Ecclesiastes 6

Zande

← Chapter 5 Jump to: Chapter 7 →

1Gbegberẽpai ho bi mi tii uru no, du ni baroroĩhe fu aboro:

2si nga pa gu boro Mbori nafu akumuko fu ni, na ũkumuko, na irisa, zingo he amanga nga ni tipa agu ahe ni akpi nyemu he dunduko te, ono Mbori afu nga ome ri he fu ni te, ono kina kungba boro nari he; gere nga kungba pai; si nga gbigbita kaza.

3Ka kumba batika agude wa 100, ki raki tipa dungu agarã, si du gani arame ki du ni dungu he, ono ka kpotoni yo adu nga na ngbarago be gani wene ahe ya, ka ba kpisida ni adu nga ti ni a ya, ya mi, vunga agba gude ngba susi ti gani apai.

4Bambiko ni naye ku rogo kungba pai yo, ki ga ku rogo bitimo yo, rimoni ki du ni dadidadi he be bitimo;

5ku ri agi apai re ka ni abi nga uru watadu inahe ya; ono gi ni re du na ongoda ngba ti gu ni.

6Ii, ka ni vura raka garã ki du wa 1,000 bara ue vurũ, ka rago angba nga ti ni ya―ati aboro dunduko nandu kina ku rogo ba sa?

7Agu asunge dunduko nga ga boro si tipa kina ngbani, ono ka nyemu riahe ago nga ti ni ya.

8Bambiko gini pai dũ be iratatamana ngba susi ti ga mumungo boro? Gini he du be rungorungo boro, naruga ti ni na pa waĩ ka ni ta ku bangiri unga aboro?

9Ngera ni bangirise ngba ti ta ata ku bani na ku bani fuo nyemuahe; gere a nga kungba pai na pa peka kina fuo yuge.

10Gu he du ho, gu rimoho i ayambu bakuru yo kina ha du ho, i ki ini he ya si nga boro, ni arengba nga ka darã kangu na gu ni du na ome susi ni te.

11Wa du he nga dungu apai du ho, dungu kungba pai ki du, gini pai ngba ga boro ti ni?

12Bambiko da ini gu he ngba fu boro wa du ni ni ungani rogo arame kungba pa ungani dunduko, du wa kina nzereme? Bambiko da rengbe ka gumba gu pai fu boro nikadu ti ngba fuo ni tii uru no?

← Chapter 5 Jump to: Chapter 7 →