bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin SCB2 (Syin Chin Bible)
/
Proverbs 12
Proverbs 12
Chin SCB2 (Syin Chin Bible)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
A kuama po heakna a deite in a khial ciangin hil tu uuk hi. Kihil kipau tu dei ngawlna in mawmawtna hi.
2
Topa in mihing phate tungah lungkim a, ahizong siatna a ngealte puavawk hi.
3
Seksol tatsiatna in thinmuanna pia ngawl a, ahizong mihing thutangte in dinmun kip nei hi.
4
Zi pha khat in a pasal ii angtanna le lungdamna ahi hi; ahihang a pasal a maizumsak zi khat in a pasal ii ngu sungah cancer natna khat taw kibang ahi hi.
5
A thumaan mihingte in a kilawm bangin hong vawt tu hi; mihing seksolte in theam tu bek hong sawm hi.
6
Mihing seksolte ii kammalte in mihing thatlum thei a, ahihang a thutangte ii kammalte in tawnna a thuakte suatak hi.
7
Mihing seksolte in kiamsukin suan le paal nei ngawl a, ahihang thutangte ii bangkuate sia nungta paisuak hi.
8
Na pil le, nang hong kipok tu hi; na mawmaw le nang hong kinomu tu hi.
9
Milian khat bang kiheang in ngilkial a ih om sangin nuntak natu a thalaw mihing thawthong khat hi leang phazaw hi.
10
Mihing pha khat in a ngannote pha takin en a, ahihang mihing seksolte in nganno tungah tatkha hi.
11
Nasep hanciam lotho mi khat in neak tu tam mama nei hi, ahihang kimanna om ngawl nasepnate taw hun bosakna in mawmawtna hi.
12
Mihing seksolte ii uuk theampo sia, a sia vawt tu zonna ahi hi, ahihang thutangte a dinmun kho hi.
13
Mihing seksolte khat in ama ii pauna taw thaang sungah awk hi, ahihang a thumaan khat in ama le ama ngimna pan kipusua hi.
14
Na thaman sia na pauna le na sepna tung pan kituat tu hi; nang taw a kiphu bang na nga tu hi.
15
Mihing mawmawte in amate le amate maan kisa tawntung hi. Mihing ciimte in ngaisut piakna ngai hi.
16
A mawmaw khat in diksak ngawlna a nei ciang manlang takin kilanghsak hi. Mihing khuangaisun theite in ngual ii lanna kam a awlmaw buatu hi.
17
Thumaan na son ciangin thutang khenna piang hi; ahihang leilotna in a kikhaikim ngawl thukhenna piangsak hi.
18
Ngaisun phot ngawl a, pauna in namsau taw saat bangin thuk bunin liamsak thei hi, ahihang ciim kampauna in damsak thei hi.
19
Leilot thu sia ngei kho ngawl a, thumaan thutak sia a tawntungin nungta hi.
20
Siatna a ngealte in muanmawk ngawl thusia khat tawk tu a, ahihang phatna a seamte in lungdamna nga tu hi.
21
Thutang mite tungah a sia na khat zongh tung ngawl hi, ahihang a seksolte in ngimna simngawl bangma a nei bua uh hi.
22
Topa in leilot theite ensan hi, ahihang a kampau sa a kholette diksa hi.
23
Mihing khuangaisun theite in a heak uh thute son vazai ngawl hi, ahihang mihing mawmawte in a heak ngawlna uh teng ma thangsak hi.
24
Nasep hamciamna in thahatna hong pia tu hi; na dathamna in sal hong sua tu hi.
25
Thinngimna in lungdamna hong suttol thei hi, ahihang kamthiam in hong lungpilsak tu hi.
26
A thutang pa sia a lawm pa atu in lamhilpa hi tu a, ahihang a seksol khat ii lampi in amate lam pialpui hi.
27
Na da a tham le na zon sia na nga ngei buatu a, ahizong nasep na hanciam le hauna na nga tu hi.
28
Thutang hina in nuntakna lampi hi; seksolna sia thina lampi ahi hi.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31