Zechariah 7

Irish 1817 (An Bíobla Naomhtha 1817 (Bedell))

← Chapter 6 Jump to: Chapter 8 →

1Agus tárla annsa cceanthramhadh blíadhain do rígh Dhárius, go ttáinic bríathar an TIGHEARNA go Sechariah annsa ceathramhadh lá don náomhadh mí, eadhon a Cchisleu;

2A nuáir do chuireadar go tigh Dé Sereser agus Regem‐melech, agus a ndaóine, do ghuidhe a lathair an TIGHEARNA,

3Agus do labhairt ris na sagartaibh noch do bhí a ttigh THIGHEARNA na slógh, agus ris na fáighibh, ag rádh, Nar chóir dhamhsa gul da dhéanamh annsa chuigeadh mí, dom dhealuighadh féin, mar do rinne mé an móran blíadhansa?

4¶ Ann sin tháinic briathar THIGHEARNA na slógh cugamsa, ag rádh,

5Labhair ré huile phobal na tíre, agus ris na sagartaibh, ag rádh, A nuáir do throisgeabhair agus do chaóidheabhair annsa chúigeadh agus annsa seachdmhadh mí, eadhon air feadh na seachtmhoghad blíadhansin, a ndéarnabhair éantroscadh ar bioth dhumhsa, eadhon ar mo shonsa?

6Agus an tan do itheabhair, agus an tan do ibheabhair, nach ar itheabhair agus nach ar ibheabhair air bhur son féin?

7Nach ar chóir dhibh na bríathra déisdeachd noch do fhúagair an TIGHEARNA ris na céadfháighibh, an tan do bhí Ierusalem áitreibhthe agus a sonus, agus a caithreacha na timchioll fa ccuáirt, a nuáir do áitreabhadar daóine annsa deisceart agus annsa réiteach?

8¶ Agus tháinic bríathar an TIGHEARNA go Sechariah, ag rádh,

9Is marso labhrus TIGHEARNA na slógh, ag rádh, Déanuigh breitheamhnus ceart, agus foillsighidh trócaire agus truáighe gach áon dá dhearbhráthair:

10Agus ná brúighidh an bhaintreabhthach, nó an dílleachda, an cóimhightheach, nó an bocht; agus ná smuáineadh aóinneach agaibh olc ann bhur ccroidhe a naghaidh a dhearbhrathar.

11Acht do dhíultadar éisdeacht, agus do thairngiodar a slinéun ón ccuing, agus do stopadar a cclúasa, iondus nach ccluinfidís.

12Do rinneadar fós, a ccroidhthe mar chloich adamant, deagla go ccluinfidís an dligheadh, agus na bríathra do chuir TIGHEARNA na slogh iona spioraid leis na fáighibh riomhe: uimesin tháinic fearg mhór ó THIGHEARNA na slógh.

13Ar a nadhbharsin tháinic a ccrích, amhuil do fhúagair sé, agus nar bháill leó éisdeacht; marsin do eighiodarsan, agus níor bháill liomsa cluinnsion, a deir TIGHEARNA na slógh:

14Acht do scanruidh mé íad le gaóith ghuáirdeáin a measg na nuile chineadhach nar bhaithnidh dhóibh. Marso do bhí an tír áonranach na ndiaigh, iondus nach gabhadh duine ar bioth thríthe nó air a ais: dfágbhadar a ndúthaigh thaitneamach na fásach.

← Chapter 6 Jump to: Chapter 8 →