bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Proverbs 26
Proverbs 26
Chin (Mara Bible RV (BSI))
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Nopi noh nata dâhaw tlapa a khyh leipa ta, Sâh hria daihti nata vâsuapa â khyh leipa hawhta, Palyupalihna chhao ahrupa nata a khyh vei.
2
Boby a viapa hawhta nata siviah â zawpa hawhta, A chhâpa y leipa ta chhiesapa cha a pai aw.
3
Chheina ri cha arâ châta châ ta, Chhâri cha alâ châta châ ta, Sôsi cha ahrupa ky châta a châ.
4
Ahrupa cha a hruzie hawhta a chhy khah y, Chataleipatala ano hawhta na châ pathlei aw na.
5
Ahrupa cha a hruzie hawhta a chhy teh, Chataleipatala asopa hawhta â pachâ pathlei aw na.
6
Ahrupa ku liata bietapa a paphaopa cha, Ano phei tai pachhô ta atudaina ti a dohpa a châ.
7
Ahrupazy hmao liata bieso cha, Pheisypa pheizy â pathliah thlâhthlipa hawhta a châ.
8
Ahrupa hnohta palyupalihna hlâpa cha, Cheisiah liata cheichâ lô pataohpa hawhta a châ.
9
Ahrupazy pakah liata bieso cha, Sahma paripa ku liata ahloh buh hawhta a châ.
10
Ahrupa nata a khiekhâ a pahâhpa rai pahriasapa cha, Likathaipa ta chyhsa to hmah a paphaopa hawhta a châ.
11
I ta a palipa a nie heih tyhpa hawhta, Ahrupa chhao ta a hruzie a palâsa chanei heih tyh.
12
Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.
13
Thathipa ta, “Lâpi liata chakeibarôhneipa y ta, Lâlaizy liata chakeibarôhneipa a y,” a tah ty.
14
Ochhi a baolie liata â pahiehpa hawhta, Thathipa cha a rakhô liata â paliepatheih.
15
Thathipa cha a ku beikoh liata a ku ny ta, A pakah lâ chalo heih awpa dâhdei chhao hoh vei.
16
Hmo a laichadai thaipa pasari hlâ chhao ta, Thathipa cha ano mo liata â pasosa via tyh.
17
Mohropazy ahryuna liata a chahraohpa cha, I a vaw râpa nakao liata patupa hawhta a châ.
18
Meirei nata châtai nata thina hiepatlatuhpa ahrupa hawhta,
19
A vaih a dôveituhpa ta, “Sai na ei so bao!” a tah tyh.
20
Tho chhâ ta mei a thipa hawhta, Hohiahpa y leina liata cha ahryuna chhao â chalih.
21
Meihei cha meihô châta châ ta, Tho cha mei pati nawpa a châpa hawhta, A paphôh thaipa chyhsa cha ahryuna a pa-iatuhpa a châ.
22
Hohiahpa biezy cha pati pahâhpa hawhta châ ta, Py chhôh lâ a zu tyh.
23
Palôh chhiepa hnei ta a hmao a pahnia kaw heih tlôhpa cha, Alei beih tâkâ ta pahupa hawhta a châ.
24
Ahaona a hneipa cha a hmao liata nyuthu tyh ta, A palôh liata deikua cha dôveina a paveih tyh.
25
Bie phapa a reipa chhao ta zo khah y, A palôh liata hmo pasichhihpa miasari a vaopa a châ.
26
Ahaona a hneipa cha dôveina ta khupa a châpa chhao ta, A moleina cha tlâh pahnopa ta palâsapa a châ aw.
27
Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.
28
Paleih haihthaipa cha a pasasapazy a hao ta, Papyupahlyna pakheipa pakah chhao paraona rai a hria tyh.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31