Ecclesiastes 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1وَ يَكٜىٰ كَمَرْ مُتُمْ مَيْ حِكِمَ؟ وَنٜىٰنٜىٰ كُمَ يَسَنْ ڢَسَرَرْ أَبُبُوَ؟ حِكِمَ تَكَنْسَا ڢُسْكَرْ مُتُمْ تَحَصْكَكَ، تَكَنْ سَا ڢُسْكَرْ دَ تَطَوْرٜىٰ كُمَ، تَوَرْوَارٜىٰ؞

2كَكِيَايٜىٰ عُمَرْنِنْ سَرْكِے، سَبُواْدَ ضَنْڟُوَارْ بِيَيَّ وَدَّ كَطَوْكَ أَغَبَنْ اللَّهْ ؞

3كَدَ كَيِ سَوْرِ، عَمَّا كَڢِتَ دَغَ غَبَنْ سَرْكِے؞ كَدَ كَدَطٜىٰ أَوُرِے مَيْ حَڟَرِ، غَمَا سَرْكِے يَنَ عِيَيِنْ أَبِنْدَ يَغَ دَامَ؞

4تُنْدَيَكٜىٰ مَغَنَرْ سَرْكِے دَ إِيكُواْ تَكٜىٰ، وَ ذَيْثٜىٰ مَسَ «مٜىٰ كَكٜىٰيِ؟»

5دُكْ وَنْدَ يَكٜىٰ بِيَيَّ دَ عُمَرْنِنْ سَرْكِے بَذَيْ ثُوتُ أَوُرِے مَيْ حَڟَرِبَ، ذُوثِيَارْ مَيْ حِكِمَ تَكَنْ سَنْ لُواْكَثِنْ يِنْ أَبُ دَ حَنْيَرْ دَ تَدَاثٜىٰ عَبِے؞

6غَمَا كُواْوَنٜىٰ ذَنْثٜىٰ يَنَدَ لُواْكَثِنْسَ دَ حَنْيَرْسَ، كُواْدَيَكٜىٰ وَهَلَرْ یَنْ أَدَمْ دَيَوَ تَكٜىٰ؞

7حَڧِيڧَ، بَاوَنْدَ يَسَنْ أَبِنْدَ ذَيْ ڢَرُ، غَمَا وَنٜىٰنٜىٰ ذَيْ ڢَطَا مَسَ أَبِنْدَ يَكٜىٰ غَبَ؟

8بَاوَنْدَ يَكٜىٰدَ إِيكُواْ عَكَنْ نُمْڢَشِنْسَ بَا كُمَ وَنْدَ يَكٜىٰدَ إِيكُواْ عَكَنْ رَانَرْ مُتُوَرْسَ؞ كَمَرْ يَدَّ بَاوَنْدَ يَكٜىٰدَ إِظْنِ يَبَرْ يَاڧِ، بَا مَيْ مُغُنْتَا وَنْدَ ذَيْ كُٻُتَ تَوُرِنْ مُغُنْتَارْسَ؞

9نَغَ وَنَّنْ دُكَ، أَ لُواْكَثِنْدَ نَطَوْكِ نِيَّرْ سَا كَيْنَ غَ دُكَنْ أَبِنْدَ عَكٜىٰيِ أَ رَايُوَرْ دُونِيَرْ نَنْ؞ نَغَ وَنِ يَنَدَ إِيكُواْ عَكَنْ وَطَنْسُ، إِيكُوانْ كُوَ يَثُوثٜىٰ شِ؞

10نَا كُمَ غَ عَكَنْ بِنّٜىٰ مُوغَيٜىٰ دَ بَنْ غِرْمَ، مُتَنٜىٰنْدَ دَا سُكَنْ شِغَ سُڢِتَ أَ وُرِے مَيْ ڟَرْكِے، عَكَنْ يَبٜىٰسُ عَبِرْنِنْ دَ دَا سُكَنْيِ مُغُنْتَارْسُ؞ وَنَّنْ مَا بَنْظَنٜىٰ؞

11سَبُواْدَ بَعَيَنْكٜىٰ حُكُنْثِ غَ مَاسُ عَيْكَتَ مُغُنْتَادَ سَوْرِبَ، يَسَا ذُوثِيَارْ یَنْ أَدَمْ تَنَدَ ڧَرْڢِنْ عَيْكَتَ مُغُنْتَا؞

12كُواْدَيَكٜىٰ مَيْ مُغُنْتَا يَكَنْ عَيْكَتَ مُغُنْتَا سَوْ طَرِے يَكُمَ دَطٜىٰ عَدُونِيَا، دُكْدَهَكَ نَسَنِ عِدَنْ مُتُمْ يَنَ ڟُواْرُوانْ اللَّهْ ، يَنَ كُمَ غِرْمَمَشِ، كُواْمٜىٰ ذَيْ تَڢِے دَيْدَيْ؞

13عَمَّا نَسَنِ مُوغَيٜىٰ بَذَاسُ سَامِ ذَمَنْ لَاڢِيَبَ، سُو كَمَرْ إِنُوَنٜىٰ، بَذَاسُ دَطٜىٰ عَدُونِيَابَ، غَمَا بَاسُ دَ ڟُواْرُوانْ اللَّهْ ؞

14دُوبِے أَبِنْ بَنْظَ وَنْدَ يَكٜىٰ ڢَرُوَ عَدُونِيَا؞ أَبِنْ دَ يَكَنْ ڢَرُ دَ مَاسُ أَدَلْثِے، سَيْ كَثٜىٰ مُوغَيٜىٰ نٜىٰسُو، أَبِنْدَ كُوَ يَكَنْ سَامِ مُوغَيٜىٰ، سَيْ كَثٜىٰ مَاسُ أَدَلْثِنٜىٰ سُو؞ نَثٜىٰ وَنَّنْ مَا بَنْظَنٜىٰ؞

15دُواْمِنْ حَكَ نَثٜىٰ يَنَدَ ݣَوْ مُتُمْ يَجِوَ رَنْسَ دَاطِے، غَمَا بَابُوَنِ أَبُ أَ رَايُوَرْ دُونِيَرْ نَنْدَ يَڢِ وَمُتُمْ يَثِ يَشَا يَكُمَ جِوَ رَنْسَ دَاطِے؞ وَنَّنْ ذَيْ ڧَرْڢَڢَ شِ عَثِكِنْ عَيْكِنْسَ أَدُكَنْ ݣُونَكِنْ رَنْسَ وَنْدَ اللَّهْ يَبَا شِ عَدُونِيَرْ نَنْ؞

16نَيِ نِيَّرْ سَا كَيْنَ غَ سَامُنْ حِكِمَ، إِنْكُمَ سَنْ أَبِنْدَ يَكٜىٰ ڢَرُوَ عَدُونِيَا، بَنْ كُمَبَا عِدُواْنَ بَرْثِبَ دَرٜىٰ دَ رَانَ؞

17سَيْ نَغَ دُكَنْ عَيْكِنْ اللَّهْ ، نَكُمَ غَانٜىٰ بَابُ مُتُمْ وَنْدَ يَ عِيَ سَنِنْ أَبِنْدَ يَكٜىٰ ڢَرُوَ أَ رَايُوَرْ دُونِيَرْ نَنْ؞ دُكْ دَ إِيَاكَرْ ڧُواْڧَرِنْسَ ثِكِنْ ذَاڢِنْ نٜىٰمَ، بَذَيْ عِيَ غَانٜىٰ كُواْمٜىٰبَ؞ كُواْ مَا يَطَوْكِ كَنْسَ مَيْ حِكِمَنٜىٰ مَيْ عِيَ سَنِ، دُكْدَهَكَ بَذَيْ غَانٜىٰبَ؞

← Chapter 7 Jump to: Chapter 9 →