Psalms 140

Amharic Gofa GFBEVF (ጌሻ ማፃፋ)

← Chapter 139 Jump to: Chapter 141 →

1ጎዳዉ፥ ኢታታፐ ታና አሻ፤ ማካላንቾታፐ ታና ናጋ።

2ኤንቲ ኢታ ኦናዉ ማቀቶሶና፤ ጋላስ ጋላስ ኦላ ደንሶና።

3ባንታ እንፃርሳ ሾሻ እንፃርሳዳ ቃራዮሶና፤ ኤንታ ዶናን ዎያ ማርዘይ ደኤስ።

4ጎዳዉ፥ ኢታታ ኩሸፐ ታና አሻ፤ ታ ቶሁዋ ቃፃናዉ ቆፕያ ማካላንቾታፐ ታና ናጋ።

5ኦቶራንቾ አሳት ታዉ ፅሄ ዎሶና፤ ግተ ሂፆሶና፤ ታና ኦይካናዉ ግተ የጎሶና።

6ጎዳ፥ “ኔኒ ታ ፆሳ” ጋና፤ ጎዳዉ፥ ታ ዎሳ ስአ።

7ኡባ ሃርያ ጎዳዉ፥ ታና አሽያ ምኑዋዉ፥ ኦላ ጋላስ ታዉ ጎንዳለ ግዳዳሳ።

8ጎዳዉ፥ ኢታታስ ኤንታ አሙዋ እሞፋ፤ ኤንቲ ኦቶርቶና መላ ኤንታ ማቁዋ ፖልሶፓ።

9ታ ሞርከታን ታና ፆንሶፓ፤ ኤንታ ዶናፐ ከይያ ኢታይ ኤንታ ቦላ ስሞ።

10ኤንታ ቦላ ፁግያ ታማ ቦንቆይ ቆለቶ፤ ኤንቲ ታማ ኦላን የገቶ፤ ከያናዉ ዳንዳኦና ኦላ ሆለቶ።

11ዮያማት ቢታ ቦላ ደኦፖ፤ ቡቀይሳታ ኢታባይ የደድ ኦይኮ።

12ጎዳይ ማንቆታስ ፕርደይሳነ መቶታንቾታስ ሞተተይሳ ኤራይስ።

13ፅሎት ቱማ ነ ሱን ጋላታና፤ ሱረ አሳት ነ ስንን ዳና።

← Chapter 139 Jump to: Chapter 141 →