bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Exodus 40
Exodus 40
Chin (Mara Bible RV (BSI))
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
1
Abeipa ta Mawsi hnohta,
2
“Thla khana noh khana noh liata ahmaohna poh o achhyna byureih na padua awpa a châ.
3
A chhôh liata Biehrai Byh soh aw chi ta, Byh cha pohraipa ta na chhôkhâh aw.
4
Tlâhkhai a ngiakhei aw chi ta, a chô liata hmo so awpazy soh khai aw chi ta, meiôh tôh a ngiakhei aw chi ta, a meiôhzy na patyuh aw.
5
Ropahâhpa raona ngôh maisâh Biehrai Byh hmiakô liata soh aw chi ta, achhyna byureih chhikao liata pohraipa na parai aw.
6
Ahmaohna poh o achhyna byureih chhikao hmiakô liata raopa hlâna maisâh na patyuh aw.
7
Ahmaohna poh o nata maisâh likawh liata rahô patyuh aw chi ta, cha liata ti na soh awpa a châ.
8
Achhyna byureih padôpa ta dôhpachhôh tlyhmia tao aw chi ta, dôhpachhôh tlyhmia chhikao liata pohraipa na parai aw.
9
Chatawhcha sathawthuna châta sathaw la aw chi ta, achhyna byureih nata a chhôh liata a ypa zydua thu aw chi ta, na pathaisa aw. Chatanachata achhyna byureih hmobaohzy cha ama vaw pathaih ha aw.
10
Raopa hlâna maisâh nata a hmobaoh zydua sathawthu aw chi ta, maisâh pathaisa aw chi ta, chatanachata hmo pathaih chaipa a vaw châ aw.
11
Rahô nata a patyuna chhao sathawthu aw chi ta, na pathaisa aw.
12
Arawna nata a sawchapawzy ahmaohna poh o chhikao thaby liata a vaw chhi aw chi ta, ti ta na pasi aw ei.
13
Arawna cha chysia pathaihpazy pakysa aw chi ta, sathawthu aw chi ta, na pathaisa aw. Chatanachata theihthaipa rai hriapa ta eina chakao thei aw.
14
A sawchapawzy chhao a vaw chhi aw chi ta, chôtho na paky aw ei.
15
Theihthaipa rai hriapa ta eina chakao thei nawpa ei ta, ama paw sathaw na thupa hawhta âmo chhao sathaw na thu hra aw. Sathawthupa ama châpa cha, ama chhâ zydua ta theihthaipa ama châ lymâ nawpa châta a châ aw,” tah ta.
16
Cha hawhna chata Mawsi ta tao ta, Abeipa ta tao awpa ta bie a piepa zydua hawhta tao khai ta.
17
Chatanachata a kô nona thla hmiatua chaipa thla, noh khana noh liata achhyna byureih cha paduapa a châ.
18
Mawsi ta achhyna byureih cha padua ta, a patyunazy paryh ta, a thophiazy padua ta, a tlâhzy chahraoh ta, a tôhzy padua ta.
19
Abeipa ta Mawsi hnohta bie a piepa hawhta, achhyna byureih chô liata poh o parai ta, cha poh o chô cha a khuna ta khu ta.
20
Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.
21
Abeipa ta Mawsi hnohta bie a piepa hawhta, Byh cha achhyna byureih chhôh lâ a ngiakhei ta, khuna pohraipa parai ta, Biehrai Byh cha khu ta.
22
Ahmaohna poh o chhôh liata tlâhkhai patyuh ta. Cha cha achhyna byureih maw lâchhâh, khuna poh khôtho liata a ypa a châ.
23
Abeipa ta Mawsi hnohta bie a piepa hawhta, viahchhâ cha Abeipa hmiakô ta tlâhkhai liata yzie hnei kawpa ta soh ta.
24
Ahmaohna poh o achhyna byureih chho lâchhâh tlâhkhai dady liata meiôh tôh soh ta.
25
Abeipa ta Mawsi hnohta bie a piepa hawhta, meiôhzy cha Abeipa hmiakô liata soh ta.
26
Ahmaohna poh o pohraipa hmia lâta ngôh maisâh soh ta,
27
Abeipa ta Mawsi hnohta bie a piepa hawhta, a chô liata ropahâhpa pahâh ngaitapa rao ta.
28
Achhyna byureih chhikao pohraipa parai ta.
29
Ahmaohna poh o achhyna byureih chhikao hmiakô liata raopa hlâna maisâh patyuh ta, Abeipa ta Mawsi hnohta bie a piepa hawhta, a chô liata raopa hlâna nata niepa hlânazy hlâ ta.
30
Ahmaohna poh o nata maisâh likawh liata rahô patyuh ta, a si nawpa ti patlai ta.
31
Cha liata Mawsi nata Arawna nata a sawchapawzy ama ku nata ama pheizy a si ei ta.
32
Abeipa ta Mawsi hnohta bie a piepa hawhta, ahmaohna poh o liata amâ ngia chy nata maisâh thaby lâta ama vaw chy maihta amâ si tyh.
33
Achhyna byureih nata maisâh padôpa ta dôhpachhôh tlyhmia tao ta, dôhpachhôh tlyhmia chhikao pohraipa parai ta. Cha hawhna chata Mawsi ta raihria cha a patlô haw.
34
Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.
35
Cha hawhta meihdo a vaw chhoh ta, Abeipa rônahna ta achhyna byureih a bie hapa vâta, Mawsi cha ahmaohna poh o chhôh lâ a ngia thei khao vei.
36
Ama sie laihna liata, achhyna byureih chô liata meihdo papaipa a châ nahta, Izarei sawzy cha a pasie tyh ei ta.
37
Meihdo papaipa a châ vei khiahta cha, papaipa a châ hlâlei a pasie leipa ta ama y tyh.
38
Abeipa meihdo cha nohchhô ta achhyna byureih chô liata a chhoh ta, cha liata zâ ta mei vaw y ta, ama sie laihna zydua liata, Izarei pathlazy ta meihdo nata mei cha ama hmô laih lymâ.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40