Job 16

Zande

← Chapter 15 Jump to: Chapter 17 →

1Eyobo ki karaga pai, ki ya:

2“Mi gi dungu ngbatunga apai; oni nga kina gbegberẽ abangarási boro dunduko.

3Digida kungba fugo ti ni? Na gini he nazingisa roni oni akaraga pai ti ni?

4Mi rengbe ka fura a wa kina roni, ka oni adu ku ba re; ka mi akpamia fugo wa sa kuti roni, ki pikipo rire koyo du oni ni.

5Mi rengbe ka nyakasa roni na fugo ngbare, gu pa wasa du ngbare azéresa gaoni rungo.

6“Ka mi vura gumba pai, gi ima azera nga te, ka mi vura hi pai, pai waĩ nikambu re?

7Ni rengo Mbori mangi re mi mbu gbe, ko mangi gi rika dunduko wa bate.

8Ono mo azi re nyanyaki, nga dezire kuti re; ii, gi uguda guari kuti re, si nayugo dezirepai kina ku bangire.

9Ko sipi re ni kina gako zinga, ki nisogo re. Ko ari ngba rindiko kuti re; vurare nazaraga bangiriko kuti re.

10Aboro aka ngbayo kuti re, i ata re ti biringa ngbare ni soapai kuti re, i dungura tiyo wa sa dunduko kuti re.

11Mbori fu re ku be azangasinombori, ki ba re ku be gbegberẽ aboro.

12Mi adu zezeredi, ko ki kuadi re akuadi ngbingbi; ii, ko zi re ti kina gore, ki foko re mbusumbusu. Ko moi re ku ari wa fuohe tipa zuma ha;

13gako abaaguanza navo gbu pati re kirikiri. Ko nakafa gimi agbiiri kpakpa, ka ko ambu nga ha ya. Ko nauka kikpare ku sande.

14Ko nahoga re na oro ku ri aoro, ko nayara sa re wa kina iraome.

15Mi rũngu mbuzaroko kuti kpotore, mi moi omere ku nvutu yo.

16Kpakpure adiadi be kpara ni aume, nduunduu bitimo du ri puku bangire;

17wa adu nga pa zuu bere ya, gi kpe du ni gigiri he.

18“Ako kpotosende, ka mo dádi nga kurere ya, ka baongoda dú nga fu gi kpe a ya.

19Zavura awere, mo ngére, gi dezire du ngbangbaturũ yo, gu ko idi pa du tipa re ko du ari yo.

20Abadiangbare napayasi pa re; ono bangire naga na aume fu Mbori;

21ya ko mbakadi ga boro rurupai fu Mbori, wa ga boro fu kurani.

22Bambiko ho agara ka susa ni ni umba ha, mi andú ngba gu gene yo mi ka karaga nga tire ni berewe ya.”

← Chapter 15 Jump to: Chapter 17 →