Psalms 136

Amharic Gofa GFBEVF (ጌሻ ማፃፋ)

← Chapter 135 Jump to: Chapter 137 →

1ጎዳ ጋላትተ! እ ኬሀ፤ እያ ሲቆይ መርናሳ።

2ፆሳታ ፆሳ ጋላትተ! እያ ሲቆይ መርናሳ።

3ጎዳታ ጎዳ ጋላትተ! እያ ሲቆይ መርናሳ።

4እያ ፃላል ግታ ማላልስያባ ኦስ፤ እያ ሲቆይ መርናሳ።

5ባ ጭንጫተን ሳሎታ መስ፤ እያ ሲቆይ መርናሳ።

6ሃ ቦላ ቢታ ምጭስ፤ እያ ሲቆይ መርናሳ።

7ግታ ፖኦታ መስ፤ እያ ሲቆይ መርናሳ።

8አው ጋላስ ሃራና መላ ኦስ፤ እያ ሲቆይ መርናሳ።

9አጌንነ ፆልንቶት ቃማ ሃራና መላ ኦስ፤ እያ ሲቆይ መርናሳ።

10ግብፀ ቢታን ባይራታ ዎስ፤ እያ ሲቆይ መርናሳ።

11እስራኤለ አሳ ግብፀፈ ካለድ ከስስ፤ እያ ሲቆይ መርናሳ።

12ባ ምኖ ኩሽያን፥ ባ ዎልቃማ ቀስያን ሀይሳ ኦስ፤ እያ ሲቆይ መርናሳ።

13ዞኦ አባ ሻክስ፤ እያ ሲቆይ መርናሳ።

14እስራኤለ አሳ ሄ አባ ግዶራ ፕንስ፤ እያ ሲቆይ መርናሳ።

15ግብፀ ካዋነ እያ ኦላንቾታ ዞኦ አባን ሙክስስ፤ እያ ሲቆይ መርናሳ።

16እ ባ አሳ መላ ቢታራ ካለስ፤ እያ ሲቆይ መርናሳ።

17ግታ ካዎታ ሾጭስ፤ እያ ሲቆይ መርናሳ።

18ዎልቃማ ካዎታ ዎስ፤ እያ ሲቆይ መርናሳ።

19አሞረ ካዋ ስሆና ዎስ፤ እያ ሲቆይ መርናሳ።

20ባሳነ ካዋ ኦገ ዎስ፤ ሲቆይ መርናሳ።

21ኤንታ ቢታ ባ አሳ ላትስስ፤ እያ ሲቆይ መርናሳ።

22ባ አይልያ እስራኤለ ላትስስ፤ እያ ሲቆይ መርናሳ።

23ኑ ካዉይዳ ዎደ ኑና ቆፕስ፤ እያ ሲቆይ መርናሳ።

24ኑና ኑ ሞርከታፐ አሽስ፤ እያ ሲቆይ መርናሳ።

25መተ ኡባስ ካ እሜስ፤ እያ ሲቆይ መርናሳ።

26ሳሎ ፆሳ ጋላትተ! እያ ሲቆይ መርናሳ።

← Chapter 135 Jump to: Chapter 137 →