bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Esther 4
Esther 4
Gussi (EBIBILIA ENCHENU) 2020
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
1
Ekero Moredekai atebetigwe amang’ana onsi akorirwe, agatandora chianga chiaye, akeboyia chigunia na kweaka ribu, akagenda ase egati y’omochie okorera neriogi rinene, ore nobororo obonge,
2
agaika ase egeita ki’omoruoti. Tasoete, ekiagera monto onde tarenge gwancherwa asoe ase egeita ekio obegete chigunia.
3
Ase ande onsi ase amang’ana ’ogochika koria kw’omoruoti konya ararigwe, Abayahudi bakaba nekerero ekenene mono; bakaba bakweng’ata, bakorera na kobokia amagombo. Abange babo bakaba beboyetie chigunia na beagete ribu.
4
Ekero abaiseke abasomba b’Esteri na abakoreri b’enyomba yaye bamotebetie amang’ana igoro ya Moredekai, eke agendererete gokora, Esteri agaichana akaba nobororo obonge; agatomera Moredekai chianga ng’a arusie chigunia abeke chianga chiria, korende ere agachiaanga.
5
Erio Esteri akarangeria Hataki, oyo omoruoti achorete koba omokoreri bw’Esteri, akamotoma agende ase Moredekai amoborerie engencho y’amang’ana ayio, naende ninki kiagerire achandegete igo.
6
Hataki akagenda ase Moredekai agwo ase eraaro y’omochie, bosio bw’egeita ki’enyomba y’omoruoti.
7
Moredekai akamotebia amang’ana onsi amonyorete; boigo akamotebia omobaro bwe chibesa Hamani arire eira kobeka ase ekungo y’omoruoti, ng’a Abayahudi bonsi baitwe basirigwe kegima.
8
Boigo Moredekai akaa Hataki rirube ririkire amang’ana ’ogochika koria kwaruetwe Susa igoro y’ogosirigwa kw’Abayahudi, erinde orokie Esteri na amotebie amang’ana onsi, boigo amotebie ng’a agende ase omoruoti komosaba amabera ase abanto baye.
9
Hataki akagenda, agatebia Esteri amang’ana onsi Moredekai atebete.
10
Esteri agakwana na Hataki, akamotebia airane ase Moredekai, amotebie,
11
“Omonto onde bwensi, abe omosacha gose omokungu, oragende ase omoruoti ase egoora ime atarangeiri, goika aitwe akwe. Okwo nogochika. Abasomba bonsi b’omoruoti na abanto bonsi be chingongo chi’oboruoti mbamanyete amang’ana ayio. Enchera neyemo yoka ogotooreka: erarente onye omoruoti abe okomworotera enyimbo yaye y’oboruoti eroisirie korwa ase etahabu, ebe ekemanyererio ng’a rirorio natigwe abe moyo. Korende bono tindarangerigwa kogenda ase omoruoti ase engaki y’amatuko emerongo etato.”
12
Ekero Moredekai atebetigwe amang’ana ’Esteri,
13
akamotomera abanto nokoiraneria oko: “Tokaga ng’a ekiagera ore ase enyomba y’omoruoti aye notooreke kobua Abayahudi bande.
14
Naki onye aye kogokira‐kiri kegima ase engaki eye, ogokonywa na ogotooreka nigo korache ase Abayahudi korwa ensemo ende, korende aye na abanto b’enyomba ya iso mosirigwe. Ande, ning’o omanyete gose nase engencho y’engaki buna eye kwabeire eting’ana y’omoruoti?”
15
Naende Esteri akabatoma ase Moredekai bamoiranerie,
16
“Genda osangererie Abayahudi bonsi bare aa Susa, mweng’ate ase engencho yane. Timoria gose konywa ase amatuko atato, omobaso na obotuko. Inche amo nabasomba baane abaiseke ntweng’ate boigo. Nyuma y’ayio ningende ase omoruoti mamincha y’amachiko; onye ngochia gosirigwa, insirigwe.”
17
Erio Moredekai akagenda, agakora onsi buna Esteri amochigete.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
All chapters:
1
2
3
4
5
6
7
8
9
10