1 Timothy 2

Zande

← Chapter 1 Jump to: Chapter 3 →

1Mi zungadi he were, ya i fu zungaditise mbata tipa aboro dunduko, na akpe, na sarawati na tambuahe;

2tipa abakindo na agu yo dunduko naru mbata yo; ya ani raki zezeredi zanga fudifudi pai ni sinombori dunduko na rengo.

3Mbiko gere ngba bangiri Mbori Batasirani ni wene he;

4nga gu ko nakpi nyemu aboro bati dunduko, ki ye sa gu inahe nga ga rengo.

5Bambiko Mbori du sa na azarõ a sa dagba Mbori na aboro, nga gu kumba nga Kristo Yesu ni tiko,

6nafu tiko ni motumo tipa aboro dũ; dezirehe ka du rogo gaha rago.

7Si nga gu i aasia pa du mi ni batungusi paha na du ni mokedi (mi nagumba ha ni rengo, mi agumba nga ha ni zire te), ni bayugupai fu aGendiria ni idapase na rengo.

8Mi nakpi nyemu he tie ya akumba kpari rogo arago dũ nitumba ziazia be ku ari, zanga zinga na sakapai.

9A wo ade ka ukadi tiyo na gu roko adu nga na enda ti ni ya, nizogo tiyo na zera; ni kãikãi mangeriyo, na dahabu, na ambia fongo na gu roko kii genoho te;

10ono rogo wene mangapai wa ngba ha fu agu ade idi pa sinombori.

11De ki wiriki pai ni zera ni zogatise dunduko.

12Ono mi aida nga ha fu de ni yugu pai te, ni zogo kumba a te, ono ni sungu ni zera.

13Bambiko i afu Adama mbata, ki fu Awa fuo ko.

14I ananga nga Adama te, ono wa i anangi de ri ki ti ndika.

15Ono ri abáta mbiko batika gude, nga gu ka ri ka kuti idapase na nyemuse na ziazia pai ni zera.

← Chapter 1 Jump to: Chapter 3 →