Job 9

Zande

← Chapter 8 Jump to: Chapter 10 →

1Eyobo ki karaga pai ki ya:

2“Mi ini he ni rengo ya wo du he, ono waĩ rengbe boro ka du ni ruru ni bangiri Mbori?

3Ka boro aída ka darã pai na ko, ni arengba nga ka karaga pai fu ko wa bara sa dagba apai wa kutu te.

4Ko nga iratatamana kpotoko yo, ki du na ngarã rogo gako tandu ―da nyakasi tini kuti ko, ki u nga?―

5nga gu ko nagbisa abaagangara, ho ko nabafa ha ni ni gako zinga, ono ka si aina nga pa ha ya;

6nga gu ko nawo ti kpotosende rogo gu ba ha, adangbaha ki nikio;

7ko naruga uru, ka si akúra nga ya; ki dika bangiri akerekuru;

8kina ko ni tiko naazaraga angbangbaturũ, ki ndu ri ngiri baime.

9Kina ko naamangi agu akerekuru i niya ti ra, Urisi, na Oriona, na Periade, na ba akerekuru du ku sudiyo.

10Ko namanga babakere apai gasi rugatina pa ha, na iiriwo mangaapai zanga ba geda ha.

11Mo ngere, ko nasusa pati re, ono mi abi nga ko te; ko nasusa ku mbata yo a, ono mi aina nga ko te.

12Mo ngére, ko natuka ahe ku sa yo, da rengbe ka za ko? Da nikaya fu ko, ‘Gini pai mo amanga’?

13“Mbori ambú nga pa gako zinga te; ga iraenda amounda nugadi ku tii ko.

14Waĩ tie, rengbe mi ka karaga pai fu ko nisia gimi apai fu ko?

15Ka mi vura du ni boro wenesa, mi arengba nga na karaga pai fu ko te; mi ka kpara tipa inapai be bakitingbanga re.

16Ka mi ayambu ko, ko ki karaga pai fere, mi aida nga ha ya ko du nagia fugore te.

17Bambiko ko nakuadi re ni bakamikami yuge, ki ngeesi gimi aoro zanga ndupai;

18ko ambú nga re mi ongo te, ono ko nahiisa re na kina nirãnirapai.

19Ka si du wa ani nagumba pa tandu, oni bí nga ko! Ka ngia pa ruru sarangbanga du, da rengbe na ringbisa pai tipa re?

20Ka mi vura du ni ruru boro, kina ngbare nikasara ngbanga re; ka mi vura zanga pai ku ri re, ko ayugo gi pai re wa ga irakeretu.

21Mi nazanga pai ku ri re; ono mi aberã nga pa tire te, mi gindiga ungare.

22Si wa kina pai sa dunduko; si du ya mi ti ni, ko nagbarasa azangapai ku ri yo na gbegberẽ yo a.

23Ho gbigbitapai naye ni na kpio rure, ko amoma gu fudifudipai nga ga boro wenesa.

24I fu kpotosende ku be gbegbere aboro; ko nadada kpakpu agu abasapungbanga du yo― ka si angia nga ko ya, da du tie?

25“Awere gimi arame ipi susi ga boro oto; si oro ku sa yo, si abi nga wenepai te.

26Si nasusa ku sa yo wa kina ipiipi kurungba badumo, wa dingimo nayanga ri pasio.

27Ka mi ya, ‘Bangire ago tipa gi baka bangirise, mi asá gu kpakpure nga ga rungo, ki sungu na wasa’,

28mi nagunde be gimi arungo, bambiko mi ini he ya mo aberã nga pa re wa boro wenesa te.

29I asára ngbanga kuti re; tipagine mi amanga sunge ti ni gbua?

30Ka mi vura zunda tire na ime morogumba, ki zundu bere gigiri ni kokotio;

31mo aríndasi re ku due yo, gimi aroko asóga re asoga.

32Bambiko kumba nga Mbori te, wa du pa re, mi ka karaga pai fu ko, ya ani ye wa sa tipa sarangbanga.

33A nga boro ho du dagba rani ni azarõ, ka moi beni ku rirani wa du ani ue te.

34Ko dí gako ngbondo ti re ku sa yo, ka gunde ko zi nga re ni gbudagbuda ya.

35Si du mi agumba pai, ka mi agúnde nga ti ko ya; bambiko mi ni tire wo te.

← Chapter 8 Jump to: Chapter 10 →