Psalms 77

Amharic Gofa GFBEVF (ጌሻ ማፃፋ)

← Chapter 76 Jump to: Chapter 78 →

1ታኒ ፆሳ ማጋናይስ፤ ታና ስአ ጋዳ እያኮ ዋሳይስ።

2ታ መቱዋ ጋላሳን ጎዳ ኮያስ፤ ቃማ ኩመ ሸምፖይ ባይና ታ ኩሽያ ምጫስ፤ ግዶሽን፥ ታ ሸምፕያ ምናናዉ ዳንዳአቡኩ።

3ታኒ ፆሳባ ቆፕያ ዎደ ኦላይስ፤ ታኒ ዎ ደንዳ ዎደ ታ ሸምፖይ ዳቡሬስ።

4ቃማ ኩመ ታና ስኮ ድጋዳ አይሳዳሳ፤ ታ ኡንኤትዳ ግሾ ኦደታናዉ ዳንዳአብከ።

5ታኒ አዳ ጋላሳታ ቆፓስ፤ ካሰ ላይታ ሀሳያስ።

6ታኒ ቃማ ግታ ቆፋን አቃስ፤ ታ ዎዛናን ዎ ደንሸ፥ ሀይሳዳ ያጋዳ ታና ኦይቻስ፤

7“ፆሳይ ኑና መርናዉ አግደዬ? ህዛፐ ጉየ እ ኑስ ኬሄነዬ?

8እያ ሲቆይ አትደዬ? እ ኦድዳ ቃላ መርናዉ ፖለነዬ?

9ፆሳይ ባ ማሮታ ዶግደዬ? ባ ቃያ ሀንቆን ላምደዬ?” ያጋዳ ኦይቻስ።

10ኡባፈ ቃ ፆሳዉ፥ ታና ኡንኤዳይ፥ ነ ኡሻቻ ኩሽያን ኑና ማዶ አግዳይሳ።

11ጎዳ ኦሶታ ታኒ ቆፓና፤ እ በን ኦዳ ማላልስያ ኦሶታ ሀሳያና።

12ነ ኦሶታ ታኒ ዛራ ዛራዳ ቆፓና፤ ነ ዎልቃማ ኦሶታ ታኒ ዎ ደንና።

13አቤት ፆሳዉ፥ ነ ኦገይ ጌሽ፤ ነ መላ ግታ ፆሲ ኦኔ?

14ኔኒ ማላልስያባ ኦያ ፆሳ፤ አሳ ግዶን ነ ዎልቃ ቆንጭሳሳ።

15ነ አሳ፥ ያይቆባነ ዮሰፋ ኮቻ ነ ቀስያን ዎዛዳሳ።

16አቤት ፆሳዉ፥ ሃት ነና በእድ ያይዶሶና፤ አባ ጪሞትካ ኮኮርዶሶና።

17ሻራት ሃ ዱገ ትግዶሶና፤ ዳዳይ ሳሎን ጉምስ፤ ነ ዎልአንይ ያን ሀን ዎልአምስ።

18ነ ዳዳ ጉንይ ኡሹዋ ግዶን ጉምስ፤ ነ ዎልአንይ ሳኣ ፖእስስ፤ ቢታይ ቃፅስ፤ ኮኮርስ።

19ኔኒ አባ ግዶራ ሄመታሳ፤ ጪሞ አባ ግዶራ ካንሳ፤ ሽን ነ ቶሆይ የዳ በሳይ በንተና።

20ሙሰ ኩሸንነ አሮና ኩሸን ነ አሳ ዶርሳ ዉደዳ ካለዳሳ።

← Chapter 76 Jump to: Chapter 78 →