1 Chronicles 18

Dagbani Bible (Naawuni Kundi Kasi)

← Chapter 17 Jump to: Chapter 19 →

1Dimbɔŋɔ nyaaŋa ka Dauda daa ti lan tuhi nyaŋ Filistianima, ka fa Gaat mini di tiŋkpansi zaa Filistianim’ maa sani.

2O daa lan tuhi nyaŋ Mɔabnima, ka bɛ leeg’ o daba, ka yɔri farigu o sani.

3Dauda daa lan tuhi nyaŋ Hadadɛza ŋun daa nyɛ Zɔba naa la, zaŋ labi Hamat polo, o ni daa chaŋ ni o ti zaŋ bini zal’ o Sulinsi tariga Yufretiiz Mɔɣili duli luɣ’ shɛli la.

4Dauda daa gbahila chɛchɛbunsi tuhili mini wɔribariba tusaayopɔin ni tɔbbi’ tinchandiba tuhi’ pisi. O daa yihi chɛchɛbunsi kɔbiga yuri zali, ka chɛ n-chihi wɔr’ shɛb’ bɛn kpalim zaa napɔn’ jila.

5Ka Sirianim’ bɛn be Damaskus daa kana ni bɛ ti sɔŋ Hadadɛza ŋun daa nyɛ Zɔba naa maa, ka Dauda daa ku Sirianim’ maa ninvuɣ’ tuhi’ pisinaayi.

6Di nyaaŋa ka Dauda daa tahi tɔbbihi ti ʒili Damaskus din nyɛ Sirianim’ tiŋ’ la ni. Ka Sirianim’ maa daa leei Dauda daba, ka yɔri farigu o sani. Dauda daa yi kul chaŋ luɣ’ shɛlikam zaa, Yawɛ chɛ ka o dirila nasara.

7Ka Dauda daa fa Hadadɛza tɔbbi’ kpamba salima nyɔtaɣira n-zaŋ li kuli Jɛrusalɛm.

8Ka Dauda daa chaŋ Hadadɛza ni su fɔn shɛŋa din nyɛ Tibihat mini Kun la ni nti va daanya pam nimaani. Dina ka Sulemaana daa zaŋ mali daanya ko’ niŋdi bini la mini daantalisi ni daanya taha la.

9Ka Hamat Naa Tɔi daa wum ni Dauda tuhi nyaŋ Hadadɛza ŋun daa nyɛ Zɔba naa maa min’ o tɔbbihi zaa,

10ka o daa tim o bia Hadɔram Naa Dauda sani ni o ti puh’ o ni o zuɣusuŋ, o ni daa tuhi nyaŋ Hadadɛza maa zuɣu. Dama ŋun’ Tɔi mini Hadadɛza daa kul tuhirila taba waawaayili. Ka Tɔi daa chɛ ka bɛ zaŋ salima mini anzinfa ni daanya ti ti Dauda.

11Ka Naa Dauda daa zaŋ li pah’ o ni daa tuhi nyaŋ zuliya shɛb’ ka fa bɛ salima mini bɛ daanzinfa shɛŋa la zuɣu n-zaŋ li ti Yawɛ. O ni daa fa li tin’ shɛŋa nim’ sani n-nyɛ Ɛdomnim’ mini Mɔabnim’ ni Ammɔnnim’ ni Filistianim’ ni Amalɛknima.

12Ka Abishai ŋun daa nyɛ Zɛruya bia la daa ku Ɛdomnim’ ninvuɣ’ tusaanii Yalim Vinvamli ni.

13O daa tahi tɔbbihi ti ʒili Ɛdom, ka Ɛdomnim’ zaa daa leei Dauda ni su shɛba. Dauda daa yi chaŋ luɣ’ shɛlikam zaa Yawɛ chɛ ka o dirila nasara.

14Dauda ni daa su Izraɛlnim’ zaa shɛm m-bala. O daa zaŋla yɛlimaŋli mini nimmaŋtali gbibi sokam zaa.

15Jɔab ŋun daa nyɛ Zɛruya bia la n-daa su tɔbbihi Fukumsi, ka Jɛhɔshafat Ahilud bia la daa nyɛ ŋun sabiri gbana sɔŋda.

16Ka Ahitub bia Zadok mini Abiata bia Ahimɛlɛk daa nyɛ maligumaaniba, ka Shavisha daa nyɛ gbaŋŋmara.

17Ka Jɛhɔiada bia Bɛnaaya mi daa su tɔbbi’ shɛb’ bɛ ni daa booni Chɛrɛtinim’ mini Pɛlɛtinim’ la fukumsi. Ka Dauda bidibisi daa nyɛ nayili tuma kpamba.

← Chapter 17 Jump to: Chapter 19 →

Recommended Reading

Commentary 1 Chronicles Commentaries → Devotional 1 Chronicles Devotional Guide → Get This Bible Dagbani Bible (Naawuni Kundi Kasi) Study Bible →