Ecclesiastes 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1نَثٜىٰ وَكَيْنَ «بَرِ إِنْسَا رَيْنَ ثِكِنْ جِنْ دَاطِے إِنْ سَنْ يَدَّ جِنْ دَاطِے يَكٜىٰ!» عَمَّا نَتَرَرْ وَنَّنْ مَا دُكْ بَنْظَنٜىٰ؞

2نَكُمَ غَانٜىٰ يِنْ دَارِيَا وَوَنْثِنٜىٰ، رَايُوَرْ جِنْ دَاطِے مَا، بَابُ أَمْڢَانِ؞

3نَيِ بِنْثِكٜىٰ عَثِكِنْ رَيْنَ، يَدَّ ذَنْبَا جِكِينَ جِنْ دَاطِے دَ ضُوً إِنَبِے، سَعَدَّ حِكِمَ تَكٜىٰبِدَ تُنَانِنَ؞ نَاكُوَ ضُنْ‌غُمِ وَوَنْثِ دُواْمِنْ إِنْ غَا أَبِنْدَ يَكٜىٰ دَݣَوْ وَنْدَ یَنْ أَدَمْ ذَاسُيِ عَڧَرْڧَشِنْ سَمَ ثِكِنْ دُكَنْ یَنْ ݣُونَكِنْ رَايُوَرْسُ؞

4نَيِ مَنْيَنْ أَبُبُوَ؞ نَغِنَ وَكَيْنَ غِدَاجٜىٰ، نَكُمَ شُوكَ وَكَيْنَ غُواْنَكِنْ إِنَبِے؞

5نَيِ وَكَيْنَ غُواْنَكِ دَ وُرَارٜىٰنْ شَنْ إِسْكَ، نَشُوكَ كُواْوَنٜىٰ إِرِنْ إِتَاثٜىٰ مَيْبَادَ یَیَ عَثِكِ؞

6نَيِ وَكَيْنَ تَڢْكُنَ دُواْمِنْ عَيِ وَ عِتَتُوَنْ دَ سُكَ ڟِيرَا بَنْ ضُوَ؞

7نَسَيُواْ وَكَيْنَ بَايِ مَظَا دَ مَاتَا، أَنْكُمَ حَيْڢَ مِنِ یَیَ نَبَيِ عَثِكِنْ غِدَانَ؞ نَكُمَ ذَمَ مَيْ يَوَنْ غَرْكُنَ نَشَانُو دَ نَتُمَكِ دَ أَوَكِ ڢِيٜىٰدَ دُكَنْ وَطَنْدَ سُكَ رِغَانِ ذَمَ عَثِكِنْ عُرُوشَلِيمَ؞

8نَكُمَ تَارَ وَكَيْنَ أَظُرْڢَا دَ ظِينَارِيَ دَ كُمَ كَايَ مَاسُ دَرَجَ إِرِنْ نَسَرَاكُنَ دَ نَيَنْكُنَنْ دَ نَكٜىٰ مُلْكِنْسُ؞ نَسَامِ مَوَاڧَ مَظَا دَ مَاتَا دُواْمِنْ سُرٜىٰرَ مِنِ وَاڧَا دَ أَبُبُوَ نَجِنْ دَاطِنْ جِكِے دَ مَاتَادَيَوَ وَطَنْدَ نَأَجِيٜىٰ؞

9عِ، غِرْمَنَ يَڧَارُ، نَاكُوَڢِ دُكَنْ وَطَنْدَ سُنْ رِغَانِ ذَمَ عَثِكِنْ عُرُوشَلِيمَ؞ دُكْدَهَكَ حِكِمَتَ بَتَرَبُ دَنِے بَ؞

10دُكَنْ أَبِنْدَ عِدُواْنَ يَيِ شَعَوَ، بَنْ حَنَ مَسَبَ؞ بَنْ تَٻَ حَنَ وَكَيْنَ أَبِنْ جِنْ دَاطِبَ؞ رَيْنَ يَجِ دَاطِنْ دُكَنْ عَيْكِنَ، وَنَّنْ نٜىٰ لَادَنْ دُكَنْ عَيْكِنَ؞

11نَيِ تُنَانِ عَكَنْ دُكَنْ عَيْكِنْ حَنُّوَنَ، دَ دُكَنْ عَيْكِنْدَ نَيِ إِنْ سَامِ أَمْڢَانِ، نَغَ وَنَّنْ مَا دُكَ بَنْظَنٜىٰ كُمَ ڧُواْڧَرِنْ كَامُنْ إِسْكَ نٜىٰ؞ بَابُ أَبِنْدَ يَكٜىٰدَ أَمْڢَانِ أَ رَايُوَرْ دُونِيَرْ نَنْ؞

12سَيْ نَجُويَا تُنَانِنَ غَ حِكِمَ، دَ كُمَ هَوْكَ دَ وَوَنْثِ؞ غَمَا وَنْدَ يَغَاجِ سَرْكِے، مٜىٰ ذَيْ يِ؟ بَا وَنِ أَبُ، سَيْدَيْ أَبِنْدَ سَرَاكُنَنْ دَا سُكَيِ؞

13نَغَ أَمْڢَانِنْ حِكِمَ يَڢِ نَوَاوَنْثِ، كَمَرْ يَدَّ حَصْكٜىٰ يَڢِ دُهُ؞

14مَيْ حِكِمَ يَنَدَ عِدُوانْ ذُوثِيَا، عَمَّا وَاوَا يَنَ تَڢِيَ عَثِكِنْ دُهُ؞ دُكْدَهَكَ، نَغَانٜىٰ ڧَرْشٜىٰنْسُ دُكَ أَبُ طَيَنٜىٰ؞

15سَيْنَثٜىٰ وَكَيْنَ، «أَبِنْدَ يَڢَرُ دَ وَاوَا، ذَيْ ڢَرُ دَ نِے مَا؞ تُواْ، وَنٜىٰ أَمْڢَانِ نٜىٰ نَسَامُ نَذَمَنْ مَيْ حِكِمَ؟» سَيْنَثٜىٰ وَكَيْنَ «وَنَّنْ مَا دُكْ بَنْظَنٜىٰ؞»

16غَمَا مَيْ حِكِمَ دَ وَاوَا دُكَ بَذَاعَتُنَ دَسُو نَنْ غَبَبَ؞ عَكْوَانَكِے مَاسُ ذُوَا ذَاعَ مَنْتَادَسُو دُكَ؞ يَدَّ مَيْ حِكِمَ يَكٜىٰ مُتُوَ، حَكَمَا وَاوَا يَكٜىٰ مُتُوَ!

17سَبُواْدَ وَنَّنْ ڢَا، رَيْ بَوَنِ أَبُ نٜىٰ أَغَرٜىٰنِبَ، غَمَا أَغَرٜىٰنِ دُكَنْ أَبِنْدَ عَكٜىٰيِ أَ رَايُوَرْ دُونِيَرْ نَنْ بَا مَعَنَ؞ دُكَنْ كُواْمٜىٰ بَنْظَنٜىٰ كُمَ ڧُواْڧَرِنْ كَامُنْ إِسْكَ نٜىٰ؞

18عَيْكِنَ كُمَ وَنْدَ نَيِ أَ رَايُوَرْ دُونِيَرْ نَنْ، بَا وَنِ أَبُ نٜىٰ أَغَرٜىٰنِبَ، تُنْدَ نَغَانٜىٰ ذَنْبَرْ وَوَنْدَ ذَيْ غَاجٜىٰنِ؞

19وَ يَسَنِ كُواْ شِے وَنْدَ ذَيْ غَاجٜىٰنِ مَيْ حِكِمَ نٜىٰ كُواْ كُمَ وَاوَا نٜىٰ؟ دُكْدَهَكَ، ذَيْ غَاجِ دُكَنْ أَمْڢَانِنْ عَيْكِنْدَ نَشَا وَهَلَرْ تَرَوَ أَ رَايُوَرْ دُونِيَرْ نَنْ؞ وَنَّنْ مَا دُكْ بَنْظَنٜىٰ؞

20نَجُويَا نَدُوبَ، سَيْ نَڢِدَّ ذُوثِيَا عَكَنْ دُكَنْ عَيْكِنْدَ نَيِ أَ رَايُوَرْ دُونِيَرْ نَنْ؞

21غَمَا وَنْدَ يَيِ عَيْكِنْسَ دَ حِكِمَ دَ سَنِ دَ ڠُونِنْتَ، دُكْدَهَكَ، ذَيْ بَرْ وَ وَنِ وَنْدَ بَيْ شَا وَهَلَرْ كُواْمٜىٰ عَثِكِيبَ؞ وَنَّنْ مَا بَنْظَنٜىٰ، كُمَ مُوغُنْ أَبُ نٜىٰ؞

22مٜىٰنٜىٰنٜىٰ یَنْ أَدَمْ سُكٜىٰ سَامُوَ دَغَ دُكَنْ عَيْكِنْ دَسُكٜىٰيِ دَ إِرِنْ وَهَلَرْ دَسُكٜىٰ شَا ثِكِنْ عَيْكِنْسُ أَ رَايُوَرْ دُونِيَرْ نَنْ؟

23غَمَا دُكَنْ ݣُونَكِنْسُ ثِكٜىٰ سُكٜىٰ دَ وَهَلَ، عَيْكِنْسُ كُمَ بَڧِنْ ثِكِ نٜىٰ؞ عِ، حَرْ مَا دَ دَرٜىٰ ذُوثِيَارْسُ بَاتَ هُوتَوَا؞ وَنَّنْ مَا بَنْظَنٜىٰ؞

24بَابُ أَبِنْدَ يَڢِ ݣَوْ غَ یَنْ أَدَمْ ڢِيٜىٰدَ سُثِ، سُشَا، سُكُمَجِ دَاطِنْ عَيْكِنْسُ؞ نَغَانٜىٰ، وَنَّنْ مَا دَغَ حَنُّنْ اللَّهْ نٜىٰ؞

25يَيَ مُتُمْ ذَيْجِے دَاطِنْثِ دَ شَا إِنْ بَ دَغَ وُرِنْ اللَّهْ بَ؟

26غَ وَنْدَ يَكٜىٰ ڢَرَنْتَاوَا اللَّهْ رَيْ، اللَّهْ يَكٜىٰ بَاشِ حِكِمَ دَ سَنِ دَ ڢَضٍ ثِكِ؞ عَمَّا غَ مَيْ ذُنُوبِ، اللَّهْ يَكَنْ بَاشِ وَهَلَرْ نٜىٰمَ دَ تَرَوَ، عَڧَرْشٜىٰ سَيْ يَكُمَبَا وَنْدَ يَكٜىٰ ڢَرَنْتَ وَ اللَّهْ رَيْ؞ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَ نٜىٰ؞

← Chapter 1 Jump to: Chapter 3 →