bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Ecclesiastes 1
Ecclesiastes 1
Zande
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
Sangba Batungusipai du re, nangia wiri Dawidi, nangia bakindo ku Yerusarema yo.
2
Kungba pai nga ga kungba apai, wo poi Batungusipai, kungba pai nga ga kungba apai! Apai dunduko nga kina kungba apai.
3
Gini u du fu boro be gani sunge dunduko nga gu ni amanga ha tii uru no?
4
Rikaaboro sa nasusa, kura rikaa boro ki niye, ono kpotosende nye anye kindi.
5
Uru nakura, uru ki niti, ki niipisi tihe ku rogo gu ba ha si nakura ni.
6
Yuge naya ku sudiyo, ki aria tihe kirikiri ku nodiyo; si naaria tihe kindi kirikiri rogo ba ha, yuge ki nikaraga tihe berewe kina ku rogo gu ba ha.
7
Adi dunduko nafu ku baime tikpo yo, ono baime tikpo ahi nga be he te; yo adi naafu ku ho ni, kina yo si afu ku ho ni berewe.
8
Apai dunduko du ni kina pa mbugo; boro arengba nga ka gumba pa ha te; ka bangirise bi nga he si ki rengbe bangirihe te, ka tue gi nga pai si ki hi be he te.
9
Kina gu he nidu kina ha nikadu, kina gu pai mangi yo kina ha i nikamanga; a nga vovo he tii uru no te.
10
He ho aboro niya ti ni, “Oni bi, vovo he du re”? Si aima du ho, ti agu agarã naadu mbata fu rani.
11
I atingida nga pa agu arikaaboro naadu mbata te, kina wo i ka atíngida nga pa agu apai nikamanga dagba agu yo nikaye fuo yo a ya.
12
Mi nga Batungusipai adu ni bakindo ku ri aYisaraere Yerusarema yo.
13
Mi ki fu gi berã ka gbata apai du ni mangimangi he tii ngbangbaturũ no dunduko ka wisiga pa ha ni tatamana. Si nga baiimi sunge nga gu Mbori afu fu awiri aboro i nimangi he.
14
Mi bi pa agu asunge dunduko i namanga ha tii uru no; oni ngére, si dunduko nga kina kungba pai na wa pa peka fuo yuge.
15
Gu he du ni nuganuga ha ka i rugu nga ha te, na gu he zingo ho amanga ka i gedi nga ha a te.
16
Mi aya ku kpotore yo, “Mo ngére, mi tigimi du na tatamana bakere, ki susi agu yo dunduko naadu mbata fere ku ri Yerusarema; gi berã adu na tatamana rugatinapai na inahe gbe.”
17
Mi ki fu gi berã ka ina pa tatamana na ka ina pa mungo na pa ngbaangbaa. Mi ki ini gere a ya si adu wa kina pa peka fuo yuge.
18
Bambiko rogo bakere tatamana, yo du bakere rungosi ni a, gu ni nakiisa gani inahe kindi nakiisa kina imisiripai a.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12