Job 34

Zande

← Chapter 33 Jump to: Chapter 35 →

1Eriu ki ya berewe:

2“Oni gí gimi apai, oni nga tatamana aboro, ki ye turoni kono du mi ni, agu roni du na inahe;

3bambiko tue naasada apai, wa vuru ngba yo naasada ngbanya riahe.

4Ani sía gu tipa rani nga ruru sarangbanga; ani íni gu pai dagba rani nga wenehe.

5Bambiko ya Eyobo wẽ, ‘Mi nga boro wenesa, ono Mbori di gu pai ru fere ku sa yo,

6wa gi pai avura du ni ruru he i sa re ni kina irazire; gi oro ka i wiisi nga ha te, ka mi vura du ni zanga samungu vurũ.’

7Gini boro du wa Eyobo, nambira wasiro wa ime,

8nandu wa sa na gu rika nga ga amangi irairapai, ki nita na gbegberẽ aboro?

9Bambiko ya ko, ‘A nga u tipa ha fu boro, ya niidi pa apai na Mbori, te.’

10“Si du oni dége turoni kono du mi ni, oni nga aboro rugatinapai, ka manga gbegberẽpai, si túrũ ti Mbori, na ti gu Ko du na tandu apai dũ, ka manga irairapai.

11Bambiko ko amánga pai fu boro rengbe na kina gani mangapai, ko amánga fu aboro dunduko ku sangba gayo apai yo.

12Ni rengo Mbori amánga nga gbegberẽ te, gu Ko du na tandu apai dũ asa nga ruru sarangbanga te.

13Da naafu pa zogarago fu ko ri kpotosende? Watadu da naaringbisi pa zegino dunduko fu ko?

14Ka ko di toroko ti aboro, ki dungura ongako kuti ko berewe,

15aboro dunduko akpíka wa kina sa, aboro akáraga tiyo berewe kina ku nvutu yo.

16“Awere ka mo du na rugatinapai, mo gí nga gere; mo yé turo sa fugo gimi apai.

17Gu boro nasoga rurupai ka ni zogo rago? Mo akíta ngbanga gu boro du nzunzu nga ruru boro?

18Gini boro naya fu bakindo, ‘Mo nga kungba boro,’ nafu abarumbatayo, ‘Oni nga gbegberẽ aboro’;

19nga gu boro namanga nga pai kia fu abazogo ya, aberá nga pa irakumuko susi rurungbura boro a ya, bambiko wa du yo dunduko nga gu sunge beko amangi he, te?

20I ki kpiki kina rogo wiri guru rago bebere yuru a i azigizo aboro i ki kpiki, i rogo airaome ku sa yo zanga zada aboro yo.

21“Bambiko bangiriko du ku ri ga boro apai, ko nabi pa gani nduge dunduko.

22Iyo rago ho te, nauunauu bitimo ho a te, yo amangi irairapai ka gbuka ku ho ni.

23Bambiko ko ata ringbisa nga rago tipa boro ka ndu tipa gani ngbanga ku bangiri Mbori te.

24Ko nakuadi airaome rukutu rogo gayo pai zanga wisiga pa ha, ki nimoi kura aboro ku ba yo.

25Si du wa ko naruga tiko na gayo mangapai, ko nasisika yo yuru, i ki du ni gbarasigbarasi yo.

26Ko nata yo tipa gayo gbegberẽpai, ku bangiri aboro gbayaga,

27bambiko wa i asa tiyo ku bani ti peka fuo ko, ka i aberã nga pa gako apai wa sa ya,

28si du i amangi rurungbura aboro gayo kpe da koyo du ko ni, ko ki gi gu kpe nga ga rungorungo yo―

29Ho ko nafu zereda ni, da rengbe ka kita ngbanga? Ho ko naoka kpakpuko ni, da tie rengbe ka bi ko? watadu rikaaboro, watadu boro?

30ya ka zangasinombori zogo nga rago ya, ka ni re nga gbina tipa zia aboro ya.

31“Gini boro du nga ho sa agumba pai wa gere fu Mbori, nga ‘Mi ahi pa rugapai, mi amánga nga gbegberẽpai berewe te;

32gu pai mi abi nga ha ya mo yúgu he fere; ka si du wa mi amangi irairapai, mi amánga nga ha berewe te’?

33Ko atumo ho foro wa mo akpi nyemu he, wa mo agindiga ha? Bambiko mo ka sia gu, mi te; si du mo gúmba gu pai tipa ha ini mo.

34Aboro rugatinapai agumba pai fere, gu boro tatamana nagia fugore agúmba ha a, ki ya:

35‘Eyobo nafura zanga inahe, gako apai zanga wene berã.’

36Ako, ka i asadi Eyobo dati digida ha, bambiko gako karagapai du wa kina ga gbegberẽ aboro.

37Bambiko ko nagbia pa samungu ku ri gako ingapai, ko nata beko ku dagba rani, ki ningeesi pa gako gumbaapai kuti Mbori.”

← Chapter 33 Jump to: Chapter 35 →