Leviticus 9

Chin TBR17 (Tedim Bible Revision 2017)

← Chapter 8 Jump to: Chapter 10 →

1A ni giat ni-in Moses in Aaron le a tapate le Israel upate a sam hi.

2Amah in Aaronʼ kiangah, “Khialhna hanga biak nadingin bawng pa no khat le meihal biak nadingin tuutal khat, a nih tuakin a sitbaang lo, la inla, Topaʼ mai ah tuate pia in.

3Israel mite kiangah, ‘Khialhna hanga biak nadingin keel a pa khat le meihal biak nadingin bawng no khat le tuuno khat, a nih tuakin kum khat pha-in a sitbaang lo,

4le thunuam a biakna-in Topaʼ mai ah piak dingin bawngtal khat le tuutal khat le sathau tawh a kibawl an tawh biakna la un. Bang hang hiam cih leh tu ni-in note tungah Topa hong kilang ding hi,’ ci in,” a ci hi.

5Amaute in zong kikhopna buk mai ah Mosesʼ thupiak teng hong paipih uh a, mihonpite khempeuh a nai ah hong pai-in Topaʼ mai ah ding uh hi.

6Moses in, “Note tungah Topaʼ minthanna vang hong kilat theih nadingin Topa in hih bangin thu hong pia hi,” a cih khit ciangin

7Aaronʼ kiangah, “ Topaʼ thupiak sa bangin biakna tau mai ah pai-in khialhna hanga biakna le meihal biakna pia inla, nangma ading le mite adingin kilemna bawl in. Miteʼ biakna paipih inla, amaute adingin kilemna bawlsak in,” a ci hi.

8Tua ahih ciangin Aaron in biakna tau naihin, ama aʼ mahmah ding ahi khialhna hanga biakna bawng no a go hi.

9Aaronʼ tapate in ama tungah a si pia uh a, amah in a si sungah a khutme diahin biakna tau kite nuh a, biakna tau bulah a si val lai teng a sung khia hi.

10Ahih hangin, Topa in Moses a thupiak bangin khialhna hanga biakna panin a thau le a kalte le a sintuamte biakna tau tungah a hal hi.

11A sa le a vunte ahihleh giahphual pua lamah mei tawh a hal hi.

12Tua ciangin a meihal biakna a go hi. A tapate in ama tungah a si pia uh a, amah in biakna tau tung kimkot ah a theh hi.

13Amaute in meihal biakna ama tungah a nennenin a lutang tawh pia uh a, amah in biakna tau tungah tuate a hal hi.

14Tua ciangin amah in a sungkuate le a khete sawp a, biakna tau tungah meihal biakna tawh tuate a hal khawm hi.

15Tua ciangin a masa-a khialhna hanga biakna mah bangin amah in miteʼ biakna pia-in, mite ading ahi khialhna hanga biakna keel la-in go a, khialhna hanga biak nadingin a pia hi.

16Tua ciangin meihal biakna paipihin ngeina kip om sa bangin a pia hi.

17Amah in zingsang a meihal biakna banah an tawh biakna paipihin, tua sung panin mangbuh bui a khut dim la-in, biakna tau tungah a hal hi.

18Mosesʼ thupiak bangin amah in mite adingin thunuam a biakna bawngtal le tuutal zong a go hi. A tapate in ama kiangah a si paipih uh a, amah in biakna tau kimkot ah theh a,

19bawngtal le tuutal thau, a mei thau, a gilpi tuam, a kalte, a sintuamte

20le a thau, amaute in a iikte tungah koihin, amah in biakna tau tungah a thau a hal hi.

21Ahih hangin Aaron in a iikte le a taklam pheite, Topaʼ mai ah vei-a biakna-in a vei hi.

22Tua ciangin Aaron in miteʼ lamah a khutte laam to-in thupha a piak khit ciangin khialhna hanga biakna le meihal biakna le thunuam a biakna a piakna panin hong pai suk hi.

23Kikhopna buk sungah Moses le Aaron hong tum uh a, hong pusuahkhiat ciangun mite thupha pia a, mi khempeuh tungah Topaʼ minthanna vang hong kilang hi.

24Topaʼ mai panin mei hong piang khia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kun suk uh hi.

← Chapter 8 Jump to: Chapter 10 →