bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Ecclesiastes 10
Ecclesiastes 10
Zande
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
Kpikpi azii nasa ga bamangi furũ nzeme si nifũ gbegberẽ; kina wo bete ngbaangbaa nasusa pa tatamana na irisa.
2
Bagunda iratatamana du ku ngbaduni yo ku kumbabe, ono bagunda iramungo du ku ngbaduni yo ku garebe.
3
Zavura ho boro ngbaangbaa nata ni ngba gene, ni nazanga rugatinapai, ni naya fu aboro dunduko wẽ, ni nga boro ngbaangbaa.
4
Ka bazogo zingi kuti ro, ka mo gúari nga ba ro ya, bambiko umbasitise nazeresa bakere irairaapai.
5
Gbigbitapai ho nga gu bi mi tii uru no, si wa irairapai nakura be kina bazogo:
6
i namaa airangbaangbaa ri dungu tumbatumba arago, airakumuko ki sungu rogo tiditidi ba.
7
Mi bi akanga ku ri afarasi, awiri bakindo ki nita ni nduyo wa akanga.
8
Gu boro nage due kina ni ati ku rogo ho; gu ni ka kua ndugu ku vuru he yo, wo adé ni.
9
Gu boro nage mbia kina ha nikahoga ni; gu ni nasapa ngua adu ngba pai yo be he.
10
Ka marã du ni kpurakpura ha, ka boro abeda nga rindihe ya, ni amánga sunge na ni ni ome susi; ono tatamana rengbe ka uhda boro ka dia be pai.
11
Ka wo de boro mbata ni nikazoga ru, wenepai adu nga ti ni fu bazogo ru te.
12
Agu apai nakura ngba iratatamana yo du na undahe fu ni, ono ngba iramungo ambira ni ambira dũ.
13
Gu tonatona apai ngbani ape nga kina mumungo apai; digida gani fugo nga kina kere pa waka.
14
Irangbaangbaa nangeesa fugo a, ka boro avura nga ina gu pai nikadu ya, da rengbe ka gumba gu pai fu ni nikadu ti ngba fuo ni?
15
Gu sunge nga ga iramungo nambusa kina ni, ka ni aina nga pa waĩ ndu gene ku bakporo yo ya.
16
Ako ringara! Na gberẽ he foro, ho du ga bakindo ni ni gude, gamo awiri bakindo ki niri pumbo wiso!
17
Ako ringara! Maku dú foro, ho du ga bakindo ni ni wiri irakporo, gamo awiri bakindo ki niri pumbo ti ragoho, tipa du na ome, tipa kpi buda te!
18
Be mumungo sunge ri bambu nagboroka ti ni, na be nyomoro mai natoga ri bambu yo ti ni.
19
I nimangi pumbo tipa mongo, imekakue ki ningiisi unga aboro, marã nakaraga pai tipa apai dunduko.
20
Ka mo gbérẽ nga ngbaro yo fu bakindo ya, zavura rogo ga berã vurũ, ka mo gbérẽ nga ngbaro yo fu irakumuko bamburame yo ya; bambiko zire ari andú na fugoro, watadu agu ra du na apupora ki gumba gu pai re.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12