bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Ecclesiastes 7
Ecclesiastes 7
Zande
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
1
Wo wene rimo boro ngba susi kikiipa furũ nzeme; na rago kpio ni ti rago vunga boro.
2
Si ngba ka ndu ku kporo kpe yo ti ndu ku kporo pumbo yo; bambiko gure nga digida ga aboro pai dunduko, agu yo du ni ungayo aberã pa ha ku kpotoyo yo.
3
Rungo ngba ti mongo; bambiko rungo ti kpakpuse namanga kpotoyo pusiapusia.
4
Kpoto iratatamana yo du ku kporo kpe yo; ono kpoto iramungo yo du ku kporo ngbarago yo.
5
Si ngba fu boro ka gia ga airatatamana zahe, ti dega tuni sa ga airamungo bia.
6
Bambiko wa woro gbigbi kiwe tii mburu pere yo, wo du mongo mumungo aboro; gere a nga kina kungba pai.
7
Rungosi boro nasa iratatamana wa mumungo boro ni rengo, marã mabirimo nagbarasa pa rugatinapai.
8
Digidapai ngba ti tonatona ha, du ni irahipai rogo toro yo ngba ti du ni irakiisapatise rogo toro yo.
9
Ka mo gbá nga sa zinga ya; bambiko nye zinga anye ku kpoto airamungo yo.
10
Ka mo yá nga, “Gini pai bambata arame angba ti ni gbe ti agi arame re?” ya. Bambiko mo asana nga he ni tatamana tipa gi pai te re.
11
Du na mosoro gbia kuti tatamana ngba, ii, ngba ha angba susi fu agu yo bi uru.
12
Bambiko tatamana nabanda boro a wa marã nabanda boro; ono gu pai ngba inahe ti ni susi si nga tatamana nabanda unga gu ni du na inahe.
13
Mo berẽ pa ga Mbori sunge; da rengbe ka ruga gu he ko amangi ni nuganuga ha nzunzu?
14
Rago kumuko mo dú na ngbarago, ono rago rungo mo bérẽ pa gi pai re nga: Mbori mangi gu rago na gu kura ha a, ka boro abi nga gu pai nikadu ti ngba fuo ni no ya.
15
Agi apai dunduko re mi abi rogo gi rame kungba pa unga; ruru boro ho nakpi kina rogo gani rurupai, gbigbita boro ho ni narasa ungani kina rogo gani gbigbita mangapai.
16
Ka mo dú nga ni ruru boro susi ya, ka mo sá nga tiro ni iratatamana susi a ya; tipagine ka mo agbárasa tiro ti ni?
17
Ka mo dú nga ni gbigbita boro ki susi ya, ka mo dú nga ni iramungo a ya; tipagine ka mo kpi ti ni mbata fu gamo arame?
18
Si ngba mo ka kuti gere nyanyaki, ka mo zá nga bero ti ni ya; bambiko gu ni nagunde ti Mbori nikakura rogo agi apai re dunduko.
19
Tatamana nafu ome fu iratatamana susi ti abazogo bawe du rogo bakporo.
20
Ni rengo a nga ruru boro auru kpotosende no namanga wenepai, zanga manga ingaapai te.
21
Ono ka mo dége nga turo tipa agu apai aboro agumba dunduko ya, mo ka gia fugo ga moyambu ni nisenge ro.
22
Mo ini he ku kpotoro yo mo ni tiro kina wo senge mo kura aboro bara sa a te.
23
Agi apai dunduko re mi awisigi he be tatamana; mi ki ya, “Mi adú ni iratatamana”; ono si adu ti re tuturũ.
24
Gu du ho, si du tuturũ, si dungura adungura ki susi; da rengbe ka bi he?
25
Mi asa tire ka maa gi berã ka ina pa tatamana na ka wisiga ha, na ka gbata ha na pa ndu apai, ka ina gu gbigbitapai nga pa mungo, na gu mumungo pai nga pa waka.
26
Ono mi ki bi he ya gu de du kpotori yo na nzingiri pai na apio, na aberi wa kina azogbo, ri wa kina nirãnirã he susi kpio. Gu boro angba ti Mbori ni naora be ri, ono ri nazia boro ingapai.
27
Oni ngére, wo poi Batungusipai, gere mi abi he, ki nitangara pai kina ku ri gu kura ha ka ina waĩ du he dunduko,
28
nga agu apai kpotore yo agbata ha kindi, ono mi abi nga ha te. Mi abi kumba sa dagba akumba 1,000, ono dagba ade yo dunduko mi abi nga ni yo sa te.
29
Oni ngére, kina gere mi abi, ya Mbori amangi aboro ni ruru yo, ono i ni tiyo nagbata dungu sangisangi apai.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
All chapters:
1
2
3
4
5
6
7
8
9
10
11
12