Psalms 83

Amharic Gofa GFBEVF (ጌሻ ማፃፋ)

← Chapter 82 Jump to: Chapter 84 →

1አቤት ፆሳዉ፥ ስእ ጎፓ፤ ፆሳዉ ስርጵ ጎፓ፤ ሙሞፓ።

2ነ ሞርከት ነ ቦላ ደንደይሳ፥ ነና እፀይሳት ነ ቦላ ማካለይሳ በአ።

3ኤንቲ ነ አሳ ቦላ ጌማን ዱላቶሶና፤ ኔኒ ዶስያ አሳ ቦላ ማቀቶሶና።

4“ሃይተ፥ ኤንታ ካዎተ ይሶስ፤ እስራኤለ ጌተትያ ሱንይ መርናዉ ሀሳየቶና መላ ኦስ” ያጎሶና።

5ኤንቲ እስ ዎዛናን ግድድ ማቀቶሶና፤ ነ ቦላ ደንዳናዉ ጫቅዶሶና።

6ኤንቲ፥ ኤዶመነ እስማኤላ አሳ፥ ሞአበነ አጋር ኮቻታ፤

7ገባላነ አሞነ አሳ፥ አማለቃ፥ ፍልስፄመነ ፅሮሳ አሳ።

8አሶረት ኤንታራ ጋሄትዶሶና፤ አሶረት ሎፀ አሳስ ዎልቃማ ማዶ ግድዶሶና።

9ኔኒ፥ ምድያመ፥ ስሳራነ ያብና ቦላ ቅሶና ሻፋን ኦዳይሳዳ ኤንታ ቦላ ኦ።

10ኤንቲ ኤንዶራን ይዶሶና፤ ኤንታ አሀይ ደንባን ዎቅድ አትስ።

11ኤንታ ሀላቃታ ኦሬባነ ዘባዳ ኦ፤ ኤንታ ሃረይሳታ ዛብሄላነ ስልማናዳ ይሳ።

12ኤንቲ፥ “ኑኒ ፆሳ አሳ ላታ ኑስ ቡዞ ኦና” ያግዶሶና።

13ታ ፆሳዉ፥ ኤንታ ባናዳ ላላ፤ ጫርኮይ ኤፍያ ሱላዳ ኦ።

14ታም ዎራ መይሳዳ፥ ታማ ላጮይ ደርያ ፁገይሳዳ፥

15ነ ኡሹዋን ኤንታ የደ፤ ነ ጎትያን ኤንታ ዳጋን።

16ጎዳዉ፥ አሳይ ነ ሱን ኮያና መላ፥ ኤንታ ሶምኡዋ ዬላ ማይዛ።

17ኤንቲ መርናዉ ዬላቶ፤ ህርጎ፤ ካዉይድ ዮ።

18ነ ሱንይ ጎዳ ግድዳ ነ ፃላል፥ ኡባፈ ቃ ፆሳይ፥ ሳአ ኡባ ሃረይሳ ኤንቲ ኤሮ።

← Chapter 82 Jump to: Chapter 84 →