bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin SCB2 (Syin Chin Bible)
/
Proverbs 20
Proverbs 20
Chin SCB2 (Syin Chin Bible)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Zu tamlei neakna in aw saangsak a, hong mawmawsak hi. Zu khamna sia mawmawthuai hi.
2
Hong ngalh tawpi khat na kiitak tu bangin a thin uuk kumpipa khat kiita in; ama thin uuksakna in eima le eima kithalupna hi.
3
Kam kinialnate sia a mawmaw khat po in pan thei hi; tuate panin kikepna in a zatak huai ngamtatna ahi hi.
4
A hun lai in lothaw tu a datham mama lotho pa khat in anlaak tu a nei buatu hi.
5
Mihing khat ii khua ngaisutnate sia, tuikhuk thuk sung a tui bang ahi hi, ahihang thuthuk mu thei khat in tua tui toai thei hi.
6
Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!
7
A pa uh thumaan a, a maan nasep a seam le, a tate sia hampha uh hi.
8
Kumpipa in thukhenna ah to a, a sia a mu ciang khentel hi.
9
Khat pawpo in ama thinsung thiangtho a, mawna taw kipeal zo ing a ci thei takpi tu ziam?
10
Topa in a maan ngawl khaikhin toaisuangte le vanh teena a zangh mihingte ensan hi.
11
Patangnote zongh amate ii sep le vawt taw amate sia bang ziam ci in lak hi; amate thumaan ziam, pha ziam na son thei tu hi.
12
Topa in khuamu thei natu mittangte le khua zaak thei natu bilte hong pia hi.
13
Na hunte mumutna in na zangh le na zawng tu hi; komla in, tua hile neak tu tam mama na nei tu hi.
14
Vanh lei thei khat in a manham lei hi ci in phun a, tua zawkciang a man a nee zawkna sia kiphatsak pui hi.
15
Na son sia bang ziam ci in na he le, khamh le suangmanpha te sangin a manpha zaw na khat a nei na hi hi.
16
Khualmi khat ii leiba teng losak tu in kamciam a pia mi mawmaw khat sia ama ii neisate laaksakin a lo dong vaukhamna in koisak khol kul hi.
17
Thumaan ngawlna taw na nga nate sia an limbel neak bangin diksa tha tu ni hi, ahihang hai ngawlin hun khat ciang, tuate in kamdim senvui baak bang hi tu hi.
18
Ngaisut piakna pha saang in, zawna na nga tu hi; ngealna om ngawlin ngalsim thawthong heak in.
19
Ngualngen khat in thuku a keam thei ngei buatu hi. Mihing a kam tamleite kung pan kikeam in.
20
Na nu le na pa na tomlaw le na nuntakna sia khuazing sungah meiinn mit bangin bo tu hi.
21
Hauna ol vaial in na nga le nang atu pha ngawl vaial tu hi.
22
Ngual ii nang tungah hong khialnate thuk kik tu in ngaisun heak in. Topa muang in, ama in a maanin seam tu hi.
23
Topa in a maan ngawl khaikhin le toaisuang a zangh mihingte ensan hi.
24
Topa in ih tot tu lampi khensat zo hi; tua ahile bangbangin khat pawpo in ama nuntakna ii zotna sang a tel thei tu ziam?
25
Pathian tungah piak tu kamciam na vawt ma in, pha tak ngaisun phot in. A zawkciang khuangai tha tu ni hi.
26
A ciim kumpipa khat in akua in a maan ngawl seam ziam ci in he tu a, tua pa hesuak ngawlin daan pia tu hi.
27
Topa in khua ngaisut theina le a pha a sia heak theina hong pia hi; eima le eima ih kiphualseal zo bua hi.
28
Kumpipa khat in thumaan, thukhaikim le a kilawm bangin a uk laiteng a vaangletna kip tu hi.
29
Khangnote ii thahatna thupi ih sa a, khanghaamte puakkaang ih zakta hi.
30
Khat vevei thuakna haksa khat in, ih nuntakzia hong khealsak hi.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31