bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin TBR17 (Tedim Bible Revision 2017)
/
Leviticus 7
Leviticus 7
Chin TBR17 (Tedim Bible Revision 2017)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
1
“Mawhna hanga biakna ngeina, a siangtho pen hih bang ahi hi.
2
Amaute in meihal biakna a gawhna mun uh ah mawhna hanga biakna go ding uh a, biakna tau kimkot ah a si kitheh ding hi.
3
Tua ciangin a thau khempeuh, a meithau, a gilpi tuam a thau,
4
a kawnga om a kal nihte a thau tawh, a kalte tawh a lakkhiat khop ding ahi a sintuamte kipia ding hi.
5
Topaʼ tungah meihal biakna-in siampipa in biakna tau tungah hal dinga, tua pen mawhna hanga biakna ahi hi.
6
Siampite lakah pasal peuhmah in a siangtho mun khat ah ne thei ding uh hi; tua in a siangtho pen ahi hi.
7
“Mawhna hanga biakna pen khialhna hanga biakna tawh kibang a, tuate ading a ngeina a kibang hi dinga, kilemna a bawlsak siampipa in tua biakna sa ngah ding hi.
8
Mi khatpeuhʼ meihal biakna a piaksak siampipa in ama piaksak tua meihal biakna a vun ngah ding hi.
9
Mei bung sunga a ki-em an tawh biakna peuhmah leh sikbeel daii ahi a, beelpei tungah ahi zongin a kibawl khempeuhte, a pia siampipa in ngah ding hi.
10
An tawh biakna khempeuh, sathau a kihel hitaleh a kihel lo hitaleh, Aaronʼ suan khempeuh in a kikimin hawm ding uh hi.
11
“Mi khatpeuh in Topaʼ tungah a piak theih ding, thunuam a biakna ngeina hih bang ahi hi.
12
Amah in lungdam kohna-in a piak leh, silngo sawh loh sathau tawh a kihel moh, silngo sawh loh mohpheng sathau tawh a kizut, annel moh sathau limtakin a kihelte, lungdam biakna tawh pia khawm ding hi.
13
Amah in lungdam koh nadingin thunuam a ama biakpiakna tawh silngo kisawh anlum mohte ama biakna-in paipih khawm ding hi.
14
Amah in Topa biak nadingin tua biakna sung panin moh khat ciat pia ding a, thunuam a biakna si a theh siampipa in tua moh ngah ding hi.
15
Lungdam kohna-in thunuam a ama biakpiakna a sa pen a piak ni-in kine dinga, a zingsang dong bangmah kisit lo ding hi.
16
“Ahih hangin ama biakpiakna pen thuciamna hanga biakpiakna ahi a, utthu-a biakpiakna ahi zongin ahihleh, amah in a biakpiakna a piak ni-in kine dinga, a om lai teng a zing ciangin kine ding hi.
17
Ahih hangin a ni thum ni-in biakpiakna sa a om lai teng mei tawh kihal ding hi.
18
A ni thum ni-in thunuam a ama biakpiakna sa khat peuhpeuh a kinek leh, tua biakpiakna a pia pa kisang lo dinga, tua pen ama aʼ in zong kiciamteh lo ding hi. Tua sa a nin hi dinga, a ne pa in ama mawhna pua ding hi.
19
“A nin na khat peuhpeuh tawh a kisawh kha sa kine lo dinga, mei tawh kihal ding hi. Ahi zongin a siang mi khempeuh in a sa ne thei ding uh hi.
20
A nin hi napi-in thunuam a Topaʼ tungah biakpiakna sa a ne pa ama mipihteʼ lak panin kihawl khia ding hi.
21
Mi khatpeuh in mihing nin hitaleh ganhing nin hitaleh a kihhuai a nin khat peuhpeuh hitaleh lawng a, tua khit ciangin thunuam a Topaʼ tungah biakpiakna sa a nek leh, ama mipihteʼ lak panin tua mipa kihawl khia ding hi,” a ci hi.
22
Topa in Moses kiangah,
23
“Israel mite tungah hih bangin gen in: Note in bawngtal ahi a, tuu ahi a, keel ahi zongin a thau na ne kei ding uh hi.
24
A mawk sih ganhing thau leh gamsate in a bal gawp ganhing thaute, na dangin kizang thei dinga, ahih hangin bangbang hileh na ne kei ding uh hi.
25
Bang hang hiam cih leh Topaʼ tungah mei tawh kihal biakna ganhing thau a ne mi peuhmah ama mipihteʼ lak panin kihawl khia ding hi.
26
Tua tham loin note in na teenna uh mun khat peuhpeuh ah vasa sisan hitaleh ganhing sisan hitaleh si peuhmah na ne kei ding uh hi.
27
Si khat peuhpeuh a ne mi peuhmah ama mipihteʼ lak panin kihawl khia ding hi,” a ci hi.
28
Topa in Moses kiangah,
29
“Israel mite tungah hih bangin gen in: Topaʼ tungah thunuam a ama biakpiakna a pia pa in Topaʼ kiangah ama biakna paipih ding hi. Thunuam a ama biakpiakna panin
30
amah in Topaʼ tungah meihal biakna a khutin paipih ding hi. Topaʼ mai ah vei-a biak nadingin a iik a kivei theih nadingin amah in a thau a iik tawh paipih ding hi.
31
Siampipa in biakna tau tungah a thau hal dinga, ahih hangin a iik pen Aaron le a suante ading hi ding hi.
32
Thunuam a na biakpiakna panin biakna-in siampipa tungah a taklam phei na pia ding uh hi.
33
Aaronʼ suante sung panin thunuam a biakna si le a thau a pia pa in a taklam phei a ngah ding ahi hi.
34
Bang hang hiam cih leh a kivei a iik le a kipia a phei pen keimah in Israel miteʼ tung panin thunuam a amauʼ biakpiakna sung panin la khia-in, Israel miteʼ tung panin a tawntungin a ngah dingun siampi Aaron le a suanteʼ tungah ka pia khinzo hi.
35
Hih pen, Topaʼ siampi na a sem dingin amaute a kipiak ni-in, Topaʼ tungah meihal biakna sung panin amauʼ tungah a kipia, Aaron leh a suanteʼ tanh ahi hi.
36
Israel mite in amaute tungah a piak nadingin amaute sathau a kinilh ni-in Topa in hih thu pia a, tua pen a khang tawntungun amauʼ kaih ahi hi,” a ci hi.
37
Hihte pen amauʼ biaknate Topaʼ tungah a piak nadingun amah in Israel mite Sinai sehnel gamah a thupiak ni-in Topa in Sinai Mual tungah Moses a thupiak, meihal biakna, an tawh biakna, khialhna hanga biakna, mawhna hanga biakna, ki-apna le thunuam a biakna ngeina ahi hi.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27