Ecclesiastes 3

Zande

← Chapter 2 Jump to: Chapter 4 →

1Were ahe na regboho ti ni dunduko, rago du ho tipa apai ni ba sa sa dunduko tii ngbangbaturũ no:

2rago tipa vunga, na rago tipa kpio; rago rũka ahe, na rago kata agu ahe i arũku he;

3rago imo he, na rago husa he; rago kua he ku sande, na rago dua he ku ari;

4rago kpara ni aume, na rago mongo; rago kpara ni ta ngbaduse, na rago dogbere;

5rago ba mbia ku sa yo, na rago dungura ambia; rago dungotise, na rago nyagatise ti dungotise;

6rago gbata he, na rago ingisa he; rago banda he, na rago bafa he ku sa yo;

7rago sipa he, na rago runga he; rago onga kii, na rago fura;

8rago nyemuse, na rago sogote; rago tipa sovura, na rago tipa zereda.

9Gini u du fu gu boro be gani sunge ni namanga ha?

10Mi bi gu sunge Mbori afu fu awiri aboro i nimbu be manga ha.

11Ko amangi ahe dunduko ni bawenehe ti ragoho. Ko ki moi nyenye apai a ku berã boro yo, ono ka boro aréngba nga na ina gu mangaapai Mbori amangi ti tonatona rago dati digida ha ya.

12Mi ini he ya he ho ngba fu yo susi ngi mbaro, na ka manga gu pai ngba ti yo wa du yo ni ungayo te.

13Ga Mbori gamahe fu aboro ni ba sa sa nga ri riahe ki mbiri he, ki du na ngbarago ti ni rogo gani sunge dunduko.

14Mi ini he ya agu apai dunduko Mbori namanga ha si anyé anye kindi; ka i gbia nga he kuti ni te, ka i di nga he ti ni a te; Mbori namangi he wo, ya aboro nigunde bara bangiriko.

15Gu he du ho, si aima du; na gu nikadu, si ima du a; ono Mbori nagbata kina gu nasusi ku sa yo.

16Ku ri agi apai re mi abi pai tii uru no nga ba ruru sarangbanga, gbegberẽpai adu kina yo, na ba rurupai, gbegberẽpai adu kina yo a.

17Mi ki ya ku kpotore yo, Mbori asára ngbanga ruru aboro na gbegberẽ aboro, bambiko ko ringbisi rago tipa apai ni ba sa sa dunauko na tipa mangaapai a ni ba sa sa.

18Mi ki ya ku kpotore yo, tipa pa awiri aboro, nga Mbori naasada yo i ini he ni tiyo ya i wa kina anya.

19Bambiko gu pai namanga awiri aboro si namanga anya a; wa aboro nakpi, kina wo anya nakpi a. Onga ti yo na gaami kina sa, pa boro asusa nga ga anya te; bambiko si dunduko nga kina kungba pai.

20I nandu dunduko kina ku rogo ba sa. Aboro na anya aenge kina nvutu yo, i na ami nandu dunduko berewe ku nvutu yo.

21Da ini pa toro boro nga si naga ku ari yo, na pa toro nya si naga ku sende yo?

22Si du mi aini he ti ni ya a nga he ho ngba susi ti gu nga boro ka ngi rogo gani sunge te, bambiko gure nga gani he; bambiko da rengbe ka ye na ni ni bi gu pai nikadu ti ngba fuo ni no?

← Chapter 2 Jump to: Chapter 4 →