1 Chronicles 8

Dagbani Bible (Naawuni Kundi Kasi)

← Chapter 7 Jump to: Chapter 9 →

1Bɛnjamin bihi n-daa nyɛ: Bɛla ŋun daa nyɛ o bituuli la mini Ashibɛl ŋun daa pa o zuɣu ni Ahara ŋun daa pah’ ata

2ni Nɔha ŋun daa pah’ anahi ni Rafa ŋun daa pah’ anu la.

3Bɛla bidibisi daa nyɛla: Adda mini Gɛra ni Abihud

4ni Abishua ni Naaman ni Ahɔa

5ni Gɛra ni Shɛfufan ni Huram.

6Bɛmbɔŋɔnima n-daa nyɛ Ɛhud bidibisi, (bɛ daa nyɛla bɛ daŋ ni dɔɣirikpamba m-be Gɛba tiŋgban’ ni, ka bɛ daa ti gbahi ba kuli Manahat)

7bɛna n-daa nyɛ: Naaman mini Ahija ni Gɛra ŋun daa nyɛ Yuza mini Ahihud ba la.

8Shaharaim daa dɔɣi bidibisi Mɔabnim’ tiŋgbɔŋ ni, o ni daa kar’ o paɣiba bɛn yuya daa booni Hushim mini Baara la nyaaŋa.

9O paɣ’ ŋun yuli daa booni Hɔdɛsh la daa dɔɣi bidibisi, bɛna n-daa nyɛ: Jɔbab mini Zibia ni Mɛsha ni Malikam

10ni Jɛuz ni Sakia ni Mirima. Bɛmbɔŋɔ n-daa nyɛ o bidibisi ka daa nyɛ bɛ daŋ ni dɔɣirikpamba.

11O paɣ’ so ŋun yuli daa booni Hushim la gba daa dɔɣi bidibisi, bɛna n-daa nyɛ: Abitub mini Ɛlipaal.

12Ɛlipaal bidibisi n-daa nyɛ: Ɛba mini Misham ni Shɛmɛd ŋun daa me Ono mini Lɔd ni di tiŋkpansi la.

13Bɛraya mini Shɛma (daa nyɛla bɛ daŋ ni dɔɣirikpamba bɛn daa ʒi Aijalɔn, ka daa nyɛ bɛn ŋme n-kari Gaatinim’ la)

14ni Ahio ni Shashak ni Jɛrɛmɔt.

15Zɛbadia mini Arad ni Ɛda

16ni Maikil ni Ishipa ni Jɔha daa nyɛla Bɛraya bidibisi.

17Zɛbadia mini Mɛshulam ni Hiziki ni Hɛbɛr

18ni Ishimɛrai ni Izilia ni Jɔbab daa nyɛla Ɛlipaal bidibisi.

19Jakim mini Zikiri ni Zabidi

20ni Ɛliɛnai ni Zilɛtai ni Ɛliɛl

21ni Adaya ni Bɛraya ni Shimirat daa nyɛla Shimɛi bidibisi.

22Ka Ishipan mini Ɛba ni Ɛliɛl

23ni Abidɔn ni Zikiri ni Hanan

24ni Hanania ni Ɛlam ni Antɔtija

25ni Ifidɛya ni Pɛnuɛl mi daa nyɛ Shashak bidibisi.

26Ka Shamshɛrai mini Shɛharia ni Atalia

27ni Jaarɛshia ni Ilaija ni Zikiri mi daa nyɛ Jɛrɔham bidibisi.

28Bɛmbɔŋɔ n-daa nyɛ bɛ dɔɣirikpamba kaman bɛ daŋ maa ni daa nyɛ shɛm. Bɛ daa nyɛla ninvuɣ’ zuɣuri m-be Jɛrusalɛm.

29Jɛiɛl ŋun daa nyɛ Gibiɔn ba la daa bela Gibiɔn, ka o paɣa yuli daa booni Maaka.

30O bituuli yuli n-daa booni Abidɔn, ka bɛn daa dol’ o nyaaŋa n-nyɛ: Zur mini Kish ni Baal ni Nadab,

31ni Gɛdɔr ni Ahio ni Zɛkɛr

32ni Mikilɔt (ŋun daa nyɛ Shimia ba la). Bɛmbɔŋɔnim’ mini bɛ niriba daa ʒini baɣilila bɛ dɔɣim maa Jɛrusalɛm fɔŋ ni.

33Nɛr daa nyɛla Kish ba, ka Kish nyɛ Sool ba. Sool daa nyɛla Jɔnatan mini Malikishua ni Abinadab ni Ɛshibaal ba.

34Jɔnatan bidibiga n-daa nyɛ Mɛribbaal; ka Mɛribbaal daa nyɛ Maika ba.

35Maika bidibisi n-daa nyɛ: Pitɔn mini Mɛlɛk ni Taria ni Ahaz.

36Ahaz daa nyɛla Jɛhɔada ba, ka Jɛhɔada nyɛ Alɛmɛt mini Azimavɛt ni Zimiri ba; Zimiri mi daa nyɛla Mɔza ba;

37Ka Mɔza nyɛ Binia ba; o bihi n-daa nyɛ Rafa mini Ɛliasa ni Azɛl.

38Azɛl daa malila bidibis’ ayɔbu, bɛ yuya m-bɔŋɔ: Azirikam mini Bokɛru ni Ishimail ni Shiaria ni Obadia ni Hanan. Bɛmbɔŋɔ zaa daa nyɛla Azɛl bidibisi.

39Ka o mabia Ɛshɛk mi bidibisi daa nyɛ: Ulam n-daa nyɛ o bituuli, ŋun pah’ ayi n-daa nyɛ Jɛushi, ka Ɛlifɛlɛt mi daa pah’ ata.

40Ulam bidibisi daa nyɛla tɔbutuhiri’ biinsi, ka lan nyɛ peentɔriba ni yɛlimaŋli. O daa mali bidibisi mini yaansi pam. Bɛ kalinli daa nyɛla ninvuɣ’ kɔbiga ni pihinu. Bɛ zaa daa nyɛla Bɛnjamin zuliya niriba.

← Chapter 7 Jump to: Chapter 9 →