Song of Solomon 7

Zande

← Chapter 6 Jump to: Chapter 8 →

1Ako wiri bakindo nga degude! Na ngba nduro na rakata, Ngbazunga ambosoro wa kina ũfongaahe, gu sunge nga ga boro birĩ.

2Mbukusero du kirikiri wa gu inga azanga nga kodikodi imekakue rogo ho ya. Vuro wa kina guguda nganu, i moi aranga pati he kirikiri

3Mamuro ue wa kina fogo agbangbana ue, nagbangbana abatika ra ni abi.

4Gorõro wa gu ngbaho bambu du ni rindi mbarã. Bangiro wa gu munga du Esebona yo pati gu ngbadimo bakporo nga Bata-rabimi Õro wa kina gu ngbaho bambu du Rebanona yo nangera ku Damaseke yo

5Riro ti ro du wa Karumera, mangeriro ki du ni ngungungu he; bakindo adu ni zizi ko mbiko gbanga mangeriro.

6Ako badiangbare nga paranga de, bi ro ngba! Na ngba tamaro, mo ni weneringi ro a.

7Basonaro wa kina mbira, mamuro wa zuzuhe a.

8Mi ya, mi abíta mbira ku an yo, mi azia be he Ako ka mamuro du wa kpura bakakue, fuõ ongaro ki du wa fuõ zuzu ngua du wa ga manga,

9ngbaro yo ki du wa gu wene ime imekakue i nambira ha nonono, kpotongba ki zere azera be he na nnde a.

10Gu ko mi akpi nyemu ko, mi tigimi nga gako ri, gako nyemuse du kono du mi ni

11Gu mo mi akpi nyemu ro, mo ye, ani ndú ku ati yo, ani rá ramukporo rogo akporo yo;

12ani gúari kina ngbatutu wiso ka ndu ku aati bakakue yo, ani bí he si ngia bakakue kusi fogo kpehe, ki moi mbumbudaha, watadu ngua wa ndavu moi mbumbudaha. Yo mi ka yugo gi nyemuse ni foro

13Rindiseke nakusa wene fuõhe, ba ri gaani ngbadimo yo du ngbatunga wene zuzu angua ni vovo ho na kuru he a, nga gu mi aigi he tipa ro, Ako gu mo mi akpi nyemu ro.

← Chapter 6 Jump to: Chapter 8 →