Song of Solomon 8

Zande

← Chapter 7 Jump to:

1Ako, ka mo adu wa kawire fere, naha mamu nina! Ka mi abi ro zegi yo, ka mi adungo ro, a nga boro ho ka payasi re te

2Ka mi angbe ku mbata yo foro ki ye na mo ku rogo ga nina bambu yo, ri ki rugu re. Ka mi afu wene fuõ imekakue foro mo mbiri he, na ime gimi zuzuhe wa ga andavu.

3Ako ka garebeko adu tii rire, kumbabeko ki dungo re a!

4Ako win aboro Yerusarema nga ade, mi zunga he fu roni, ka oni ya wo nga ti nyemuse ya, ki zingisi he a ya daho si ka ngba ni.

5Gini ri nga gu ri naye ngbakungba yo, megedi kuti gu ko ri akpi nyemu ko? Tii ngua du wa manga mi azingisi ro ni Yo namo adu ni na ima batika, yo gu ri nabatika ro adu ni na ima batika.

6Mo mói re wa ũido ku kpotoro yo, wa ga tongo ido ti bero; bambiko nyemuse nyanyaki wa kina kpio, deringo ni kere he wa murã. Imaha wa ima we, wa gu mirã we nakĩ akĩ

7Dungu aime arengba nga ka bisa nyemuse te, ka ime fu nga ku ri he a te. Ka boro vura fu gani aũkporo afu tipa nyemuse dunduko, i apayasi he apayasi dunduko

8Am du na tom dawirani, nga nakungbadu. Gim ani ka manga tipa dawirani, ni gu uru kumba ka sanango ri?

9Ka ri du tigari wa vuro bambu, ani adua bambu auru nhe ni feda; ka ri du tigari wa ngbadimo, ani akísa pati ri na apurangi kedara.

10Mi tigimi adu wa vuro bambu, mamure ki du wa ngbaho bambu; si du mi ki du bangiriko wa gu boro bi zereda.

11Soromo adu na ati bakakue Baaromoni yo; ko ambu gu ati bakakue re fu ababanda ha; i ni ba sa sa mye na sekere feda wa 1,000 tipa zuzuhe

12Gi ati bakakue, nga boro gum, du tipa kina re; Ako Soromo, mo nikadu na sekere 1,000, agu yo nabanda gu zuzuhe re i ki du na 200.

13Ako mo gu naraka ati yo, akuare nadega tuyo ka gia fugoro; mo ídi he fere mi gi he a.

14Gu mo mi akpi nyemu ro, mo ípisi tiro, mo ki du wa gbangbaria watadu wa paranga nzungba ri bagangara wene fuõngua yo.

← Chapter 7 Jump to: