete Yesu wa popia laye, hati, A Simono, wa soka ndati, olosoma viokilu lieve vi tambola kulie owombo lulambu, komãla vavo muẽle ale, ele komanu vaiñi?
26
Simono wa kumbulula hati, Vi tambola komanu vaiñi. Oco Yesu wa popia laye hati, Ca lomboloka okuti omãla vavo muẽle ka va feti.
27
Haimo lumue, sanga tu va tatamisa, kuende kokalunga, ka imbemo onjolo, kuata olusi lu tetekelako. Eci o sumula omẽla yaluo o sangamo olombongo vialisimu avali. Vi upamo, vi eca kokuavo elisimu lietu, eli liove leli liange.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28