Ecclesiastes 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1سُنَ مَيْݣَوْ يَڢِ مَنْ ڧَنْشِ مَيْ ڟَادَ، رَانَرْ مُتُوَ كُمَ تَڢِے رَانَرْ حَيْڢُوَ؞

2ڠُومَّ عَتَڢِے غِدَنْ دَ عَكٜىٰ مَكُواْكِ دَ عَتَڢِے غِدَنْ دَ عَكٜىٰ بِكِ، غَمَا مُتُوَ ڧَرْشٜىٰنْ كُواْوَنٜىٰ مُتُمْ نٜىٰ، يَا كَمَاتَ دُكْ مَيْ رَيْ يَرِڧٜىٰ وَنَّنْ أَ ذُوثِيَارْسَ؞

3ڠُومَّ عَيِ بَڧِنْ ثِكِ دَ عَيِ دَارِيَا، غَمَا ٻَاتَ ڢُسْكَ تَكَنْ كَٰوُاْ ڠَرَ أَ ذُوثِيَا؞

4ذُوثِيَارْ مَيْ حِكِمَ تَكَنْيِ تُنَانِنْ مُتُوَ عَمَّا ذُوثِيَارْ وَاوَا تَكَنْيِ تُنَانِنْ جِنْ دَاطِے كَوَيْ؞

5ڠُومَّ مُتُمْ يَجِ ڟَاوَتَرْوَرْ مَيْ حِكِمَ، دَ يَجِ وَاڧَرْ يَبُوانْ وَوَيٜىٰ؞

6غَمَا ڧَارَرْ دَارِيَارْ وَاوَا تَنَ كَمَ دَ ڧَارَرْ ڧَيَ مَيْ ثِنْ وُتَا عَڧَرْڧَشِنْ تُكُنْيَ نٜىٰ؞ ڧَارَ ثٜىٰ كَوَيْ، وَنَّنْ مَا بَنْظَنٜىٰ؞

7حَڧِيڧَ عَيْكِنْ ثُوتَا يَكَنْسَا مَيْ حِكِمَ يَذَمَ وَاوَا، كَرْٻَرْ ثِنْ حَنْثِ كُمَ تَكَنْ ڧَظَنْتَرْدَ حَلِ؞

8ڠُومَّ ڧَرْشٜىٰنْ أَبُ دَ ڢَارَوَرْسَ، ڠُومَّ مَيْ حَڧُرِ دَ مَيْ غِرْمَنْ كَيْ؞

9كَدَ كَذَمَ مَيْ سَوْرِنْ ڢُشِے، غَمَا وَاوَا نٜىٰ مَيْ ثِكٜىٰ دَ ڢُشِے؞

10كَدَ كَثٜىٰ، «مٜىٰيَسَا ݣُونَكِنْ دَا سُنْڢِے نَيَنْظُ؟» غَمَا تَمْبَيَرْ نَنْ بَ دَغَ حِكِمَثٜىٰ تَڢِتُواْبَ؞

11حِكِمَ تَنَدَ ݣَوْ كَمَرْ غَادُواْ، تَنَدَ أَمْڢَانِ غَ دُكَنْ مَاسُ رَيْ؞

12غَمَا حِكِمَ تَكَنْ ڟَرٜىٰ مُتُمْ كَمَرْ يَدَّ كُطِ يَكَنْيِ؞ حِكِمَ تَكَنْ كِيَايٜىٰ رَنْ مَيْ عِتَ، وَنَّنْ عِتَثٜىٰ أَمْڢَانِنْ سَنِ؞

13لُورَ دَ عَيْكِنْ اللَّهْ ، وَ ذَيْ إِسَ يَمِيڧٜىٰ أَبِنْدَ يَتَنْڨُورٜىٰ؟

14عَݣُونَكِنْ جِنْ دَاطِے، كَيِ مُرْنَ، عَݣُونَكِنْ وَهَلَ كُمَ، كَلُورَ، اللَّهْ نٜىٰ يَيِسُ دُكَ بِيُنْ، تَهَكَ طَنْ أَدَمْ ذَيْ غَانٜىٰ بَذَيْ سَنْ أَبِنْدَ ذَيْ ڢَرُ نَنْ غَبَبَ؞

15عَݣُونَكِنَ نَبَنْظَ، نَغَ دُكَنْ وَطَنَّنْ أَبُبُوَ؞ مَيْ أَدَلْثِے يَكَنْ مُتُ بَايَ دَطٜىٰوَ، دُكْ دَ ذَمَنْ أَدَلْثِنْسَ، مَيْ مُغُنْتَا كُمَ يَكَنْ دَطٜىٰ دُكْ دَ مُوغَيٜىٰنْ هَلَيٜىٰنْسَ؞

16كَدَ كَطَوْكِ كَنْكَ كَيْ مَيْ أَدَلْثِے نٜىٰ سُواْسَيْ، كُمَ كَدَ كَثِكَ نُونَ كَيْ مَيْ حِكِمَ نٜىٰ؞ دُوانْمٜىٰ ذَاكَ كَشٜىٰ كَنْكَ؟

17كَدَ كَبَادَ كَنْكَ غَ يِنْ مُغُنْتَا كُمَ كَدَ كَثِكَ يِنْ وَوَنْثِ؞ دُوانْمٜىٰ ذَاكَ مُتُ تُنْ ݣُونَكِنْكَ بَسُثِكَبَ؟

18ڠُومَّ كَبِے شَوَرَرْ نَنْ بِيُ مَيْمَكُواْ كَبِے طَيَ كَبَرْ طَيَ؞ غَمَا شِے وَنْدَ يَكٜىٰ ڟُواْرُوانْ اللَّهْ ذَيْ عِيَ بِنْ دُكَنْ وَطَنَّنْ؞

19حِكِمَ تَكَنْ بَا مَيْ حِكِمَ ڧَرْڢِے ڢِيٜىٰدَ ڧَرْڢِنْ مُتُمْ غُواْمَ مَاسُ إِيكُواْ عَبِرْنِ؞

20حَڧِيڧَ، بَابُ مُتُمْ مَيْ أَدَلْثِے عَدُونِيَرْ نَنْ مَيْ عَيْكَتَ أَبِنْدَ يَكٜىٰ دَيْدَيْ عَكُواْوَنٜىٰ لُواْكَثِ، بَاتَرٜىٰدَ يِنْ ذُنُوبِبَ؞

21كَدَ كَبَادَ حَنْكَلِنْكَ غَ دُكَنْ أَبِنْدَ مُتَنٜىٰ سُكٜىٰ ڢَطَا، مَيْيِوُوَ نٜىٰ كَاجِ مَعَيْكَثِنْكَ يَنَ ذَاغِنْكَ؞

22غَمَا كَيْ دَ كَنْكَ كَسَنِ أَ ذُوثِيَارْكَ سَوْ دَيَوَ كَكَنْ ذَاغِ وَطَنْسُ؞

23نَيِ أَمْڢَانِ دَ حِكِمَتَ دُواْمِنْ إِنْ ڠُودَ دُكَنْ وَطَنَّنْ، نَثٜىٰ، «نَيِ نِيَّ إِنْ ذَمَ مَيْ حِكِمَ،» عَمَّا أَبِنْ يَڢِ ڧَرْڢِينَ؞

24شَعَنِنْ رَايُوَا يَنَدَ ظُرْڢِ ڨُورَيْ، أَبُ نٜىٰ مَيْ وُيَرْ غَانٜىٰوَ؞ وَ ذَيْ غَانٜىٰ أَسِيرِنْسَ؟

25نَجُويَا نَسَا كَيْنَ ثِكِنْ نٜىٰمَنْ سَنِ، إِنْيِ بِنْثِكٜىٰ، إِنّٜىٰمِ حِكِمَ دَ أَمْسُواْشِنْ تَمْبَيُواْيِنَ، إِنْكُمَ سَنْ وَوَنْثِنْ مُغُنْتَا، دَ كُمَ يَدَّ وَوَنْثِ هَوْكَ يَكٜىٰ؞

26نَاكُوَ تَرَرْ دَ أَبِنْدَ يَڢِ مُتُوَ طَاثِ، مُوغُوَرْ مَثٜىٰنَّنْ، وَتُواْ وَوَنْثِ، مَيْ نُونَ مَكَ ڧَوْنَ دَ ذُوثِيَارْ تَرْكُواْ مَيْ رَاغَ؞ ضُنْ‌غُمٜىٰوَرْ حَنُّوَنْتَ كَمَرْ تَسَرْڧَ ثٜىٰ؞ مُتُمِنْ دَيَكٜىٰ ڢَرَنْتَ وَ اللَّهْ رَيْ ذَيْ كُٻُتَ دَغَ حَنُّوَنْتَ؞ عَمَّا مُتُمْ مَيْ ذُنُوبِ بَذَيْ كُٻُتَ دَغَ حَنُّوَنْتَبَ؞

27دُوبَ، أَبِنْدَ نَتَرَرْ، إِنْجِ مَيْ وَعَظِ، «نَيِ تَڧَارَ طَيَ عَكَنْ طَيَ نَڠُودَ أَبُبُوَ دُواْمِنْ إِنْ سَنْ أَمْسُواْشِنْ تَمْبَيُواْيِنَ،

28أَمْسُواْشِنْ دَ رَيْنَ يَكٜىٰ نٜىٰمَ عَكَيْ عَكَيْ، عَمَّا بَنْ سَامُبَ؞ كَمَرْ يَدَّ كَرِنْ مَغَنَ تَثٜىٰ، ‹نَسَامِ مُتُمْ مَيْ حِكِمَ طَيَ نٜىٰ كَثَلْ عَثِكِنْ مَظَا دُبُو، عَمَّا عَثِكِنْ مَتَا بَنْ سَامِ كُواْ طَيَبَ؞›

29دُوبَ! وَنَّنْ نٜىٰ كَطَيْ نَتَرَرْ، اللَّهْ يَيِ یَنْ أَدَمْ دَ ذُوثِيَا أَ مِيڧٜىٰ، عَمَّا سُكَ مَيْدَ كَنْسُ مَاسُ رَايُوَرْ ݣُونَ ݣُونَ؞»

← Chapter 6 Jump to: Chapter 8 →