Micah 3

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 2 Jump to: Chapter 4 →

1NDANDISITI: Yivani ke, nina zintloko zika‐Yakobi, nani bagwebi bendlu ka‐Sirayeli! asi kuko okwenu na ukwazi ubugwebo?

2Abati okulungileyo bakutiye, nokukohlakeleyo bakutande; abaxwebula intlonze yabo kubo, nenyama yabo ematanjeni abo:

3abati kanjalo bayidle inyama yabantu bam, bayobule intlonze yabo kubo; namatambo abo bayawapula, bawaxaxele njengasembizeni, nanjengenyama pakati kwongxawo.

4Oko baya kubiza kuyehova, kodwa akayi kubapendula; uya kufihla ubuso bake kubo ngexesha elo, njengokuba bezikohlakalisile izenzo zabo.

5Utsho ukuti uyehova ngabo abaprofite abalahlekisa abantu bam, abaluma ngamazinyo abo, bashumayele uxolo; kodwa lowo ongafakeli emilonyeni yabo, bayalungisa imfazwe ngakuye:

6Ngako oko noba ninobusuku, singabiko isiboniso; noba ninobumnyama, kungabiko ukulaula; ewe, ilanga liya kubatshonela abaprofite, nemini yoba mnyama pezu kwabo.

7Baya kwandula ababoni ukudana, nabalauli ukumata; bona bonke bogubungela imbovu yabo, ngokuba ingeko impendulo kutixo.

8Kodwa ngenyaniso ndizele ngamandla ngomoya kayehova; ndizele nalugwebo nokalipo: ukuba ndixele ku‐Yakobi isigqito sake, naku‐Sirayeli isono sake.

9Yivani ke oku, nina zintloko zendlu ka‐Yakobi, nani bagwebi bendlu ka‐Sirayeli! abazondayo ubugwebo, nako konke okufaneleyo bakwenze gwenxa;

10besaka i‐Ziyone ngegazi, ne‐Yerusaleme ngenkohlakalo.

11Intloko zayo ziyagweba ngenxa yamabaso, nabaperisite bayo bayafundisa ngenxa yomvuzo, nabaprofite bayo bayalaula ngenxa yemali: noko bayayama kuyehova, besiti: Uyehova akapakati kwetu na? ububi abuyi kuza pezu kwetu.

12Ngako oko, ngenxa yenu, i‐Ziyone iya kuku̔tyelwa njeng entsimi, ne‐Yerusaleme yoba zimfumba, nentaba yalendlu yoba yimimango ebuhlati.

← Chapter 2 Jump to: Chapter 4 →