1 Timothy 4

Zande

← Chapter 3 Jump to: Chapter 5 →

1Ono Toro nagumba ha zukazuka ya rogo kusa rago agu yo nikati ku sa yo ti idapase, niidi pa agu atoro nga airanangahe, na gu yugopai nga ga adaimona,

2rogo ga agu aboro biriki yo nagumba zire, sangbakpotoyo yo ki du na sirõ be ngidiri marã.

3Agu yo aya i ka na pa roga ade, nirugu he ya aboro gina pasio nya, nga gu he Mbori afu he ya agu yo idi pai niini rengo a, i di he ni tambuahe.

4Bambiko agu ahe Mbori afu ngba ha angba dunduko, nga gu ka i di he ni tambuahe, he ho ka i basa paha wa sa te;

5bambiko i sa ha ni ziazia ha ni ga Mbori pai na kpe.

6Ka mo tíngidi pa agi apai re fu awirina, mo adú ni ga Kristo Yesu wene moyambu ni rigirigi ro ni gu pai nga ga idapase na gu wene yugopai mo apeke he daku awere.

7Ono mo bása gu gbegberẽ menemene apai nga ga aboro. Mo rúgu tiro rogo sinombori yo,

8mbiko nyakasa borose nakiisa pai ni umba ha, ono sinombori kiisi pai fu ahe dunduko, ki nidu na gu kidohe nga ga gu unga du awere, na gu nikaye.

9Rengo nga gi pai re, si re aboro dú na dia ha.

10Bambiko gere nga gu pai ani ata manga sunge ti ni nihi pai, bambiko ani moi bangirani koyo du unga Mbori ni, nga Batasi aboro dũ, ki susi fu agu yo idi pa ko.

11Agi apai re mo rugu he fu aboro ki niyugu he.

12Ka boro páyasi nga pa ro mbiko wa du mo ni paranga wa sa ya; ono mo du ni kpia pai fu agu yo idi pai, rogo fugo, rogo sino unga, rogo nyemuse, rogo idapase, na rogo wene sino a.

13Mo fú tiro fu gedapai, daho mi ka ye ni, na tungusapai na yugopai.

14Ka mo hé nga gu gamunihe du rogo ro yo ya, gu i afu foro rogo gumbapai ni gu maa be nga ga abaakumba.

15Mo bérẽ pa agi apai re gbe; mo fú tiro sa ni kakaka dunduko; ga susa na apai ki du ni yuguyugu he fu aboro du.

16Mo bérẽ pa tiro, na ga yugopai; ki ka kuti agi apai re; bambiko manga mo wa gere mo abátasa tiro na agu yo nagia paha ngba ro.

← Chapter 3 Jump to: Chapter 5 →