1 Chronicles 6

Dagbani Bible (Naawuni Kundi Kasi)

← Chapter 5 Jump to: Chapter 7 →

1Lɛvi bidibisi n-daa nyɛ: Gɛrishom mini Kɔhat ni Mɛrari.

2Kɔhat bidibisi n-daa nyɛ: Amiram mini Izar ni Hɛburɔn ni Uziɛl.

3Amiram bihi n-daa nyɛ: Aduna mini Musa ni Miriam. Aduna bidibisi n-daa nyɛ: Nadab mini Abihu ni Ɛliɛza ni Itama.

4Ɛliɛza daa nyɛla Finɛhas ba, ka Finɛhas nyɛ Abishua ba,

5ka Abishua nyɛ Buki ba, ka Buki nyɛ Uzi ba,

6ka Uzi nyɛ Zɛrahia ba, ka Zɛrahia nyɛ Mɛrayɔt ba,

7ka Mɛrayɔt nyɛ Amaria ba, ka Amaria nyɛ Ahitub ba,

8ka Ahitub nyɛ Zadok ba, ka Zadok nyɛ Ahimaaz ba,

9ka Ahimaaz nyɛ Azaria ba, ka Azaria nyɛ Jɔhanan ba,

10ka Jɔhanan nyɛ Azaria ba. Azaria maa n-daa nyɛ maligumaana m-be Sulemaana ni daa me Naawuni jɛmbu du’ shɛli din daa be Jɛrusalɛm la puuni.

11Azaria daa nyɛla Amaria ba, ka Amaria nyɛ Ahitub ba,

12ka Ahitub nyɛ Zadok ba, ka Zadok nyɛ Shallum ba,

13ka Shallum nyɛ Hilikia ba, ka Hilikia nyɛ Azaria ba,

14ka Azaria nyɛ Sɛraya ba, ka Sɛraya nyɛ Jɛhɔzadak ba.

15Jɛhɔzadak ka bɛ daa gbaai chaŋ tinzun tiŋa saha shɛli Naawuni ni daa zaŋ Judanim’ mini Jɛrusalɛmnim’ niŋ Nɛbukadnɛza nuu ni ka o gbahi ba chaŋ la.

16Lɛvi bidibisi n-daa nyɛ: Gɛrishom mini Kɔhat ni Mɛrari.

17Gɛrishom bidibisi n-daa nyɛ: Libini mini Shimɛi.

18Kɔhat bidibisi n-daa nyɛ: Amiram mini Izar ni Hiburɔn ni Uziɛl.

19Mɛrari bidibisi n-daa nyɛ: Mahili mini Mushi. Lɛvi zuliya ni niriba m-bala kaman bɛ yaannim’ ni daa nyɛ shɛm.

20Gɛrishom bidibisi n-daa nyɛ: Libini mini Jahat ni Zimma

21ni Jɔa ni Iddo ni Zɛra ni Jiatɛrai.

22Kɔhat bidibisi n-daa nyɛ: Aminadab mini Kɔra ni Asir

23ni Ɛlikana ni Ɛbiasaf ni Asir ni

24Tahat ni Uriɛl ni Uzia ni Shaul.

25Ɛlikana bidibisi n-daa nyɛ Amasai mini Ahimɔt

26ni Ɛlikana ni Zɔfai ni Nahat

27ni Ɛliab ni Jɛrɔham ni Ɛlikana.

28Samuɛl bidibisi n-daa nyɛ: Joɛl ŋun daa nyɛ o bituuli la mini Abija ŋun daa pa o zuɣu.

29Mɛrari bidibisi n-daa nyɛ: Mahili mini Libini ni Shimɛi ni Yuza

30ni Shimia ni Hagia ni Asaaya.

31Dauda ni daa zaŋ ninvuɣ’ shɛb’ zali ni bɛ su Yawɛ jɛmbu duu jɛma yila fukumsi bɛ ni daa zaŋ Alikauli Adaka la labisina la nyaaŋa m-bɔŋɔ.

32Bɛ daa yi bela Naawuni biɛhigu shee tooni Yawɛ chirigibu shee suɣili la ni n-yiini yila hal ka Sulemaana daa ti naanyi me Yawɛ jɛmbu duu Jɛrusalɛm la. Bɛ daa kul tumdila bɛ tuma maa n-doli di soli ni nyɛ shɛm.

33Bɛn daa tumdi di tuma maa mini bɛ bidibisi yuya m-bɔŋɔ: Kɔhat daŋ ni niriba n-daa nyɛ: Hɛman ŋun daa nyɛ yiliyiina, ka nyɛ Joɛl bia la, Joɛl daa nyɛla Samuɛl bia,

34ka Samuɛl nyɛ Ɛlikana bia, ka Ɛlikana nyɛ Jɛrɔham bia, ka Jɛrɔham nyɛ Ɛliɛl bia, ka Ɛliɛl nyɛ Tɔa bia,

35ka Tɔa nyɛ Zuf bia, ka Zuf nyɛ Ɛlikana bia, ka Ɛlikana nyɛ Mahat bia, ka Mahat nyɛ Amasai bia,

36ka Amasai nyɛ Ɛlikana bia, ka Ɛlikana nyɛ Joɛl bia, ka Joɛl nyɛ Azaria bia, ka Azaria nyɛ Zɛfania bia,

37ka Zɛfania nyɛ Tahat bia, ka Tahat nyɛ Asir bia, ka Asir nyɛ Ɛbiasaf bia, ka Ɛbiasaf nyɛ Kɔra bia,

38ka Kɔra nyɛ Izar bia, ka Izar nyɛ Kɔhat bia, ka Kɔhat nyɛ Lɛvi bia, ka Lɛvi mi daa nyɛ Izraɛl bia.

39Lɛvi mabia Asaf ŋun daa be o nudirigu polo jɛmbu duu maa ni la daa nyɛla Bɛrɛkia bia, ka Bɛrɛkia nyɛ Shimia bia,

40ka Shimia nyɛ Maikil bia, ka Maikil nyɛ Baasɛya bia, ka Baasɛya nyɛ Malikija bia,

41ka Malikija nyɛ Ɛtini bia, ka Ɛtini nyɛ Zɛra bia, ka Zɛra nyɛ Adaya bia,

42ka Adaya nyɛ Ɛtan bia, ka Ɛtan nyɛ Zimma bia, ka Zimma nyɛ Shimɛi bia,

43ka Shimɛi nyɛ Jahat bia, ka Jahat nyɛ Gɛrishom bia, ka Gɛrishom mi nyɛ Lɛvi bia.

44Bɛn daa be o nuzaa polo n-daa nyɛ bɛ mabihi bɛn daa nyɛ Mɛrari bidibisi la, Ɛtan daa nyɛla Kish bia, ka Kish nyɛ Abidi bia, ka Abidi nyɛ Maluk bia.

45Ka Maluk daa nyɛ Hashabia bia, ka Hashabia nyɛ Amazia bia, ka Amazia nyɛ Hilikia bia,

46ka Hilikia nyɛ Amizi bia, ka Amizi nyɛ Bani bia, ka Bani nyɛ Shɛmɛr bia,

47ka Shɛmɛr nyɛ Mahili bia, ka Mahili nyɛ Mushi bia, ka Mushi nyɛ Mɛrari bia, ka Mɛrari mi nyɛ Lɛvi bia.

48Bɛ mabihi bɛn daa nyɛ Lɛvinim’ la n-daa su Naawuni jɛmbu duu puuni tuun’ shɛŋa din pahi fukumsi.

49Amaa Aduna min’ o bihi n-daa yi zaŋdi bɛ ni mali sara shɛŋa nyɔri buɣim la maani sara, sara maligu bimbini zuɣu, ka tuɣindi tulaale zim bimbini maa zuɣu, ka lan tumdi luɣ’ kasi shee tuma zaa. Bɛna n-daa lan maani alahichi sanyoo sara maligu n-tiri Izraɛlnim’ kaman Naawuni dabili Musa ni daa zali shɛm zaa.

50Aduna bidibisi n-daa nyɛ: Ɛliɛza mini Finɛhas ni Abishua

51ni Buki ni Uzi ni Zɛrahia

52ni Mɛrayɔt ni Amaria ni Ahitub

53ni Zadok ni Ahimaaz

54Bɛ ni daa ʒi luɣ’ shɛŋa kaman bɛ ni daa ŋmahi tiŋgbani maa tari ba shɛm m-bɔŋɔ: Aduna bidibisi bɛn daa nyɛ Kɔhat daŋ niriba la n-daa daŋ tiŋgbani deebu.

55Bɛ daa zaŋla Hiburɔn din be Juda tiŋgban’ ni mini di momaha tiŋgbana din gil’ li la ti ba,

56ka daa zaŋ fɔŋ maa puri mini di tiŋkpansi zaa ti Kalɛb ŋun daa nyɛ Jɛfune bia la.

57Bɛ daa zaŋla tin’ shɛŋa din nyɛ sɔɣisili shee tinsi la ti Aduna bidibisi. Dina n-daa nyɛ: Hiburɔn mini Libina zaŋ tabili di momaha tiŋgbana ni Jatir ni Ɛshitɛmɔa zaŋ tabili di momaha tiŋgbana

58ni Hilɛn mini di momaha tiŋgbani ni Dɛbir mini di momaha tiŋgbana

59ni Ashan mini di momaha tiŋgbana ni Bɛtishɛmɛshi mini di momaha tiŋgbana.

60Bɛnjamin zuliya tiŋgban’ ni, bɛ daa zaŋla Gɛba mini di momaha tiŋgbana ni Alɛmɛt mini di momaha tiŋgbana ni Anatɔt mini di momaha tiŋgbana ti ba. Bɛ ni daa su tin’ shɛŋa bɛ daŋ maa zaa ni daa nyɛla tinsi pinaata.

61Ka bɛ daa to tɛte, ka Kɔhat daŋ niriba bɛn kpalim la di, ka bɛ daa zaŋ Manaasa zuliya pirigili tiŋgbani ti bɛ zuliya maa pirigili kaman daŋ kam ni yɛn deei shɛm, bɛ daa zaŋla fɔntinsi pia ti ba.

62Ka bɛ daa yihi tinsi pinaata Isaka zuliya mini Asha zuliya ni Naftali zuliya ni Manaasa zuliya bɛn be Bashan la tiŋgbana ni n-zaŋ tari Gɛrishomnima kaman bɛ daŋ niriba ni nyɛ shɛm.

63Bɛ daa yihila tinsi pinaayi Rubin zuliya mini Gaad zuliya ni Zɛbulɔn zuliya tiŋgbana ni ti Mɛrari daŋ niriba kaman bɛ daŋ maa niriba ni nyɛ shɛm.

64Lala ka Izraɛlnim’ daa piripiri tinsi maa ni di momaha tiŋgbana maa tari Lɛvinima.

65Bɛ daa lan pihi kuɣa sɔŋ lihi nya ka yihi Juda zuliya mini Simiɔn zuliya ni Bɛnjamin zuliya tiŋgbana ni ti ni boli tin’ shɛŋa yuya ŋɔ tinsi shɛŋa ti ba.

66Ka bɛ daa zaŋ Ifriim zuliya tiŋgban’ ni tin’ shɛŋa ti Kɔhat daŋ ni ninvuɣ’ shɛba.

67Bɛ daa zaŋla nir’ ni daa yi zɔri kuni tin’ shɛŋa ni tiligiri la ti ba. Shɛkɛm din be zoya ni la mini Gɛza ni di momaha tiŋgbana ka bɛ daa zaŋ ti ba.

68Ka bɛ daa lan zaŋ Jokimiam mini Bɛtihɔrɔn ni di momaha tiŋgbana

69ni Aijalɔn ni Gatirimɔn ni di momaha tiŋgbana zaa ti ba.

70Ka bɛ daa lan zaŋ Manaasa zuliya pirigili tiŋgban’ ni tin’ shɛŋa din yuya booni Anɛr mini Biliam ni di momaha tiŋgbana zaa ti Kɔhat ninvuɣ’ shɛb’ bɛn daa kpalim la mi.

71Gɛrishomnim’ mi, bɛ daa zaŋla Manaasa zuliya pirigili tiŋgban’ ni tin’ shɛŋa ti ba. Bɛ daa zaŋla Golan din be Bashan la mini Ashitarɔt ni di momaha tiŋgbana zaa ti ba.

72Ka bɛ daa lan zaŋ Kɛdɛshi mini Dabɛrat ni di momaha tiŋgbana zaa

73nti pahi Ramɔt mini Anɛm ni di momaha tiŋgbana zaa din be Isaka tiŋgban’ ni la ti ba.

74Asha tiŋgban’ ni mi, bɛ daa yihila Mashal mini Abidɔn ni di momaha tiŋgbana

75ni Hukok mini Rɛhɔb ni di momaha tiŋgbana ti ba.

76Naftali tiŋgban’ ni bɛ daa yihila Kɛdɛshi din be Galili la mini Hamɔn ni Kiriataim ni di momaha tiŋgbana zaa ti ba.

77Mɛrari daŋ ninvuɣ’ shɛb’ bɛn daa kpalim, bɛ daa zaŋla Zɛbulɔn tiŋgban’ ni tinsi kaman Rimɔno mini Tabo ni di momaha tiŋgbana zaa ti ba

78Bɛ daa lan zaŋ Jɔɔdɛn tooni tin’ shɛli din yuli booni Jɛriko, ka di be Jɔɔdɛn Mɔɣili duli wulimpuhili polo ka be Rubin zuliya tiŋgban’ ni la tinsi din yuya daa booni Bɛza ka di be tiŋgban’ pasi ni la mini Jaaza ni di momaha tiŋgbana zaa ti ba.

79Bɛ daa lan zaŋ Kɛdɛmɔt mini Mɛfaat ni di momaha tiŋgbana zaa ti ba.

80Gaad zuliya tiŋgban’ ni, bɛ ni daa yihi tin’ shɛŋa mini di momaha tiŋgbana ti ba n-daa nyɛ Ramɔt din daa be Giliad la mini Mahanaim ni di momaha tiŋgbana

81ni Hɛshibɔn ni Jaza zaŋ tabili di momaha tiŋgbana zaa.

← Chapter 5 Jump to: Chapter 7 →

Recommended Reading

Commentary 1 Chronicles Commentaries → Devotional 1 Chronicles Devotional Guide → Get This Bible Dagbani Bible (Naawuni Kundi Kasi) Study Bible →