Song of Solomon 6

Zande

← Chapter 5 Jump to: Chapter 7 →

1Ako mo du tamaro ni wene he susi dagba ade, gu ko mo akpi nyemu ko, ko ndu ku wari? Gu ko mo akpi nyemu ko, karaga ko tiko ku wari, ani gbata ko na mo?

2Gu ko mi akpi nyemu ko, ko ndu ku rogo gako ati yo, ku dagba bawene fuõngua ati yo, ka riga gako rimbasa akandoro banambu yo, ka kata mbumbuda aranga a.

3Gu ko mi akpi nyemu ko, ko nga gimi ko, mi tigimi nga gako ri a; ko nariga gako rimbasa akandoro dagba aranga yo.

4Ako badiangbare, tamaro ngba angba wa gu bakporo nga Tirusa, mo ngba wa Yerusarema a, mo na iriwo ti ro wa gu rikavura nadia bese.

5Mo dí bangiro ti re, bambiko bangiro nagundesi re― Mangeriro wa rimbasa ameme, nandu ti ngbadu bagangara Girada.

6Rindiro wa rimbasa anaakandoro, nga agu ra nakura rogo bazunda tira yo, ami dunduko nabatika awira ni abi, a nga gu ru dagba ra kpi wiru sa te.

7Pavururiro wa zuzu he wa ga ndavu i nakparaka ha ue gii ga roko dadari yo.

8Anakindo yo 60 na adebadia 80, na paranga ade susi ba geda yo.

9Gi mbipo, gi ziazia ri, gi bangisa ri, ri tigari ni bangisa ri sa be nari, ri tigari nga gu wene ri dagba agu yo yo nari abatika yo. Paranga ade ki bi ri ki ya ti ri de maku; anakindo na adebadia a, i ki nisambua ri.

10“Gini ri nga gu ri nangera ku mbata yo wa girarago, tamari ngba wa ga diwi, ki du ziazia wa uru, du na iriwo ti ri wa gu rikavura nadia bese?”

11Mi andu ku ati rũkurũku ngua yo du wa abanga ka bi si ngia mbumbuda ha ngboongboorago yo, ka bi watadu bakakue nambumba, na ngua wa ndavu namaa mbumbudaha.

12Tunguotunguo pai ki du rogo gi berã, ka mi aruga nga ti re na ni ya, si amoi re rogo ngbagidavura pati gi bazogo.

13Ako de nga boro Surama mo ária tiro, mo ária tiro, mo ária tiro, mo ária tiro, ani ngana ro. Tipagine ka ani angana ri ti ni nga boro Surama, wa ngana yo adogbere dagba arikavura ue?

← Chapter 5 Jump to: Chapter 7 →