1 Chronicles 25

Dagbani Bible (Naawuni Kundi Kasi)

← Chapter 24 Jump to: Chapter 26 →

1Ka Dauda mini sapashin’ kpamba daa pii Asaf mini Hɛman ni Jɛdutun bidibisi ni shɛba ni bɛ zaŋdi mɔɣilɔnim’ mini goonjɛnim’ ni guŋgombihi din mali chaɣisa ŋ-ŋmɛri ka yiini anabitali yila. Bɛn daa tum tuma maa kalinli mini bɛ tuma n-daa bɔŋɔ.

2Asaf bidibisi bɛn daa be o sani ka o wuhiri ba bɛ ni yɛn niŋ shɛm n-daa nyɛ: Zakur mini Yisifu ni Nɛtania ni Asharɛla. Naa n-daa wuhiri ba luɣ’ shɛŋa ni saha shɛli di ni simdi ni bɛ tɔɣisiri anabitali yɛtɔɣa.

3Jɛdutun bidibisi ayɔbu bɛn daa be o sani ka o wuhiri ba di ni simdi ni bɛ niŋ shɛm n-daa nyɛ Gɛdalia mini Zɛri ni Jɛshaya ni Shimɛi ni Hashabia ni Matitia; bɛna n-daa mali mɔɣilɔnim’ ŋmɛri ka tɔɣisiri anabitali yɛtɔɣa, ka lan paɣiri ka tibigiri Yawɛ kaman bɛ ba Jɛdutun ni daa wuhi ba shɛm la.

4Hɛman bidibisi bɛn daa be o sani n-daa nyɛ: Bukia mini Matania ni Uziɛl ni Shɛbuɛl ni Jɛrimɔt ni Hanania ni Hanani ni Ɛliata ni Gidalit ni Romamtiɛza ni Jɔshibɛkasha ni Mallɔti ni Hɔtir ni Mahaziɔt.

5Bɛmbɔŋɔnim’ zaa daa nyɛla Hɛman ŋun daa nyɛ naa daanab’ maa bidibisi, ka di daa doli Naawuni ni daa lo o alikauli ni o ni tibig’ o la. Dama Naawuni daa ti o la bidibisi pinaanahi ni bipuɣins’ ata.

6Bɛ ba n-daa wuhiri bɛ zaa bɛ ni yɛn ŋmɛri Yawɛ jɛmbu duu biŋkumda din daa nyɛ: guŋgombihi din mali chaɣisanim’ mini mɔɣilɔnim’ ni goonjɛnima Naawuni jɛmbu duu maa ni shɛm. Naa n-daa wuhiri Asaf mini Jɛdutun ni Hɛman bɛ ni yɛn niŋ shɛm.

7Bɛmbɔŋɔnim’ mini bɛ mabihi bɛn daa bɔhim Yawɛ jɛmbu yila, ka mi li yilibu viɛnyɛliŋga kalinli daa nyɛla niriba kɔbisiyi ni pihiwɛiayika.

8Ka bɛ daa pihi kuɣa sɔŋ ni bɛ lihi nya sokam talahi tuma ni yɛn nyɛ shɛm, ninkura mini bihi ni karimbanim’ ni karimbihi zaa.

9Bɛ ni daa pihi kuɣa sɔŋ lihi nya maa, tuuli dini daa gbaala Asaf yiŋ’ Yisifu, ka din pah’ ayi daa gbaai Gɛdalia min’ o mabihi ni o bidibisi. Bɛ daa nyɛla ninvuɣ’ pinaayi.

10Ka din pah’ ata gbaai Zakur min’ o bidibisi ni o mabihi. Bɛ daa nyɛla ninvuɣ’ pinaayi.

11Ka din pah’ anahi gbaai Iziri min’ o bidibisi ni o mabihi. Bɛ daa nyɛla ninvuɣ’ pinaayi.

12Ka din pah’ anu gbaai Nɛtania min’ o bidibisi ni o mabihi. Bɛ daa nyɛla ninvuɣ’ pinaayi.

13Ka din pah’ ayɔbu gbaai Bukia min’ o bidibisi ni o mabihi. Bɛ daa nyɛla ninvuɣ’ pinaayi.

14Ka din pah’ ayopɔin daa gbaai Jɛsarɛla min’ o bidibisi ni o mabihi. Bɛ daa nyɛla ninvuɣ’ pinaayi;

15ka din pahi anii gbaai Jɛshaya min’ o bidibisi ni o mabihi. Bɛ daa nyɛla ninvuɣ’ pinaayi.

16Ka din pah’ awɛi daa gbaai Matania min’ o bidibisi ni o mabihi. Bɛ daa nyɛla ninvuɣ’ pinaayi.

17Ka din pahi pia gbaai Shimɛi min’ o bidibisi ni o mabihi. Bɛ daa nyɛla ninvuɣ’ pinaayi.

18Ka din pahi piniyini daa gbaai Azarɛl min’ o bidibisi ni o mabihi. Bɛ daa nyɛla ninvuɣ’ pinaayi

19ka din pahi pinaayi daa gbaai Hashabia min’ o bidibisi ni o mabihi. Bɛ daa nyɛla ninvuɣ’ pinaayi

20ka din pahi pinaata daa gbaai Shubaɛl min’ o bidibisi ni o mabihi. Bɛ daa nyɛla ninvuɣ’ pinaayi.

21Ka din pahi pinaanahi daa gbaai Matitia min’ o bidibisi ni o mabihi. Bɛ daa nyɛla ninvuɣ’ pinaayi.

22Ka din pahi pinaanu daa gbaai Jɛrɛmɔt min’ o bidibisi ni o mabihi. Bɛ daa nyɛla ninvuɣ’ pinaayi.

23Ka din pahi pinaayɔbu daa gbaai Hanania min’ o bidibisi ni o mabihi. Bɛ daa nyɛla ninvuɣ’ pinaayi.

24Ka din pahi pinaayopɔin daa gbaai Jɔshibɛkasha min’ o bidibisi ni o mabihi. Bɛ daa nyɛla ninvuɣ’ pinaayi

25ka din pahi pisaayika daa gbaai Hanani min’ o bidibisi ni o mabihi. Bɛ daa nyɛla ninvuɣ’ pinaayi,

26ka din pahi pisiyinika daa gbaai Mallɔti min’ o bidibisi ni o mabihi. Bɛ daa nyɛla ninvuɣ’ pinaayi,

27ka din pahi pisi daa gbaai Ɛliata min’ o bidibisi ni o mabihi. Bɛ daa nyɛla ninvuɣ’ pinaayi,

28ka din pahi pisiniyini daa gbaai Hɔtir min’ o bidibisi ni o mabihi. Bɛ daa nyɛla ninvuɣ’ pinaayi,

29ka din pahi pisinaayi daa gbaai Gidalit min’ o bidibisi ni o mabihi. Bɛ daa nyɛla ninvuɣ’ pinaayi,

30ka din pahi pisinaata daa gbaai Mahaziɔt min’ o bidibisi ni o Mabihi. Bɛ daa nyɛla ninvuɣ’ pinaayi.

31Ka din pahi pisinaanahi mi daa gbaai Romamtiɛza min’ o bidibisi ni o mabihi. Bɛ gba daa nyɛla ninvuɣ’ pinaayi.

← Chapter 24 Jump to: Chapter 26 →