Ezekiel 17

Amharic Dawro DFBE (ጌሻ ማጻፋ) No Year

← Chapter 16 Jump to: Chapter 18 →

1መና ጎዳ ቃላይ ታኮ ሀዋዳን ያጊደ ዬዳ፤

2“ላ አሳ ናአዉ፥ እስራኤልያ አሳ ቃንእሽያ ቃንእሻ፤ ኡንቱንቶ ሌምሱዋን ኦዳ።

3ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ዱማ ዱማ ማላና ደእያ ባለቱነ ዎልቃማ ዎልቃማ ቀፈቱ ደእያ እት አርጋንይ ደኤ። ሄ አርጋንይ ሊባኖሳ ዪደ ዝጋ ጼራ ኦይቄዳ።

4ሄ ዝጋ ልጩዋ መንዳ፤ ሄ መንዳ ልጩዋ አኪደ፥ ዛልኢ ዳርያ ቢታ፥ ዛልአንቻቱዋ ካታማ አፌዳ።

5“ ‘ “እ እስራኤልያ ቢታፐ ዘረ አፊደ፥ ቱኤ ቢታን፥ ዳሮ ሃይ ደኢያሳ ማታን ቶኬዳ።

6ፑደ አጬዳ ቱራይ ዳሪ አዱቀናን ዳሼዳ። አ ዳሻይ አርጋንኮ ስሚደ ዳሼዳ፤ ሽን አ ጻጱ ቢታ ግዶ ገሌዳ። ሄ ቱራይ ማራ የሌዳ፤ ሀይካ ከሴዳ።

7“ ‘ “ሄዋዳንካ፥ ጮራ ቀፈቱነ ዎልቃማ ዎልቃማ ባለቱ ደእያ ሀራ እት አርጋንይ ደኤ። ሃ ደማና ጊደ፥ ሄ ቱራይ ባረ ቶከቴዳ ሳፐ ሄ አርጋንይ ደኢያሳኮ፥ ባረ ጻጱዋነ ባረ ዳሻ የዴዳ።

8ሽን ኮይሮ አርጋንይ ቶከቴዳዌ አጫናዉ፥ አይፋናዉነ ሎይ ሎኦ ዎይንያ ግዳናዉ ዳንዳይያሳን፥ ቱኤ ቢታን፥ ዳሮ ሃይ ደኢያሳና” ያጌ’ ያጋ።

9“ኡንቱንቶ ኔን ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ሄ ቱራይ ድጫኔ? ኮይሮ አ ቶኬዳ አርጋንይ አ ሾደኔ? አ አይፈቱዋ ቆቆፊደ፥ አ እርጻ ሀይቱዋ መልሰኔ? አ ሄ ሳኣፐ ጻጱዋና ፑደ ሾዳናዉ ዎልቃማ ዎልቃ፥ ዎይ ዳሮ አሳ ኮሸና።

10አ ሾዲደ፥ ሀራ ሳኣን ቶክንቶ፥ እ ድጫኔ? አዋይ ዶልያ ባጋ ባዞ ጫርኩ ሾጭና፥ ባረ ቶከቴዳሳን ኡባና መለኔ?” ያጌ’ ያጋ” ያጊደ ዬዳ።

11ሄዋፐ ጉይያን፥ መና ጎዳ ቃላይ ታኮ ሀዋዳን ያጊደ ዬዳ፤

12“ሀ ማካላንቻ አሳዉ ሀዋዳን ያጋ፤ ‘ሄ ሌምሱዋ ብለይ አየንቶ ኤርክቴ? ሄዌ አዬ ጎፐ፥ ባብሎነ ካቲ የሩሳላመ ዪደ፥ ኡንቱንቱ ካትያነ ኡንቱንቱ ካፖቱዋ ኦሞዲደ፥ ባብሎነ አፌዳ።

13ቃይ ካትያ ጎልያ አሳፐካ እቱዋ አኪደ፥ አናና እትፐ ጫቂደ ጫቀቴዳ፤ ያቲደ አሳ ግዶን ኤረቴዳዋንታ ኦሞዲደ አፌዳ።

14ሄዋ ኦዳዌ ኡንቱንቱ ካዉተይ ዎልቃ ዪደ፥ ላኤን ደንደናዳን፥ ባረንቱ ጫቁዋ ጻላላ ናጊደ ደአናዳና።

15ሽን ይሁዳ ካቲ ማካል ደንዲደ፥ ፓራቱዋነ ዳሮ ኦላንቻቱዋ የዳናዳን፥ ግብጼ ኪቴዳ። አዉ ሄዌ ሀናንዴሻ? ሀዋ ማላባ ኦዳዌ እ ባረዉ ከስ አካንዴ? ቃይ ጫቁዋ አደ፥ እ ባረዉ ከስ አካንዴ?

16“ ‘ታን ኡባ ሞድያ መና ጎዳይ ታ ደኡዋን ጫቃይ: ባረና ካተዬዳ ካትያና ማየቴዳ ቃላ ድራዉነ ጫቁዋ ካዳ ድራዉ፥ ሄ ካትያ ቢታን፥ ባብሎነን እ ሀይቃና።

17ባብሎነ ኦላንቻቱ ዳሮ አሳ ዎናዉ ግምቢያ ማታን ቢታ ድድቂደ ጊግሶፐነ ድሮፐካ፥ ግብጼ ካቲ ባረ ኦላንቻቱዋናነ ባረ ዳሮ አሳና ዪናካ፥ አይነ ማደና።

18እ ጫቁዋ ካዳ፤ ጫቁዋ መንዳ። እ ባረ ኩሽያካ እሚደ፥ ባረ ጌዳዋ ፖልቤና። ሄዋ ድራዉ፥ አዉ ከስ አክያ ሳአይ ባዋ።

19“ ‘ሄዋ ድራዉ፥ ታን ኡባ ሞድያ መና ጎዳይ ታ ደኡዋን ጫቃይ፤ እ ካዳ ታ ጫቁዋነ እ መንዳ ታ ጫቁዋ ታን አ ሁጲያ ቦላ ዛራደ አሀና።

20ታን ታ ጲርያ አ ቦላ የጋና፥ እ ታ ጲርያን ኦይቀታና። እ ታዉ አማነተናን እጼዳ ድራዉ፥ ታን አ ባብሎነ አፋደ፥ ሄዋን አ ቦላ ፕርዳና።

21ዶረቴዳ አ ኦላንቻቱ ኡባይ ማሻን ሀይቃና፤ ፓጻ አቴዳዋንቱ ዱማ ዱማ ሳኣ ላለታና። ሄ ዎደ ሀዋ ሃሳዬዳዌ ታና መና ጎዳ ግድያዋ ህንተ ኤራና።

22“ ‘ኡባ ሞድያ መና ጎዳይ ሀዋዳን ያጌ፤ “ታን ታ ሁጲያዉ አዱሳ ዝጋ ጼራ ልጩዋፐ ጹንቃ አካደ፥ ቃነ አዱሳ ደርያ ሁጲያን ቶካና።

23ታን አ እስራኤልያ ደርያ ሁጲያን ቶካና፤ ሄዋን ማራ የሊደ፥ አይፍያካ አይፋናነ ሎኦ ዝጋ ግዳናዋ። ካፎ ዛሪ ኡባይ አን ኬጻና፤ ኡንቱንቱ አ ቃንካ ኩዋን ሸምፓና።

24ቃ ም ዝቂ ኦያዌ፥ ዝቃ ም ቁ ኦያዌ፥ እርጻ ም መልስያዌነ መላ ምካ አጭስያዌ፥ ታን መና ጎዳ ግድያዋ ባዞ ም ኡባይ ኤራና። ታን መና ጎዳይ ሀዋ ኦዳድ፤ ታን ኦዴዳዋ ታንካ ኦና” ያጌ’ ያጋ” ያጊደ ዬዳ።

← Chapter 16 Jump to: Chapter 18 →